30th sun A - 2

Gugma na naman ang topiko sang aton mga balasahon.  Kon natak-an na kamo magpamati sini, indi kamo magkabalaka kay natak-an naman ako maghagi hambal sini. 

Ginasiling nga si San Juan apostol amo lang ang apostol nga wala mapatay  nga martyr.  Napatay sia tungod sang katigulangon.  Ginasiling nga sang tigulang na sia kag maluya, ang mga tawo nagadala sa iya sa simbahan nga ginakarga sa stretcher, kay daw sa ano bala nga sia na lang ang buhi sa mga malapit kay Jesus kag luyag gid sang mga tawo nga makapamati sa isa ka witness.  Ang mga tawo magadugok gid sa pagpamati sa iya.  Sang ulihi natalupangdan nila nga amo man sa gihapon ang iya mensahe – maghigugmaanay kamo (3X).  Kapila na niya ini suliton, kada hambal niya - maghigugmaanay kamo.  Sang ulihi natak-an na ang mga tawo kag nagsiling sila – Juan isli naman ang imo sermon, hatagi naman kami sang bulubag-o nga mga ginsiling ni Kristo – pirme lang gugma, gugma, gugma.  Apang si San Juan naglungolungo lang kag nagsiling – amo lang gid ina ang luyag nga ibilin ni Kristo sa aton kay amo man lang ina ang kaundan sang tanan nga iya gintudlo – maghigugmaanay kamo.

Ti amo ina ang rason kon ngaa hasta subong gugma man sa gihapon ang aton topiko.

Pero agud to may kinalain ang akon pamalandong upod sa inyo, hangpon naton kon ngaa nabudlayan kita maghigugma – why is it difficult to love.  Indi naton pagsabton ini nga pamangkot paagi sa paglantaw sa iban kundi sa aton kaugalingon.  Kon sayuron pa kon pamangkoton kamo, ngaa nabudlayan ka maghigugma? indi ka magsabat – ano abi kay kalaw-ay sa iya, ukon ano abi kay daw gago.  Indi amo sini, kundi lantawon naton sa aton kaugalingon kon ngaa nabudlayan kita maghigugma ilabi na gid sa mga law-ay, sa mga gago ukon sa mga ambudlay higugmaon.

Tatlo ka rason.

Una.  kon indi naton makita ang aton kaugalingon nga lovable indi man kita kahibalo maghigugma.  If we do not see ourselves as lovable we will not also learn to love.  Nadumduman ninyo ang istorya ni Rapunzel.  Ginpriso sia sa isa ka mataas nga torre sang isa ka aswang halin pa sang bata sia.  Kag agod indi sia malagyo, halin sang pa gamay sia ginsingganan sia sang aswang – law-ay ka, law-ay ka, law-ay ka.  Ahay ang bata nagdalaga nga waay gid kakita sang iya katahum, sang iya dignidad, sa iya ka-importante.  Tanan ya lang mabati-an law-ay ka, waay ka pulos, law-ay ka.  Ti ang iya obra panago man sa torre kag nahadlok sia magpakita sa iban kay law-ay sia.  Ginkabig niya ang iya kaugalingon nga daw waay sing bili.  Hasta sang ulihi to make the long story short may sia ka prinsipe nga naglabay kag  nagsiling – Rapunzel kaguwapa bala sa imo, kanami bala sa imo, kabuot bala sa imo.  And for the first time Rapunzel felt she was lovable, she felt important, she felt she was valuable.  Kag tungod sini nakatuon sia maghigugma sa prinsipe – kag amo ina ang rason kon ngaa nanaog sia gikan sa mataas nga torre kag ginpamana ang prinsipe.  Waay ginsiling kon gwapo ang napamana niya ukon law-ay, basta nakatuon sia maghigugma because she also felt she was lovable.

Kon pirme ka lang nasingganan, gago ka, waay ka bili, mango ka, waay waay ka, sulumpaan ka – then it would not be surprising kon magdako ka nga maraoton – because you will not learn to love unless you have felt, nabatyagan mo kag ginpabatyag sa imo nga lovable ikaw.  Very important sa mga ginikanan.  Jesus has to show that we are lovable – he died for us on the cross – napatay sia para sa akon kag sa imo sa pagpakita sa aton nga lovable kita – ipabatyag sa aton nga lovable kita, otherwise indi naton matuman ang iya sugo nga kita maghigugmaanay.  Kay paano ka kahigugma kon waay ka gani gahigugma sa imo kaugalingon.

Ikaduha, nabudlayan kita maghigugma kay waay naton nabatyagan nga importante gali ang aton gugma.  Your love is valuable.  Nadumduman ko anay may isa ka nanay nga nalamposan niya ang iya kamot sang martilyo, ara tiyabaw ya sa pagkasakit, pati ang bata kinulbaan.  Sang nakita sini sang nanay nga pati ang iya bata kinulbaan, gintawag niya ini kag ginsingganan “to haluki gani akon tudlo para makuha ang sakit.”  Aba ang bata nagkuha sang kamot ni nanay niya kag ginhalukan indi lang maka-isa kundi makapila ka beses.  Kag ang nanay nagyuhum kag nag-arte kuno nga waay na nagasakit ang iya kamot.  That kind of communication is very important, kay ginapatubo naton sa bata ang paminsaron nga ang iya paghigugma bulong, ang iya paghigugma makaayo, nga ang iya pagserbisyo, ang iya pagbulig makapaayo sang tanan.    It is telling the little child, “you know your love is valuable.”  Bisan sa mga teenager ninyo – ang ginatawag naton nga self-esteen nagadevelop kon matalupangdan nila nga makabulig gali sila sa iban.  Amo ini pirme ang ginasiling ko sa mga nanay sa seminaryo.  Abi nila tungod kay ang ila bata kis-a lang gapuli sa ila balay pagustohan na lang nila tulog, lantaw TV, lagaw.  Indi amo sina, pabuliga sa balay, dal-a maninda, pakargaha sang mga pagkabutang, sugo-a, pagbuliga kay tatay niya.  Why?  Because it is very important that they will discover through experience that they are valuable because their help, their service, their love, is valuable.  Kag indi gid pagkalimpi pagkatapos nga sila makabulig, singgana sila – “to salamat gid, kon waay ka ma-ano na lang ako.”  Tell them that their love is valuable.

Ikatlo – Nabudlayan kita maghigugma tungod kay abi naton ang gugma daw TV lang, ukon daw sine.  Si Fernandoe Poe nagaserbisyo bisan ano mo pa nga sumbag, bisan kapila mo sumbagon tindog man sa gihapon. Pero kon sia na makasumbag lipong dayon ang kontra.  Si Superman to the rescue, tirohon sia indi sia madutlan, salbaron niya bata, lupad sia, kag bisan napilpilan sang dakudaku nga building , hakwaton niya ang bilog nga building, dala niya.  Amo ni nga sahi sang pag-alagad kag gugma ang makita naton.  Ano pa nagtubo kita sa pagpanumdum nga abi naton kon maghigugma ka mahapos, kon magserbisyo ka mahapos, kon mag-alagad ka kahapos lang.  Ay indi gali hapos.  Kis-a sakit man maghigugma,.  Laban-laban kon maghigugma ka pierdi ka gid.  Kis-a maghigugma ka ikaw pa la-in.  Ang tuodtuod nga gugma indi pareho sang TV tungod kay sa tuod tuod nga nagahigugma labanlaban antus ka gid.  If our love is only until here, kon ang aton gugma kabus, kon ang aton gugma indi ka persevere kag waay commitment, kon ang aton gugma hasta lang sa sadyasadya, then our love is not real.  We were not taught how love really is.  Love entails suffering.  Jesus has to die on the cross for love of us.  That is our example of real love and real service – not Fernando Poe, not superman, not batman.  It is important that we give our children a proper perspective of love. 

Subong ang Ginoo nagasiling sa aton nga maghigugma kita sa iya kag sa aton isigkatawo katulad sang iya paghigugma.  Kabay pa nga makatuon kita kon ngaa nabudlayan kita sa masami maghigugma.