18th sun A - 3

Sang panahon sang imperyo Romano may makangilidlis sila nga sahi sang entertainment, kag amo ini ang ginatawag nila nga gladiatorial fight.  Sang nagligad may mga tawo nga nagprotesta kay Manny Pacquiao tungod kay ang iya ginahampan nga ginatawag naton boxing tam-an ka brutal kag ka maduguon.  Pero wala ini sa kamalingking sa entertainment sadtong panahon sang imperyo romano.  Ginapaaway nila ang duha ka two ukon duha ka grupo sa tunga sang arena tubtob nga mapatay sang isa ang isa.  Patyanay.  Sa masami ginahatagan nila sila sing mga armas.  Kon sin-o ang nabilin nga nagatindog sa arena sia ang daog.  Tam-an ini ka biolente nga sahi sang entertainment pero ginahimo ini – mga tawo nga ginapasampok kag ginabulang nga daw mga manok para sa entertainment sang tanan.

Isa ka adlaw may isa ka Kristiano nga naghimo sang resolusyon nga ini nga hampang dapat pauntaton.  Ginsaysay niya ang iya plano sa iya mga kaupdanan kag ang tanan naglungo-lungo sa iya ginahingyo.  Paano mo ina mapauntat.  Isa lang ikaw ka ultimo nga tawo.  Indi ina sila mamati sa imo.  Ngaa ano ka imperador, ngaa ano ka senador sang roma.  Ultimo ka lang nga tawo.

Apang ining Kristiano wala nagpamati sa ila.  Isa ka adlaw, sa tunga sang mainit na nga hinampang kag patyanay sang mga gladiators hinali lang nga ini nga Kristiano lumumpat sa arena kag nagkadto sa tunga.  Ang tanan natingala.  Hinali lang, ini nga Kristiano nagsinggit kag nagpangayo nga untaton ini nga sahi sang hinampang.  Indi maayo nga ginahampangan lang naton ang kabuhi sang tawo.  Indi maayo nga itaya naton ang kabuhi sang tawo agod ma-entertain kita.  Wala nagasantu sa isa ka romanhon nga may pagtaha sang mga kasugoan kag layi nga sikwayon lang naton para sa aton entertainment ang kinamatarung sang tawo nga mabuhi.

Ang mga tawo naghipos.  Ang mga gladiators nag-untat sa paginaway.  Sang ulihi may nagkadlaw, kag sa hinali ang tanan nagkadlaw.  Apang may mga tumalambong didto nga nakabati, kag sila una nga nag-amat-amat guwa.  Ang Kristiano nga nangisog sa pagpakita sang kalainan nga ila ginabuhat gin-target sang isa ka soldado kag didto mismo sa arena napatay sia.  Apang tungod sa iya, sugod sadto nga adlaw nga sia naghambal, amat-amat man nga ginuntat ang gladiatorial fighting sa Roma.

Indi naton ibaliwala ang kagamhanan sang isa.  Do not belittle the power of one.  Matuod isa lang sia, apang tungod sa iya nagsugod amat-amat ang pagdula sadtong makangilidlis nga sahi sang entertainment.  Do not underestimate the power of one.

Si Jesus nagmando sa iya ga gintuton-an nga pakan-on ang mga tawo.  Sila may kadamuon nga sobra sa lima ka libo.  Paano mo mapakaon ang sobra sa lima ka libo nga mga tawo?   

May isa ka bata nga nagpalapit kag iya ginpresentar ang iya gindala nga balon.  Sia may lima ka tinapay kag duha ka isda.  But what good can that do, you ask.  Ano gid ang mahimo sang duha ka isda kag lima ka tinapay para sa lima ka libo?  Ang mga gintuton-an mismo ang nagsiling sini nga obserbasyon – but what good can these do.  Si Jesus wala gani naghatag sang sabat sa ila pamangkot.  Sa baylo, kon ano ang yara iya ini nga ginkuha, kag gikan sa lima ka tinapay kag duha ka isda iya ginpakaon ang sobra sa lima ka libo nga mga tawo.  Kag pagkatapos nga makakaon ang tanan, kadamo pa gid sang sobra. 

Never underestimate the power of five loaves and two fish for five thousand.  Do not belittle the power of the generosity of that one boy who gave up his five loaves and two fish.  Indi naton ibaliwala ang kagamhanan sang isa kag gamay, kay kon ina mapasakop sa kaayo kag kaalwan sang Dios ina magabusog sang lima ka libo kag may sobra pa.

Subong ang aton parokya nagapalagaw sang pledge cards.  Sa sina nga pledge cards nalista dira kon ano ang sarang mo mahimo sa mga tawo subong nga wala sing puloy-an tungod kay naanod sang baha.  Ang pinakanubo nga mahatag mo isa ka pusog na nagabalor sing 30 pesos.  ANo ang mahimo sang isa ka pusog para sa isa ka panimalay nga hasta subong wala sing puloy-an?  Ano gid bala ang mahimo sang seis pulgada nga bitlag nga nagabili sing singkwenta pesos?  Ano gid bala ang mahimo sang isa ka layon nga kawayan nga nagabili sing seisenta pesos?

Gamay.  Tam-an ka gamay.  But never underestimate the power of one.  Indi pag-ibaliwala ang posible nga mahimo sang isa ka gamay nga butang.  Kon ginapatungod ina sa panulok ni Kristo nga nga 30 pesos, ina nga seisenta pesos, ina nga singkwenta pesos makahatag sing puloy-an sa mga nadulaan sini.

Si Mother Teresa ginpamangkot anay – paano mo masolbar ang ang gutom nga nagapatay sing linibo ka mga kabataan kada adlaw sa bilog nga kalibutan; paano mo masolbar ang kaimolon nga tuga sang giyera sa nagakalain-lain nga bahin sang kalibutan; paano mo mahatagan sing kasulhayan ang kadamo nga mga tigulang nga nagatagumatayon kada adlaw nga naga-isahanon kag ginbayaan; paano mo masolbar ang minilyon ka mga tawo nga wala sing nagakabagay nga puloy-an?

Si Mother Teresa nagsabat:  Let us do it one at a time, let us do it one at a time.  One homeless person at a time; one little muddied, bruised little dirty girl at a time; one hungry man fed and clothed and loved at a time;  one wrong made right at a time.   Sa masami kon mamakadto kamo sa Desamparados, sa Taytay zone II, sa Calubihan, kis-a malungo-lungo na lang kita sang aton ulo nga daw wala na may mahimo.  Sobra nga halit, sobra nga ulobrahon; sobra ka daku nga problema.  Sobra ka daku.  Pero si Mother Teresa nagsiling:  isa-isahon lang naton - one homeless person at a time.  The disciple underestimated the power contained in the generosity of that little boy who presented the little that he has.  Jesus never did.  Si Jesus nagsiling, dal-a ninyo ina diri.  And the rest is history.