18th sun A - 1

Isa ka adlaw si Mark nagalakat pauli sa ila balay halin sa iskwelahan sa high school.  Sa ulu-unhan nakita niya nga may isa ka bata - ka-idad niya nga nakadasma kag nagalinapta ang iya dala.  Nagdalidali si Mark kag ginbuligan ang bata sa pagtipon sang iya pagkabutang kag sa pagdala sini sa iya balay. Samtang nagalakat sila nga duha nagkilal-anay sila.  Ang ngalan sang bata amo si Gil, ang paboritop niya nga hampang amo ang basketball kag ang paborito niya nga ang clase sa high school amo ang science.  Sa ila pagistoryahanay nahibaluan ni Mark nga may problema si Gil sa iya panimalya kag kon ano ka sakit ang pagbreak-up niya sa iya nga nobya. 

Pag-abot nila sa balay gin-agda ni Gil si Mark sa pag-inom sang juice.  Nagistoryahanay pa gid sila kag naghagi-kadlaw.  To make the long story short nag-abyanay sila hasta nga nag-graduate sila nga duha sa high school.  Sa graduation party gintawag ni Gil si Mark kay may importante kontani nga pagahambalan.  Nagsiling si Gil, “Mark nadumduman mo bala ang adlaw nga nagkit-anay kita kag nakita mo nga kadamo sang akon dala.  Sa pagkamatuod mga pagkabutang ko to sa iskwelahan nga ginadala ko pa-uli.  Indi ko luyag nga kon magtaliwan na ako may magapangabudlay pa para sa paghimos sang akon pagkabutang.  Nagbakal ako sang hilo.  Luyag ko nga magpakamatay.  Apang tungod kay yara ka sa sadto nga tion nga nagsugilanon sa akon, nagkadlaw upod sa akon narealizar ko kon ano ang madula sa akon panganlitan mapatay ako.  Gani Mark,” ginpulupikpik ni Gil ang iya likod, “sa pagpulot mo sang akon mga pagkabutang sadto nga adlaw daku gid kaayo ang imo ginbulig sa akon.  Ginluwas mo ako.”  Kag dayon niya nga ginhakus si Mark nga nagahilibion sa pagpasalamat..

Little things count a lot.  Mga gagmay nga butang apang daku nga mga kaayuhan ang posible nga madulot.  Ano man lang ang ginbuhat ni Mark - ginpulot niya ang nagalinapta nga pagkabutang sang bata, ginbuligan siya dala sini kag ginsugilanon.  Not much but it did a lot.  Nakaexperyensiya man ako anay samtang naga-counselling ako, tudo tudo gid ang away sang magnobyohanay sa atubangan ko.  Hipos lang ako samtang naga-away sila sa atubangan ko.  Sang ulihi gulpi lang nagsiling ang lalaki “ti sorry gid” . . .  naglinong ang tanan.  Two months after nabati-an ko lang nga nagpakasal sila nga duha - tungod lang sang tinaga “sorry gid.”  Not much but it did a lot.   Nadumduman ko man anay isa ka kagab-I sang bata pa ako samtang nagapamati kami drama sa radyo, ginsabak ako ni lola kag nagsiling sa akon nga daw nagahutik: “luyag mo bala magpalangit,” - ano ang langit? - kag gin-istoryahan niya ako sang kabuhi sang isa ka pari.  Not much apang tungod sugod sadto nag-amar ako nga magpari. 

Sa aton ebanghelyo subong mabati-an naton nga nakakaon ang masobra sa lima ka libo tungod kay ginhatag sang isa ka bata ang iya balon nga duha ka isda kag lima ka tinapay, kag may nabilin pa nga dose ka alat.  Little things count a lot.  Nagapati ako nga kon mangin maalwan lamang kita, bisan lang sa paghatag sang word of encouragement, bisan lamang sang affirmation, hakus, card, bisan lang sa pagsiling sorry gid ukon thank you - ini tanan makadala sang madamo nga kaayuhan.  Miracles do happen everyday, halin sa aton kinawala, kag gikan lang sa aton gamay nga masarangan, ang Dios nagahimo sang dalagku nga mga kaayuhan.

Kahapon may na-istorya ako nga altar knight.  Sinugiran niya ako nga one time kuno samtang nagapanaglaba si nanay niya, nagsulod siya sa kwarto kag nakita niya sa bulsa ni nanay niya isa ka lotto ticket.  Ginkumos niya kag ginbalik sa bulsa.  Nakita ini sang iya nanay kag suno sa altar knight sugod sadto waay na gid si nanay niya nagbakal sang ticket sa lotto.  Not much, - ang nagbuhat sini isa ka bata, ang ginbuhat niya amo ang pagkumos man lang sang ticket, not much but it did a lot to teach his mother.

Sang nagligad nga semana personally nadiscourage ako sang ginaplano naton nga rally against the lotto.  Halin pa sang una base sa eksperyensiya ko, daw waay gid ako paabuton sa sini kon pagahambalan ini.  Paano namon ma-organize ang tawo?  Sang Lunes antes ang rally may nagkadto diri nga babayi.  Ang atubangan sang iya apartment ginparentahan niya - kag ang nagrenta isa ka lotto outlet.  Indi siya maributay.  Nagpakigkita siya sa isa sa mga pari kag ginsaysay ang iya istorya - kinahanglanon niya ang kwarta gikan sa renta.  Indi siya manggaranon.  Daw indi niya pagbuy-an ining akahigayunan nga makakwarta.  Ginbilin ini sang pari sa iya desisyon.  Pagbalik niya sa masunod nga adlaw, nakahimo siya sang desisyon - waay niya gintugutan nga rentahan ini sang lotto.  Paano ang iya kwarta?  Ang Dios lang kuno ang bahala total nagsiling siya nga indi man niya pagpabay-an ang nagatinguha nga mag mangin matarong. 

Indi gid man ini daku nga butang, waay ini nasulat sa newspaper ukon nabalita sa radyo, but it is precisely this little act of a very principled woman nga waay waay gid sa iya pangabuhi that gave me hope for Christianity, that gave me hope in my priesthood, that indeed our faith can change lives, that we could make a lot of difference out of our small acts of goodness and sacrifices.

Ang Dios waay nagauntat sa paghimo sang mga milagro kada adlaw.  Apang kinahanglan niya ang material nga magagikan sa aton - posible nga ini gamay man lang nga butang ang ginapangayo sa aton, gamay nga sakripisyo, apang sugiri ako kon diin ang gamay nga butang nga waay ginpadaku sang Ginuo. Lima ka tinapay kag duha ka isda, apang nakakaon sini sobra sa lima ka libo kag nagsobra pa ini sa mga 12 ka alat - why?  Because God could make the little things that we give him, great and he could multiply it a thousand fold.  We should never underestimate the little things that we generously give and generously do for the Lord.