29th sun C - 1

May isa anay ka pari nga nagpamangkot  sa isa ka iloy.  “Manang,” siling sang pari, “nagapangadi bala kamo sing masunsun sa inyo panimalay?”  Nagsabat ang babayi “Father waay gid kami tiempo magpangadi, tam-an gid sa amon ka sako?”

“Ti abi, abi abi lang,” siling sang pari, “kon nahibaluan abi ninyo nga ang isa ninyo ka bata magamasakit kon indi kamo magpangadi subong nga adlaw, mangadi kamo ayhan.”

“Ti huo father I, mangadi kami,” siling sang babayi.

“Ti abi,” namangkot pa gid ang pari, “kon ang aton abi ciudad nagpasar sang ordinancia nga pinahan sang singkwenta pesos ang tagsa ka panimalay sa tagsa ka adlaw nga indi kamo makapangadi, magapangadi kamo ayhan?”

Ang babayi nga siguro na-ugot na sa pamangkot sang pari nagsabat, “Fr. huo  magapangadi kami, singkwenta pesos yadi pa na. Pero ano ang punto mo ngaa hagi mo ako pamangkot sini father?”

Nagsiling ang pari, “Amo sini manang.  Ang imo problema kon ngaa waay kamo makapangadi, indi kay waay kamo tiempo.  May tiempo kamo apang waay mo ini ginahatagan gid importansiya katulad sang paghatag mo importansiya sa kaayuhan sang imo kabataan ukon katulad sang paghatag mo importansiya sa singkwenta pesos sa tagsa ka tion nga indi ka makapangadi.  May tion kamo sa pagpangamuyo apang waay mo ini ginahatagan sang importansiya.”

Mga utod amo man ini ang problema naton subong.  Waay kita sang tion sa pagpangamuyo indi tungod kay masako kita, indi tungod kay kadamo sang aton ulobrahon, kundi tungod kay waay kita nakatalupangod sang importansiya sini sa aton kabuhi.

Mga utod amo ini ang leksiyon sang aton mga balasahon.  Magapadayon kita sa aton buluhaton bisan pa anano nga mga sablag ang aton ginapangatubang, kung, kung ginakabig naton ini nga importante para sa aton.  Importante para kay Moises nga makaagom sila sing kadalag-an, gani bisan makapoy na ang iya kamot sa pagpangamuyo, bisan makapoy na ang iya espiritu sa pag-ampo, ginbayaw niya ini asta sa katapusan.  Importante para sa balo nga babayi nga magdaog siya sa kaso, gani waay siya nagkataka sa pagbalikbalik sa hukom agud nga padag-on lang ang iya kaso.  Amo ini ang ginatawag naton nga persistence ukon perseverance; ang pagpadayon sa paglaum, ang padayon nga paghangad kag pagpanghikut agud maagum naton ang isa ka importante nga butang para sa aton.  Pero, kon ang isa ka butang waay man lang naton ginakabig nga importante, indi man naton ina mapangitaan sang tinion, indi man naton ina mabuhat ilabi na gid kon mabulubudlay sa aton.

Gani ano karon ang buhaton naton agud nga magtubo sa aton ining persistence, ukon ining perseverance nga isa ka matahum nga karacter nga ginatudlo sang aton mga balasahon.  Ano karon ang buhaton naton, how could we become persistent and persevering in our task.  Tatlo ka butang:

Una, Love whatever you are doing, believe in what you are doing and enjoy whatever it is you are working on.  Higugmaa ang imo trabaho, conbinsiha ang imo kaugalingon nga ang ginabuhat mo importante para sa imo kag magkalipay ka sa sinang imo ginpili nga buhaton.  Mga utod, ang mga tawo nga waay nagahigugma sa ila hilikuton madali mapaslawan, ang mga tawo nga bisan sila gani indi konbinsido sa ila ginabuhat, madali madulaan paglaum ilabi na gid kon may mga sablag nga masugata.  Ang mga tawo nga waay naga-enjoy sang ila ginabuhat madali matak-an, kag amo ina sila ang mga tawo nga nagatulok subong sa ila relo samtang nagahambal ako kay nagadali sila matapos ang misa, ummm.  Manotahan ninyo kon indi mo gani luyag sang ginapabuhat sa inyo, pareho abi piliton kamo ni lola ninyo nga mangamuyo, daw ginatutdan ang buli mo.  But if you love what you are doing, if you believe in it and enjoy it with your whole heart daw kadali lang buhaton, kadali lang sang panahon, kahapos lang humanon.  Matuod ini sa bisan ano nga hilikuton whether it is establishing relationships, working, or studying.  Kagab-i naglantaw ako sang concert ni Jonathan Palomar kag isa sa mga gin-enjoyan ko gid lantawon amo ang mga back-up dancers.  Nagasa-ut sila sang sinang saot bala nga sa pamatyag ko kon ako ang magsaut daw mabuloblag na lang ang akon mga joints - ang ginatawag nila nga strut.  Mga pamatan-on pa lang ini, pero nabuhat nila ining saut nga daw mga lastiko lang ang lawas nila.  Ngaa?  Nakita ko ang sabat sa ila mga nawong - they enjoyed what they were doing.  So love you’re work, believe in what you are doing and enjoy doing it.

May isa anay ka tigulang nga monghe nga nagdecide nga magkadto sa isa ka abyan niya nga monghe nga nagapuyo sa putukputukan sang mataas nga bukid.  Samtang nagadukoydukoy ini nga monghe pasaka sa mataas nga bukid may nasugata siya nga nagsiling:  Paano ka makasaka sa mataas nga bukid - tigulang ka na kag nagadukoydukoy ka na.  Nagsabat ang monghe, my heart has gone there first and it is easy for my frail body to follow where my heart is.  Mga utod kon may paghigugma may persistence, may perseverance bisan may kabudlayan.

Ikaduha, Make room for mistakes and do not let mistakes discourage you.  Kon kaisa mga utod, kadali sa aton mapaslawan tungod kay nagakadulaan kita sing paglaum panganlitan mapalta kita.  Apang dapat hangpon naton nga tanan kita are entitled to make mistakes.  Sin-o lang bala diri sa aton ang perfikado na gid kay ibutang ta siya dira sa urna sang altar kag sindihan sang kandila.  Waay.  Lantawa bala ang bumbilya.  Ginasiling nga si Thomas Edison nga nag-inbento sini nakahimo sang mga sobra sa dos mil ka experimento, dos mil ka kapalpakan, asta sang ulihi nga napasiga niya ang nahauna nga bumbilya.  Ano na lang kita ayhan kon waay siya nagbaton kag nagtuon sa iya mga kapaltahan. So look at your mistakes positively and learn from them imbes nga mag pamurugso sa sini nga mga butang.  Isa ka adlaw si Thomas Edison ginsuya-an sang isa ka tawo nga nagsiling “anano ka nga klase sang inbentor, singkenta mil ang imo kapalpakan.”  Ginsabat siya ni Edison “hoy subong nakahibalo ako ‘ya sang singkwenta mil ka mga butang nga waay nagatrabaho.”  So treat your mistakes positively.

Ikatalo, be patient and learn to wait.  Ako indi gid ako bagay maghambal nahanungod sini kay as of last counting lima na ka baso ang akon nabuka sa kaakig, isa ka jalousy, halos tanan nga pwerta sang konbento nalampos ko na ina, isa pa lang ka baston ang nagtiko kag madamo na nga mga tawo ang akon ginpasunggod.  Ngaa? kay indi ako kahibalo maghulat kag magpaciencia.  Apang may hurobaton nga nagasiling, “God made the world in seven days and it was very good, because he took his time.”  So let us learn to be patient and let us learn to wait on people, to take our time.  Ang tawo nga pirme lang nagadali amo man ina ang tawo nga masami nagakasandad. Waay paciencia sa pagtuon, waay paciencia sa iya hilikuton.  So don’t grow impatient, don’t grow weary kay bisan ang Dios kahibalo maghulat sa aton.  Si Santa Teresa isa man ka mainiton nga tawo kag dali matak-an.  Apang may solusyon siya sa sini nga pamatasan sa bagay nga natun-an niya ang iya kaugalingon nga magmangin mapinasiensiahon.  Kada adlaw nagdedikar siya sang pila ka oras nga panuhog lang sang magagmay nga rosarito - hubaron niya isa isa ang nagasalamabod nga mga higot kag pagkatapos igulo niya sa magagmay nga buho sang rosary beads.  This is how she trained herself to be patient.  Siguro maayo man ina nga magcross-stich kamo.  Learn to be patient because it is one element in order to be persistent and persevering.

Pamalandongan naton ini.