13th sun B - 1

Si Juan buringot, apang isa ka adlaw nakita siya sang iya abyan nga masinadyahan nagapulopanihol samtang may ginatakod siya sa iya likod.  Gani ang abyan ni Juan indi makapuggong sa pagpamangkot.  “Juan, ngaa masinadyahon ka subong nga adlaw?”  Si Juan nagsiling, “Tsansa ko na ini nga makabalos.  Kay inang mango nga Pedro na, pirme ya lang ko ginahampak sa likod – subong ari mo ay, kay gintakdan ko ang akon likod sang dinamita agud to nga kong hampkon ya ko liwat sa likod, malupok ang dinamita kag mawilwig gid ang iya kamot.”

May logic is Juan, sakto sia, mawilwig ang kamot ni Pedro apang waay siya kahibalo nga maluk-ab man ang iya likod.  Lesson for the day – it is impossible to harm another without harming yourself in the process.  Ang kalain nga aton ginahatag nagapla-in man sa aton.

It is true.  For example ang dumot nga may plano magtimalos ukon ang hatred.  Base sa medical findings sang mga experto nga mga doctor, ang dumot nagapataas sang presyon nga mangin kawsa sang hypertension, mangin indi sakto kag tuman ang tulog kag pahuway, naga-apektar man ini sang digestive system nga mahimo nga halinan sang ulcers sa tiyan kag sa intestines, kag siling nila nagapabudlay man ini sa pagginhawa kag nagapa-overwork sang taguipuson.  Kag sa banta ko amo ini ang pinaka-importante sa tanan nila nga mga findings nagapakurinot ini sang imo panit at a faster rate – in short nagalaw-ay ka.  Ang problema mo diri, kon lawa-ay ka na nga daan.  The point is, tuod wilwig iya kamot pero luk-ab man ang imo likod.  Why?  Because it is impossible to harm another without harming yourself in the process – giving something bad will have also bad effects on us sometimes worse than what you give.

Kung may kamatuoran diri may kamatuoran man sa sining masunod nga istorya.  May isa anay ka babayi nga bag-o lang nabalo.  Kada aga makita sia sang sepultorero didto sa patyo nga nga nagaloto, masinulob-an nga nagadala sang bulak.  Pila na ka tuig ang nagligad, kada aga makita sia didto nga nagaloto, masinulob-an nga nagadala sang bulak sa lulubngan sang iya bana.  Isa ka aga pinalapitan sia sang sepultorero kag gin-istorya.  Ginsaysay sang babayi ang iya masubo nga kahimtangan, ang iya pinalangga nga bana nga nagtaliwan kag kung paano nga sa sulod sang mga tinuig naga-isahanon siya nga nagakasubo sa sulod sang iya balay.  Waay na sia nagaguwa-guwa luwas lang ang pagkadto sa patyo.  Ang sepultorero nga naluoy sa iya kahimtangan nagduko kag nagkuha sang bulak nga dala sang balo.  Ginbalik niya ini kag nagsiling, “indi na ini mapuslan sang imo bana, ngaa abi indi mo ini paghatag sa mga pasyente didto sa ospital agod mapahalipay mo ang mga nagamasakit didto.” 

Ang babayi nangakig tungod sining insulto sa iya bana.  Sininggitan niya ang sepultorero kag naglakat.  Sugod sadto waay na gid niya nakita ang babayi nga balo nga nagbalik sa patyo, kag nagkabalaka sia.  Apang pagkaligad sang pila ka bulan nagbalik liwat ang balo.  May dala sia nga bulak apang lain na ang iya bayo kag manaya-naya na ang iya guya.  Ang babayi nagpalapit sa sepoltorero kag nagsiling – “salamat sa imo advise.  Ginsunod ko yadto bisan nag-init ang ulo ko sa imo kag suno sa imo hambal gindala ko ang mga bulak sa mga nagamasakit kag nagbulig ako atipan sa ila.  Subong padayon ko ini nga ginaobra kag tungod sini nagbalik liwat ang kahulugan sa akon kabuhi.  Ginahatag ko ini nga bulak sa pagpasalamat sa imo.” 

This is a true story which was narrated by the woman herself, who helped herself because she helped others.  Kag amo ini ang leksiyon nga makuha naton sa istorya - that it is impossible to help another without helping yourself, in the same way that it is impossible to harm others without harming yourself.

Ang aton Ginuo nagbatyag nga may nagguwa nga gahom sa iya lawas sang gintandog siya sang babayi nga nagamasakit.  He felt that goodness and power came out of him – basta lang may nabatyagan siya. 

Basta may ginahatag ka gani sa iban, may mabatyagan ka gid sa imo lawas.  Bisan ano lang ang ihatag mo sa iban may mabatyagan ka gid sa imo kaugalingon – bisan mala-in man ukon maayo ang imo ihatag.  Ang diperensiya lang kay kung mala-in gani – la-in man ang dala sini sa imo, kung maayo, maayo man.  Now which is which depende ina sa tagsa-tagsa.  As they say, what you give is what you get.  Our prayer then is, may we get only the good things in life.  Then, Lord, permit us to give only the good things.