19th sun A - 2

Paano ko ginsabat ang kabudlayan sa akon kabuhi?  How did I respond to the all those difficulties and problems in my life for the past three years? Amo ini ang mga pamangkutanon nga nagsulod sa akon panghunahuna sang ginbasa ko ang experyensiya ni Elias sa aton nahauna nga balasahon, kag ang experyensiya ni Pedro sa aton ebanghelyo. Sa aton pagpamalandong subong luyag ko usaron ining tatlo ka experyensiya - ang kay Elias, ang kay Pedro kag ang akon, sa tuyo nga ining mga experyensiya will remind you of your own experiences and responses to hardships, and at the same time will give us all the chance to learn from one another.

Sa aton nahauna nga balasahon makita naton nga si Elias nagpanago sa kuweba.  Ang Dios mismo natingala - “Elias, ngaa ari ka diri sa kuweba?”  Si Elias waay nagsabat, siguro may ginatago siya, siguro nahuya siya sa pagsugid sa Dios paagi sa pagsabat sang pamangkot, “ngaa ari ka diri sa kuweba?” 

Si Elias nagpanago sa kuweba tungod kay siya propeta, kag may ginhambal siya nga indi luyag sang iya tagpalamati.  Ginhingabot siya.  Gani si Elias ginhadlukan, nalagyo kag nagpanago.  How do we respond to difficulties?  Amo ini ang masami naton nga sabat sa kabudlayan: nagapangita kita sang palanaguan, nagpanago kita sa kuweba. 

Sa akon pagkapari panganlitan mag-abot ang mga kabudlayan sa akon ministeryo nagapangita man ako sang akon kuweba, sang palanagu-an.  Isa sa mga kuweba nga ini amo ang pagsiling - “ah indi na ya akon obra,” ukon ang pagsiling - “singgana to siya nga waay ako diri,”  ukon ang pagsiling “indi ako maayo dira, pangita ka lang to sang iban, nahuya ako, basi kadlawan ako.”  Ang mas manami pa gid amo ang pagpalagyo - “bay-i da mangita ako dibersiyon.”  Kon kaisa ang dibersiyon indi na dibersiyon kay pirme pirme na lang, agud makaescapar sa problema.

Isa man sa masami nga mga palanaguan naton ukon kuweba amo ang pagpadaku sang gamay nga problema.  Ang pagpaminsar nga indi ako kasarang.  Amo man ini ang escape ni Elias - it seems that he had the tendency to make things larger or more difficult than they really are.  Ginapadaku ang gamay nga problema, gani, mahapos na magsiling - indi ako makasarang sina, kag malagyo. 

Subong man sa pagpangita sang sabat sa mga kabudlayan kon kaisa ginalikawan ko ang problema paagi sa pagpamasol sa iban kag sa pagjustify sang akon kaugalingon.  Gani makasiling ako kon kaisa sa Dios - “ngaa ginpapari mo pa ako kag hatagan sang sini nga problema, ngaa ano ang sala ko sa imo?”  Ukon makasiling ako “ano abi kay si kwan to amo sini, amo sina.”  Imbes pangitaan sang solusyon:  mamasol kita sa iban.  This is the easiest way to escape a problem or a particular difficulty - blame them.

Ano karon ang sabat sang Ginoo sa sini nga situwasyon ni Elias.  Ginsigganan siya sang Dios, “Elias guwa dira sa kuweba.”  Kag sa pagguwa ni Elias ginpakita sang Dios kay Elias ang iya presensiya - waay gali siya sa dagu-ob, waay siya sa mabaskog nga hangin, waay siya sa linog - apang yara gali siya sa mahinay nga huyop sang hangin.  It is God’s way of assuring Elijah nga ang Dios waay lamang sa moments of joy naton, nga ang Dios waay lamang sa mga milagro sa diin nasolbar ang akon problema, naayo sa milagroso nga paagi ang akon pi-ang, but God was there as I suffered silently, God was there even when I felt that he has abandoned me, God was there even when I felt my prayers where not heard or answered - he was there in the silence of the breeze, he was there.  

Ginsingganan sang Dios si Elias nga magguwa, to step out of the cave, to face the problem.  Makilala lamang naton kag makita ang presensiya sang Dios kag ang iya gahum kon magguwa kita sa aton kuweba nga ginapanaguan.  Sa sulod sang tatlo ka tuig sa pamatyag ko waay man ginsabat sang Dios ang akon pangamuyo, waay niya ako gin-ayo.  Pero nanutahan ko nga kon pasugtan ko ang akon masakit, kon himuon ko ini nga rason nga indi ako magsabat sa sick call, indi ko man makita ang presensiya kag kagamhanan sang Dios nga nagtuytuy sa akon, sa akon pagpanglakaton literally.  Pagsulod ko diri hagi ako reklamo ngaa I-assign ako sa Candle Light - indi ako kahibalo magsulat.  Kon ginpasugtan ko ini kag ginhimo nga rason nga indi magbaton sini nga assignment, waay ko man nakita ang gahum kag kaalam sang Dios nga nagatuytuy sa akon.  Ginpakita niya sa akon ang iya gahum kag presensiya sang nagsabat ako sa iya panawagan nga magguwa sa akon kuweba, sa pagsabat sang panawagan sang sick call bisan sakit akon tiil kag nagakumodkumod ako, kag sang nagrisgo ako kag tistingan nga magsulat sa Candle Light.  The Lord showed me that he is my strengh in those difficult moments - the Lord was my crutches, ang Ginuo amo ang akon baston kag kusog, siya ang nagasulat para sa akon, but he only begun to show me his power when I left my cave of fears and apprehensions. Paano na lang ayhan kon ginpasugtan ko ang akon lawas, kon ginhimo ko nga rason sa pagpanago sa akon balati-an, kon pasugtan ko ang akon hilig kag ang akon kakulba nga basi kadlawan ang akon grammar sa akon sinulatan? - waay ko kontani nakita ang kagamhanan sang Dios.  To see God we have to get out from our caves, we have to get out from the security of our boats, from our fears. Like Peter we have to face the raging waves, close our eyes and step on the water - to face the problem with courage, to have the courage to dare.

Subong sa aton pagpa-uli, panumdumon naton kon ano ang daku gid nga ginakulbaan ko subong.  Ano nga mga buluhaton nga indi ko masugdan tungod kay nahadlok ako sa una ko nga  mga tikang?  Ano ina nga mga butang ukon buluhaton nga indi ko mapakita tungod kay nahuya ako kay basi kadlawan ukon yagutaon ako?  Ano nga mga kuweba ang akon ginapanagu-an tungod kay indi ko luyag mag-atubang sang mga nagasalampaw nga problema sang kabuhi?  Kag tandaan naton, indi naton makita ang kagamhanan sang Dios if we will not make the first step out of these fears.  If we don’t we will suffer the greatest pain and punishment of all - the pain of regret - ang paghinulsol sa bilog ko nga kabuhi, ang paghinulsol nga kontani nabuhat ko ini, apang tungod kay ginpasugtan ko ang akon kahadlok waay ko ini nabuhat kag waay na ako sing chansa pa liwat nga mabuhat ini.