7th sun B - 1

Sang yara ako diri fifteen years ago naglala ang akon arthritis kag haluson ako makalakat sing tadlong.  Out of desperation nag-inom ako kag nagpamanyos sang kon ano-ano, sa bagay nga bisan ako indi makaintiendi sang akon baho.  Imagina bala kon ano baho mo kon nagatumar ka balunggay, sinaw-sinaw  kag iban pa nga mga dahon-dahon, kag tapos nagapamanyos ka sang ihi kag gas kag nagapanghampol ka sang dahon sang kasla.  Ang baho ko daw kombinasyon sang banyo kag kusina.  Sang ulihi may naluoy sa akon kahimtangan kag ginpalapitan niya ako to offer some suggestions.  Siling niya, “Father ikompesar bala imo sala kay maayo ang imo balati-an, kay bal-an mo Father inang arthritis mo tuga ina sang sala.”  Sa kainit sang ulo ko.  Kabatas ka na bala nga ginhawa mo na lang nga makalakat sa sick-call, tapos kon makita niya ako nga nagakiang-kiang, ang pamangkotanon sa ulo niya, “ay nagapiang-piang si Father, ano naman ini ayhan sala niya man.”  Sa sobra ko nga kaakig wala ko bala sia linampusan sang stola nga ginasuksok ko.  Kay ano ang buot mo silingon, nga kon may cancer ang isa ka tawo makasasala gali sia?  Kon may diabetes ang isa ka tawo ina tungod kay may sala sia nga dapat ikompesar?  Ti ngaa ang mga drug lord dira, ang mga nagapa-5/6 kag mga nangurakot ngaa daw kaayo man sang ila lawas haw?  Tapos nami pa ila awto, beautiful pa ila balay?  Dayaon na ya, indi bala?

Pero dyanay ka, may kaangtanan gid man bala ang sala kag ang balati-an?  Huo, pero in a general way.  Tungod sang sala sang aton nahauna nga mga ginikanan nga si Adan kg si Eba, kita nangin mamalatyon, kita nangin mahuyang and we became subject to mortality and the lot of being mortals.   So, may kaangtanan gid man bala ang sala kag ang balati-an?  Wala, kon pagahambalan naton ang partikular nga mga sala.  Sala kag sayop nga paminsaron kon magsiling kita, Lord maayo man ako nga tawo ngaa ginhatagan mo ako sang cancer?  Wrong question. 

Sala kag sayop kon magsiling kita, ikompesar bala father sala mo kay maayo ang imo arthritis.  Wrong advice. 

Apang tandaan naton nga ang disposisyon sang aton kalag, ang disposisyon sang aton paminsaron nagabulig gid sa disposisyon sang aton lawas nga magpakig-away ukon magbaton sang aton mga balati-an.  Amo gani nga sa misa nagasiling kita antes ang kalawat, Ginoo dili ako takus nga magsulod ka sa akon puloy-an apang imitlang lamang ang isa ka pulong kag magaayo ang akon kalag.  Ang kaayohan sang kalag nagahatag sing daku nga bulig sa pagpakigsumpong ukon sa pagbaton sang kahimtangan sang aton lawas.

Ang aton ebanghelyo subong nagapakita sini nga kaangtanan.  Sa atubang sang isa ka paralitiko ang Ginoo wala nagsiling, toto maayo ka, sa baylo nagsiling sia, toto napatawad ang imo mga sala.  Ang kaayohan sang kalag nagahatag sing bag-o nga kusog indi lamang sa kalag kundi lakip man sa lawas. Ang kaayohan sang kalag nagadala indi lamang sang alibyo sa kalag kundi pati man sa paminsaron kag halin sa paminsaron nagapakusog man sang lawas.  Ang kaayohan sang kalag nagahatag sing maayo nga disposisyon sa lawas.

Amo man ini ang labing daku nga rason kon ngaa ang may malubha nga balati-an, ang may mga daku nga balati-an dapat nga magpabadlis.  The calmness and the reconciliation the sacrament brings makes our bodies more able to fight the disease or if it is no longer possible it gives us a healthy disposition to accept and embrace the disease.

Apang ang isa pa gid ka labing importante nga punto sang aton ebanghelyo amo ang disposisyon indi lamang sang paralitiko kundi ang disposisyon sang iya mga abyan.  Isa ini sa mga butang nga aton pangayuon sa Ginoo sa sining Santos nga Misa, nga ang Dios maghatag sa aton sing kasubong nga mga abyan, nga ang Dios magahatag sa aton sang tunay nga mga abyan.

May isa anay ka hari nga naghimo sing pagtuon nahanungod sa social nature sang tawo.  Ginekspermentohan niya ang mga lapsag – ano ayhan ang matabo sa mga lapsag kon magdaku sila nga wala sing human contact?  Gintipon niya ang mga lapsag sa isa ka balay nga may nagakalainlain nga hulot.  Ginhatagan sila sing tanan – pagkaon nga maayo, mga hampanganan, kag iban pa luwas lamang sang human contact.  Pagkatapos sang pila ka bulan amat-amat nga ang mga kabataan nagbalati-an kag amat-amat man nga nagkalamatay.  Natalupangdan sang hari kon ano ka importante sang human contact, sang human warmth, bisan na gid lang ang presensya (ang presensya na gid lang) sang katilingban para sa survival sang isa ka tawo.

We need family, we need the community, otherwise we will forever remain paralyzed, unable to function as a real human being, unable to function as real Christians. 

Sa aton parokya, dira sa mga urna nga aton ginapalibot,  ginatinguhaan naton nga makabalay sing kasubong nga pagsinalayo.  We need to be in community, we need to improve our relationship in the family and in our neighborhood so that together we can help each other on our way to Jesus.  Let us pray for good friends, let us develop true and deeper friendships, friends who will support us on our way to Jesus.