6th sun B - 1

Sa piesta sang aton mahal nga Iloy sang Lourdes nagmisa ako anay para sa mga masakiton sang St. Paul’s Hospital tungod kay yadto nga adlaw ginakabig nga day of the sick.  Damo ang nag-attend kag nagpa-pray over bisan bal-an na gid na nila nga malas gid ako mag-pray over kay matyag ko ang balati-an sang ginapray-over ko nagalala tapat.  Bisan gani ang indi na gid ka-iro, maattend gid basi pa man lang maayo.  Ako naintiendihan ko gid ina.  Nagkadto ako anay sa isa ka manugbotbot sa Oton para lang mayo akon piang.  Didto ko lang natalunpangdan nga may mga dahondahon kag mga kahoy-kahoy sa tuhod ko.  May namangkot sa akon, “Fr. indi bala sala ina?  “Ay inday,” siling ko lang, “kon naexperyensiyahan mo lang kon ano kasakit sang tuhod ko, bisan ano himuon mo, basta maayo ka lang.” 

Sa aton ebanghelyo subong makita naton nga nagpalapit ang isa ka aruon kay Jesus.  Sang una ang aro waay sing bulong.  Ginasiling gani nga sang middle ages kung matalupangdan nga aruon ikaw, ginadala ikaw sa simbahan kag ginamisahan sang requiem, kag ginabenditahan nga daw patay bisan buhi ka pa.  Ginatawag sila nga mga living dead.  Sa tiempo ni Jesus mas sobra pa gid ang pagtratar sa ila.  Indi sila ka palapit sa kay bisan sin-o.  Indi gani nila matago ang ila masakit kay ginamandu-an sila nga gisi-on ang ila bayo, indi manghusay sang ila buhok kag samtang nagalakat sila masinggit sila “mahigko ako, mahigko ako” – agud nga bisan layo pa sila ang mga tawo makalikaw na sa ila.  Ang mga tawo indi man makapalapit sa ila, indi lang tungod kay basi malatnan sila, kundi tungod kay mangin ritually unclean sila – kon sayuron pa kung makapalapit ka mga pila ka dupa sa aroon indi ka pagpasudlon sa sinagoga, ukon sa templo kay nalatnan ikaw sang ila kahigko.  Apang subong makita naton ang isa ka aruon nagpalapit kay Jesus – waay huya huya, waay sing kahaglok nga basi habuyon siya sing bato kag tabugon – nagpalapit siya kag nagsiling,  Kon buot mo, maayo mo ako.  Buot ko, siling sang Ginoo.

Kon buot mo.  Buot ukon ang will.  Ano ini?  Kon kaisa nagakalipat kita sining kagamhanan nga yara sa aton.  Kabubut-on - will – mabatyagan mo ini nga kagamhanan sa imo ilabi kong sa ital-ital na ang imo kabuhi, kung nagamasakit ka na kag desperado – nga may ara gali ikaw nga kagamhanan nga indi gid ina makuha sa imo - will power.  Bisan pi-ang ka pa, bisan masakit kaayo ang pamatyag mo, bisan natarantar na ika, bisan pa indi ikaw kahibalo, kung luyag mo gid, kung buot mo nga buhaton ang isa ka butang, mabuhat mo.  Waay may makapugong sa imo bisan yawa man ukon Dios – your will is yours kag manginbabaw gid ina.

Ano ining will power – dala ini sang aton kahilwayan.  Amo ini ang nagahimo sa aton nga responsible kag accountable sa aton mga desisyon kag mga ginabuhat.  Kung mangawat ako ukon magtomar sang druga indi ako ka ka pamasol sa iban kag magsiling, “ano abi kay ginsugo ako sang barkada.”  May kabubut-on ka gani indi naton mapasa ang responsibilidad sang aton mga ginabuhat sa iban.  Hubog ako, tapos nagdrive ako, tapos nakabunggo ako sang tawo kag nakapatay.  Indi ka kasiling sala ni San Miguel – ukon sala sang nanghagad.  Ginbuot mo nga mag-inom, puede ikaw ka pang-indi but you chose to do it kag yadto nga pag-inom sing todo naghimo sa imo nga hubog kag nakapatay.

Ang will power kon isa ini ka kagamhanan nga makadecide kita sa kalainan, isa man ini ka kagamhanan nga makadecide kita sa paghimo sing kaayohan, bisan pa mabudlay nga kaayuhan.  Kon buot mo nga magtuon, makakita ka gid na sang medyos nga magtuon.  Kon buot mo nga makatapos iskwela, makakita ka gid na sang medyos nga makatapos bisan pa sa tunga sang kinawala.  Kon buot mo batason ang isa ka butang, balati-an man ukon kabug-at, mabatas mo gid ina.  Kon buot mo magsimba makasimba ka gid sina.  Kon kaisa galing nagasiling kita, ay nalipat ako nga Domingo gali subong?  Nugay gani kung buot mo magsimba madumduman mo gid ina.  Why? because you have the will power to do good – a goodness even beyond expectations.  May isa gani ka bata nga gindeclare nga piang sang mga doctor pero ano man ang natabo after 5 years gold medalist sia sa Munich Olympics – ang iya hampang 1,500 meter dash run.

What you do with your life is your responsibility – indi pagbasula si nanay, si taytay ukon ang kaimolon ukon si Erap.  We are responsible for our actions, good or bad – because we have the will.  If you will to do so you can do it.  I do will it.  Subong suli-on ta ini - Jesus subong ang nagahambal sa aton – if you will to do so you can do it.  Can we say I do will it?