15th sun B - 2

May isa anay ka mataas nga ministro sang hari nga nagbuhat sang indi kontani dapat buhaton sa atubangan sang hari, nagtindog sia kag ginsaway ang hari , naghambal sia sang kamatuoran kag gintudlo niya ang sala nga desisyon sang hari.  Tungod sini naginit ang ulo sang hari sa iya gani ginpaguwa sia sa iya pagkaministro, ginparesign sia kag ginpapuli sa iya balay sa uma.  Swerte lang kay wala sia ginpapatay sang hari.

Pagaktapos sang mga pila ka bulan, natabuan nga ang iban nga mga ministro sang hari naglabay sa balay sadtong ministro nga ginparesign for speaking up against the king, kag nakita nila sia didto sa isa ka makaluluoy nga kahimtangan, sa isa ka hayub-hayub naga-istar kag nagapanguma.  Ang mga kaupod niya nga mga ministro naglungo-lungo sa iya kahimtangan kag nagsiling:  Kon kahibalo ka lang kontani mag-ulu-itik kag mag-ulu-into sa hari, indi ka na kinahanglan nga magpangabudlay sa pagpanguma.  Apang ang anay ministro nagsabat, kon kahibalo lang kamo kontani magpangabudlay sa pagpanguma, indi na kamo kinahanglan pa nga mag-ulu-itik kag mag-ulu-into sa hari.

Ang mga gintuton-an ginsingganan sang Ginoo nga maglakat sila sing tag-duha-duha kag sa ila paglakat sa pagwali kinahanglan indi sila magdala sing pagkaon, ukon kwarta, ukon puyo.  Ginsinganan nila sila nga magkontento lang sila sa isa ka pares sang sandalyas kag isa lang ka ilislan.  In effect iya ginasingganan ang ng mga gintuton-an nga sa ila pagawali sang kamatuoran, nga sa ila pagbantala sang  pulong sang Dios, magsalig lamang sila sa Dios kag indi sa tawohanon nga mga butang.  Agod ang gintuton-an mangin maalwan kag maisog sa iya pagpanikasog para kay Kristo, indi sila dapat magpaabot sang kaayuhan nga magagikan sa tawo kundi sa kaayuhan lamang nga magagikan sa Dios.  Agod ang mga gintuton-an makahambal sang kamatuoran nahanungod sa pulong sang Dios iya sila ginsingganan nga magsalig lamang sa Dios kag indi magpaabot sang kaayuhan sang tawo.  Amo ini ang ginatawag naton nga detachment kag kinahanglanon ini nga pamatasan so as not to be tempted, agod indi kita masulay to water down the truth of what Jesus taught.

Sa aton panahon indi likom sa inyo panulukan kag bisan pa gani sa inyo eksperyensiya ini nga kamatuoran nahanungod sa kabuhi.  Kon kadamo ka na gani sing ginasaligan nga mga pabor, kon nakasaho ka na gani sang imo maayo nga kahimtangan kag sang inyo maayo nga pagtamdanay, kabdulay maghimo sang panindugan, kabudlay maghambal sing kamatuoran, kabudlay maghimo sang igsakto nga butang  ilabi na gid kon ang dapat mo ihambal kag himuon kontra sa imo patron kag benefactor.  Kapin pa kita nga mga pinoy nga may makusog nga balatyagon sang utang nga kabalaslan sa mga nangin maayo sa aton.  Katulad sang mga ministro sa akon istorya sa panugod sini nga sermon, mas maayo pa nga magbutig na lang ako sang sa madula ko ang akon palangabuhian kag posisyon katulad sadtong ministro nga ginparesign.  Mas maayo nga taguon ko na lang ang kamatuoran, mas maayo pa nga ikompromiso ko na lang ang akon mga ginapatihan kag ginatindugan, sang sa mawad-an ang akon bulugasan.  Kon kaisa mas maayo pa nga maghipos na lang ako bisan pa bal-an ko nga sala ang akon ginahimo, sang sa magguba ang amon maayo nga pagtamdanay kag ang akon kabalaslan sa iya.  They were asked to rely solely in God and not in the good graces of men so that they can preach the truth, so that they can live the truth without fear of compromise.  They were asked to rely solely on the power of God so that they won’t be afraid should men threaten them when they point out the truth to them.  We call this detachment – the detachment of a disciple – ang iya kahanda nga mahamulag sa mga dutan-on nga mga bagay-bagay kon ginatawag na sia sa pagtindog sa kamatuoran kag sa pagpamatok sa kalainan.

Sometime or the other nahamtang kita sa sini nga kahimtangan nga kabdulay maghambal, kabudlay maghimo sang igsakto tungod sang aton mga kabalaslan sa iban. 

Karon nga panahon halimbawa masako ang mga proyekto, kadamo sang mga panagtaganay, kadamo sang mga ginatuga nga kabalaslan bisan pa gani sa mga libre nga mga kagamitan sa iskwela, bisan pa gani ang libre nga bunyag kag kasal sang mga politiko tungod kay dali na lang ang eleksiyon.  Ang ginasiling ko lang katulad sang ebanghelyo, nga indi gid kita magpahigot sa sini nga mga butang, indi gid kita magpahigot sa sini nga mga kabalaslan.  Ginatawag ina nga detachment. 

Isa sa mga butang nga sarang makabulig sa aton sa sini nga pamatasan amo ang aton nahauna nga balasahon.  Si Amos isa ka mangunguma nga ginsingganan sang Dios nga magpanagna sa Bethel.  Ang pangulo sang Bethel wala naluyag sang iya mga ginapanghambal kag gani ginpapuli niya sia Amos.  Apang si Amos nagsabat, “sa pagkamatuod indi gid man ako propeta.  Isa lang ako ka mangunguma kag manugbantay sang panong.  Pero anhon ko kay ginsugo niya ako nga magpanagna, sorry wala ako may mahimo kay ginsugo man lang ako sang Dios.”

Iya ini sang Dios kag indi akon.  Ang pulong nga akon ginahambal, ang pulong nga akon ginakabuhi iya sang Dios kag indi akon.

Kabudlay magkabuhi sang mensahe ni Kristo sa karon nga panahon.  We have to please so many people, we have to compromise a lot of principles.  Pero kon kahibalo ka man lang magmantener sa imo kabuhi, kon kahibalo ka man lang magkabuhi sing simple, indi na kinahanglan nga lipdan mo pa ang kamatuoran.  unaha ninyo ang pagpangita sang Ginharian sang Dios kag ang iya katarungan kag hatagan niya kamo sini tanan nga mga butang - the kingdom (of God) and his righteousness, and all these things will be given you besides.  Ang Dios mas makagagahom, mas maalwan kag mas masaligan sang sa tawo.