May isa ka bata nga babayi, tambok kag
cute kaayo (ang bata nga tambok, cute pa ina, pero kon daku kag tambok la-in na
ina). Nakakita siya sang iya crush sa
school. Ang ngalan sang iya nga crush,
si Carlo. Ginsulat niya ini sa iya
diary. Siling niya: Dear Diary,
I met Carlo today and he was so cute.
But he told me I was so fat. And
so to win his love I will have to say, goodbye ice cream, goodbye spaghetti,
goodbye chocolate, goodbye opps. . . nag-untat siya sang sulat, nakita niya
ang manamit nga hotdog sa lamisa, indi siya mapahamtang, indi siya maributay –
ang iya mata nagasulusaylo sa picture in Carlo kag sa manamit kag mapulapula
nga hotdog. Sang ulihi indi na gid siya
kaagwanta hinaboy niya ang iya Diary kag nagsiling, hmmm Goodbye, Carlo! kag
ginakaon ang manamit nga hotdog.
Mga utod ang aton kabuhi napuno sang
madamo nga mga goodbyes. Halin sa
nahauna naton nga pagbulag sa aton ginikanan sang nag-iskwela kita sa Kinder,
hasta nga kita mapatay, madamo ang ihambal naton nga mga goodbyes. Kag kon manotahan ninyo, masakit ang magpa
goodbye, gahibi gani ang bag-o lang nalutas nga idik ayhan pa tawo – ngaa kay
masakit ang magbulag. Apang nakahibalo
kita nga ining mga goodbyes nga ini indi ma-ibitar. Ngaa? Kay bahin ini sang aton pagtubo, bahin
ini sang aton pagdaku. Kag sa aton
pagtubo we shed off our old skins, samtang nagadaku kita kag nagatigulang
nagadamo kag nagadamo ang aton bayaan. We
leave behind relationships which are of value to us, we leave behind things
that we are so attached to in order to grow or in order to forge another kind
of relationship. Amo ini ang rason kon
ngaa ka dramatic sang aton mga graduations – damo hibihibi. Amo ini ang rason
kon ngaa ang eksena sa airport ukon sa pier ka sentimental, kon ngaa
nagapahubog ang isa ka soltero kag nagapakuribong sa kwarto ang isa ka
dalaga. Masakit ang magbulagay. Kay sa nasiling sang kanta, It just hurts to
say goodbye.
Apang kinahanglanon ini nga atubangon,
ang kasakit dapat batunon otherwise mangin katulad kita sa bata nga babayi nga
indi makasiling “goodbye hotdog” nagsiling na lang “goodbye Carlo.” May mga butang nga maangkon lamang naton sa
pangabuhi kon bayaan naton ang isa ka butang.
Isa diri amo ang aton Ginuo.
May mga tawo nga masunod kontani kay
Kristo apang indi sila luyag nga bayaan ang ila mga attachements. Gani ginsingganan sila ni Kristo: “ang tawo nga nagaarado kag nagabulobalikid
wala sing pulos sa Ginharian sang langit.”
In other words si Kristo nagasiling “If you want to follow me all the
way to the kingdom you have to be ready to say goodbye to a lot of things and
to a lot of attachments. You have to
learn to cut them off, utdon mo ini and you have to be ready to accept the
pain.”
Ini nga proceso sang kabuhi upod sa Dios
naintiendihan ni Elisha. Sa pagbutang ni
Elias sang iya kunop kay Elisha samtang nagaarado ini sa iya uma, naintiendihan
niya nga ginatawag siya sang Dios sa isa ka bag-o nga sahi sang kabuhi. Gani gin-ihaw ni Elisha ang iya mga baka kag
ginhimo niya ang iya arado nga gatong, kag ginpakaon niya ang inihaw nga baka,
kag naglakat kag nagsunod kay Elias – goodbye - waay na bulobalikid, waay na
uloatras. Si Elisha nakatuon nga indi
siya puede “mamamangka sa dalawang ilog.”
Kita man ginatawag sang Ginoo sa isa ka
bag-o nga sahi sang kabuhi kag kinahanglan makatuon man kita sa pagsiling
goodbye sa madamo nga mga butang, goodbye sa madamo nga mga waay nagakabagay
nga relationships kag mga pamatasan. Waay
ako nagasiling nga mahapos ini, masakit ang magpa-goodbye.
Subong mamangkot kita - ano ang
ginahangkat ni Kristo sa akon nga dapat ko na ulikdan kag bayaan – posible basi
ginapangayo na niya sa imo ang imo bisyo nga dapat bayaan, basi ginahangkat ka
niya nga magpa-goodbye na sa imo kaugot, sa aton kadalok, sa aton bugal, sa
aton pagkakuripot, sa aton barkada sa inuman, sa aton madjong, sa aton
pagpatumbaya agud nga may panahon kita para sa aton panimalay kag para sa Dios,
kag para sa simbahan.
May isa anay ka madre, masobra na sa 25
anyos sa sulod sang convento – kag sa sulod sang 25 ka tuig tinago niya ang
sulat sang iya nobyo sang una. Sang
nagapang-ukay siya nakita niya ini – nagpukaw ini liwat sang iya balatyagon,
nagguwa siya. Tungod kay waay siya
nakapa-goodbye sa isa gid lang ka sulat she gave the devil a foothold kag
nahulog siya.
Si Alexander the Great isa ka bantog nga
heneral. Madamo nga mga pungsod ang iya
ginbihag. Ano ang iya teachnique. Paglanding sang iya mga barko sa isa ka pungsod,
sunogon niya ina tanan agud nga ang iya mga soldado indi na magpanumdum kon
paano sila makapalagyo pa – either they
win or die, and they always win. Ang
isa ka kristiano makadaug lamang kon kahibalo siya magpagoodbye, kag mabatas
niya ang kapa-it nga dala sini.
No comments:
Post a Comment