25th sun C - 1

Tungod kay ang aton ebanghelyo isa ka paalangiran makita na naman naton diri ang aton kahimtangan.  Kita tanan katulad sang enkargado, tanan kita, indi tungod kay kita mga tuso, ukon nagapanunto kag daya-on kundi tungod kay ang aton kahimtangan katulad gid sang kahimtangan sang enkargado sa aton ebanghelyo subong.  Kag ano ini - indi kita madugay sa aton palangaku-an, indi kita magdugay sa aton  posisyon. Ang aton kabuhi kag palangaku-an diri sa kalibutan temporaryo lamang.  Matapos gid ini tanan.  Gani katulad sang enkargado kita nagahulat sang tion nga kita pahalinon na sa aton mga palangaku-an diri sa ibabaw sang kalibutan.  Kag ang pamangkot subong amo - handa na bala kita sa sini nga panahon, naka-invest na bala kita, naka-aman na bala kita sa pag-atubang sang aton katapusan.

Sa kabuhi naton mga utod kon natuhan naton masyado kita ka segurista para sa paalabuton.  Kalabanan sa aton may mga SSS ukon GSIS, kalabanan sa aton may mga savings sa bangko nga aton magamit in caso por caso, iban sa aton may medicare ukon hospitalization plans bisan mabakod pa ang aton lawas, bisan bientihon pa la lang ang aton idad iban sa aton may pension plan na nga ginahandaan kon magretire sila, ang aton kabataan may college plan na samtang yara pa lang sila sa Kinder. Tanan gina-amanan naton bisan gani ang aton kamatayon kay subong may memorial plan na sa diin sigurado na ang imo lungon kag pantiyon panganlitan mapatay kita.  Apang ang pamankot subong amo sini:  kon maid-id naton nahanda ang aton kaugalingon sa kon ano man nga posible nga matabo sa aton sa ibabaw sang kalibutan, nahandaan na bala naton ang kabuhi sa pihak sining kalibutan? Kadamo sang mga insurance naton para sa kalibutan nga umalagi, apang may insurance policy na bala kita nga sa pihak sining kinabuhi may lugar kita sa ginhari-an sang Dios.  Gani agud makabalay kita sang aton insurance sa ginharian sang Dios mapahayag lamang ako sang mga principles base sa aton balasahon.  Indi ini maid-id nga bulahaton apang makapakita ini sa aton sang sakto nga banas sa pag-angkon sang aton insurance policy para sa pihak nga kinabuhi.  Kay sa pagkamatuod ang tagsatagsa amo ang magapalibog sini kag katulad sang enkargado kita dapat magpungko kag magpalitik  kon paano naton maangkon ang kahamungayaan sang kabuhi sa paalabuton.

Una nga principiyo, kon ano man ina nga mga banas ang aton nadesidihan nga pagaagyan kag pagahimu-on ginasiling sa santos nga kasulatan nga indi naton ini madala sa manggad.  Ang ginhari-an sang Dios indi mo maangkon paagi sa manggad, and in fact basi madula mo pa gani ini tungod sang imo preoccupasyon sa manggad.  Waay ako nagasiling nga ang manggad mala-in.  Money is not the root of all evil in fact it is the solution to most of our problems, indi bala. Dugangi ninyo bala dira dagdag sa second collection kay madula ini ang akon problema.  Money is not the root of all evil rather the love for money is the root of all evil - the love for money is the root of all evil kay kon dalok ikaw sa kwarta mahimo mo ang tanan bisan ang panumdum kag ang pagbuhat sang kalainan.  Basaha n’yo lang ang newspapers for reference kay ang kalabanan nga krimen, graft and corruption nagakatabo tungod sang kwarta.  Madali gid magcompromiso sang imo moral kon daku ang imo paghigugma sini kag indi ka kahibalo mag-usar sini.

Hay, mga utod, daku ini nga tentasyon ang kwarta sa bagay nga bisan balaan ikaw nga tawo, bisan palasimba ikaw mahimo ikaw nga mangin biktima sini.  Once upon a time may isa anay ka manggaranon nga tawo nga nagpalapit sa pari.  (kon magsiling ako once upon a time kon sayuron indi ina tuod.  Ini nga tawo nagpalapit sa pari nga nagapamangkot:  “Father, napatay ang ido ko, diin ko siya puede mapamisahan?”  sabat sang pari, Hay toto waay ka gid bala natudlu-an nga ang ido indi puede mamisahan?”  “Ay ti sigi na lang Father,” siling sang tawo, “kay bal-an mo father sang nagamasakit ang akon ido ginhandaan ko siya sang dies mil pesos nga ihalad sa iya misa para sa kapahuwayan sang iya kalag.”  Namula ang pari kag nagsabat “abaw toto waay ka gid nagsiling, katoliko gali ang ido mo, dal-a di kay misahan ta.”  Mga utod mag-andam gid kamo sa kwarta kay buyukon ya gid ikaw paidalom.  Kita ninyo, kon ang ido gani nangin katoliko tungod sang kwarta, mas posible pa gid nga ang kilohan madayaan, ang supply sang bugas matago agud magtaas ang presyo kag ang tanan nga kamalamalahan puede mahimo kon daku ang paghigugma sa kwarta.   Nadumduman ko anay ang advise sa amon sang amon sang isa ka tigulang na gid nga pari sa seminaryo.  Siling niya, “Mga toto, mas maayo pa nga nakahigugma ka sang isa ka babayi, sang sa nagahigugma ka sa kwarta.”  Na shock kami.  Nagpadayon siya sa pagsiling, “bal-an ninyo ang babayi nagatigulang kag kon magkulurinot ang iya guya nagatahaw man ang inyo paghigugma sa ila apang ang kwarta mas nagaangyag kag nagainggat.”  Mga utod, una nga principle sa pagbalay sang aton insurance policy sa langit - mag-andam sa kwarta!

Ikaduha nga principle, ang ginatawag naton nga self-motivation.  Sang una natingala gid ako kon paano ining mga basketball players makaliko-liko nga dala ang bola kag malut-san ang ila pangontra.  Kon paano sila makashoot sang bola nga tudotudo ang ila dalagan kag nagali-ad-li-ad samtang nagalumpat sing mataas.  Amo gali ini ang sekreto - agud mangin maayo ka you have to put your mind on it - ibuhos mo ang imo dedikasyon kag concentrasyon sa sini nga mga butang agud madangat mo ang imo ginahandum.  Kay kon kon kaisa ka man lang nagabasketball, kon kaisa ka man lang nagapractice indi mo matun-an ang mga techniques kag mabudlayan ka sa pagbuhat sini.

Katulad man ini kon gusto mo mangin maayo nga manugluto, ukon magcross-stitch, ukon sa negosyo kag bisan gani sa politika kon gusto mo magda-og pirme sa eleksiyon.  You have to put your mind to it indi kay kon san-o ka lang imo magtusmaw dira - you have to practice, concentrate, palitiki sang imo ulo, tun-i sing maayo agud to sa pila ka adlaw kon mahibalu-an mo ang tanan nga techniques mahapos na lang ini sa imo tungod kay nangin bahin na ini sa imo.

Mga utod, amo man ini sa spiritual life kag sa pagbalay sang aton insurance policy sa kabuhi nga wala sing katapusan.  Put your mind on it, indi kay kon san-o ka lang magsimba, kon san-o mo lang paminsaron, kon san-o mo lang buhaton ang ginapaabot sang Ginuo sa aton.  Ang mga tawo nga nagatusmawtusmaw lang sa ila buluhaton waay gid sing paabuton nga maayo.  So don’t just do it when you are in the mood, bisan indi pa in the mood buhata, ipractice so that you will know the techniques, you could discipline yourself, and the attitude, the habit becomes part of you.  Mangin expert ikaw.  Indi ka man makatuon magmangin maalwan kon ginahulat mo nga mangin in the mood ka kag buhaton ini.  Indi ka makatuon magpangamuyo kon nagapangamuyo ka lang kon abuton ikaw.  Amo ini ang ginasiling ni Pablo sa aton ikaduha nga balasahon - magpangamuyo sing masunsun - indi kay kon san-o lang luyag ta.  So put your mind on it - self-motivation - disciplina - gustuha bisan indi ka pa gusto, pilita ang imo kaugalingon bisan mabudlay.  You must know that in every good that you want to earn you must always be willing to pay the price.  Amo ini ang makadala sa imo sing garantiya sa kabuhi nga wala sing katapusan.