34th sun A Kristo Rey - 1

Si Kristo hari.  Si Kristo ginakilala naton nga hari.  Ano ang yara kay Kristo, ukon ano ang ginakilala naton nga yara kay Kristo ngaa ginakabig naton sia, ginakilala naton sia nga hari? 

Ang hari may tatlo ka katungdanan.  Una, ang hari legislative, sia ang tagahimo sang kasugoan kag pagsulondan.  Ikaduha, si Kristo hari tungod kay sia executive, sia ang tagapagpatuman sang kasugoan, paagi sa iya kag sa iya pamaagi ginapatuman ang mga kasugoan.  Kag ikatlo si Kristo hari tungod kay sia man ang magahukom, sa iya ang tanan may salabton. 

Sa demokrasya indi ini sarang mahimo.  Ang ining tatlo ka katungdanan ginahatag sa nagakalain-lain nga mga tawo agod may ginatawag kita nga check and balance of power.  Pero sa isa ka ginakilalala nga hari, ining tatlo ka katungdanan nahamtang lamang sa isa ka tawo, sa isa ka persona.  Ginhatag  ini nga katungdanan kay Jesus tungod kay sia Dios nga matuod nga nangin kabangdanan sang aton pagkatawo sa sining kalibutan, apang labaw sa tanan ginakilala naton sia nga hari tungod kay gintubos niya kita paagi sa iya mismo dugo, iya na kita by virtue of his work of redemption – kita gintubos, kita ginbakal paagi sa iya mismo dugo. Gani ginakabig naton si Kristo nga hari kag sa iya ginakilala naton ang legislative, ang executive kag ang judicial nga katungdanan sa bug-os nga katawohan nga iya gintubos. 

Isa-isahon naton ini.  Paano si Kristo nangin legislative? 

Legislative, kon sayuron sia ang taghatag sing kasugoan.  Sia ang taghimo sang kasugoan, kag kita mga sumulunod lamang.  Apang sa masami indi amo sini ang nagakatabo.  Sa masami kita ang nagahimo-himo sang mga kasugoan nga kon kaisa wala nagasantu, kag kon kaisa nagasupak pa sa mga kasugoan ni Kristo.  Suno sa kasugoan sang Dios ang pagpatay sang kabuhi sang tawo isa ka murder.  Apang subong gintawag naton ang abortion nga isa ka pro-choice, isa ka kinamatarong sang babayi sa iya lawas.  We are in a sense usurping the power that belongs to Christ alone as the law-giver. Gin-intrahan naton ang katungdanan sang Dios.  Nagakalipat kita sang aton igsakto nga lugar.  Luyag naton nga kita ang magdikta kag magdumala kon ano ang  maayo kag ano ang malain. 

May mga sektor nga luyag nga ipatuman ang divorce bisan klaro sa pinapamulong ni Kristo nga lawgiver nga indi ini sarang mabuhat.  May mga sektor nga luyag i-define liwat ang kasal kag ang panimalay nga magalakip indi lang sang lalaki kag babayi, kundi sang babayi kag kapareho niya nga babayi, kag sang lalaki kag kapareho niya ang lalaki.  By doing so we are usurping the rights of the king.  Ang Dios lamang ang makahatag sang kasubong nga kasugoan kag indi kita.  Nagapangagaw kita lugar, lugar nga indi aton, kag ang lain diri kay ang gina-agawan naton sing puwesto amo ang Dios, ang hari sang kalibutan.  Sia lang ang makahimo sang sina nga sahi sang kasugoan, sia ang nagtukod sang panimalay, gani sia man magadefine kon ano ina kag indi kita.

We are usurping the rights of the king kon magasiling kita “indi man siguro sala ang maghatag sing lagay tutal ginabuhat man ina sang tanan.”  We are usurping the rights of the king as sole legislator kon magasiling kita “indi man siguro sala ang mangawat tutal ang tanan nagapangawat man.”  We are usurping the rights of the king as sole legislator kon magasiling kita puede na man siguro nga mag-live-in kami ukon magpakasal lang sa civil tutal ginabuhat man ina sing kadam-an.”  We have no right to define what is moral and what is immoral in our own terms.  We have only to listen to the king, we have to listen to what he is teaching us kay ginakilala naton si Kristo nga hari kag gani ginakilala naton sia nga taghatag sing kasugoan kag kita sumulunod lamang.

Ikaduha, si Kristo ginakilala naton nga hari tungod kay sia ang executive – sia ang nagapatuman sang kasugoan.  Ang panong nakakilala sang iya tingog kag sila nagapamati sa iya.  We owe him our obedience.  Dapat kita nga mangin masinulondon sa iya.  We owe him our alegiance.

Ang mga advertisement isa sa mga talaksan sang mga pamatasan kag pagginawi sang tawo – they reflect in a way the prevailing mood and mindset, the pervalent attitudes sang kalabanan.  May mga advertise nga nagasiling – obey your thirst, ukon just do it.  Sino ang masami nga aton gina-obey, sin-o ang aton ginatuman?  Ang aton kauhaw, ang aton luyag, ang maayo para sa aton.  Just do it, himua lang? irregardless of its morality? regardless of its rightness or wrongness?  Just do it because that is what you feel like doing.  Man now obeys no one but himself. Man rather than God becomes the measure of everything.  Lantawa kon sin-o na ang nagadikta sa aton.  Sa madamo nga bes lain ang ginakabig naton nga hari – ang kadalok kag kahakug, ang kaakig kag ang handum sa pagtimalos; ang tawohanon nga kailigbon kag sex; ang kahisa kag ang kaibog; ang bugal kag pagkamatinaastaason, ang kwarta kag ang kagamhanan.  Sino ang nagahari sa aton?  Ano ang nagahari sa aton?

Sang una nadumdoman ko pa sang gamay pa ako nga seminarista ini nga piesta maduagon gid nga piesta.  Ginaprosesyon ang santisimo sa dalan nga ginatambongan sang madamo nga mga tawo, sang mga opisyales sang banwa, sang mga dungganon kag kubos to affirm in a way the kingship of Jesus over our city and our province.  Sa pagkamatuod ginapatawag pa naton ang mayor ukon ang gobernador nga magapangulo sang prayer of dedication to Christ the King, again to acknowledge his kingship and therefore our obedience to Christ.  Sa subong kon himuon naton ina that would be an anomaly if not an outright hypocrisy.  What is more real is Christ is no longer king, wala na kita nagapamati, wala na kita nagatuman sa iya mga sugo.  Let us accept that sad reality with an open heart so that we can begin again.

Sa katapusan kag dumdomon gid naton ini, siKristo hari tungod kay sia man ang judicial, sia ang judiciary, sia ang hukom sa diin ang tanan may salabton.  Amo ini ang makita naton sa aton ebanghelyo subong.  Ginatudluan niya kita nga magkabuhi nga may panan-aw sa katapusan sa diin kita sukton kon paano naton ginbuhat ang aton katungdanan.  Nagtubo kita kag naanad na sa panimuot nga sarang naton malutsan ang aton mga katuntuhan.  Nagtubo kita sa panan-aw nga sarang naton ma-areglo lang ang aton kamala-malahan.  Nagtubo kita sa paminsaron nga sarang naton mabakal ang awtoridad ukon mapatigayon nga maareglo sang mga kakilala naton nga may kagamhanan.  Apang bisan amo sini dumdomon naton nga sa katapusan masumalang gid naton ang hukom nga indi mabakal, ang hukom nga indi maareglo, ang hukom nga indi malutsan.  Let us live our lives with this future in mind.  A time will come when we cannot feign responsibility, a time will come when we cannot point accusing fingers to our fellow wrongdoers.  Kon mag-abot ina nga tion ang aton gid lang masiling mea culpa, mea culpa, mea maxima culpa kag batunon ang mga konsekwensia sang aton kakulangan.  Kay magaatubang kita sa hari nga magahukom kag dala sa sinang paghukom amo ang padya kag ang silot.

Si Kristo hari.  Ginakilala naton sia nga hari tungod kay sia ang taghatag sing kasugoan kag kita sumulunod lamang, Ginakilala naton sia nga hari tungod kay sia ang tagapagpatuman to whom we owe our obedience.  Kag sa katapusan sia hari tungod kay sia hukom kag sa sa ulihi nga adlaw sa iya ako magaatubang nga may salabton kag sia magapadya kag magasilot.