17th sun A - 1

Sang nagligad nga mga semana may kilala ako nga bata nga gintanyagan ko sang ice cream kag sang chocolate.  Ang ice cream yara sa akon tuo nga kamot, ang chocolate yara sa wala.  Ginpapili ko siya.  “O diin ang imo - ice cream ukon chocolate.”  Nagtulok siya sa akon wala kag tuo, wala kag tuo.  Nangarot sang iya ulo.  Sang ulihi indi siya makaagwanta gindaho niya ang duha.  Waay ko ginhatag, “Pili lang, diin imo ice cream ukon chocolate?” - tulok naman siya wala kag tuo.  Daw-on ya ang duha, ginbutong ko palayo - “pili lang ah”.  Sang ulihi naglumawlumaw ang iya mga mata, nagbalikid siya kay nanay niya kag nagsiling - “nay bakli ako ice cream kag chocolate.”

Mga utod sa aton kabuhi masami man ini nga nagakatabo.  Madamo nga mga papilian ang ginapresnetar sang kabuhi sa aton - indi lang ice cream ukon chocolate pero ang mas importante nga mga butang - “ano man makadto ako ukon indi, ano man baklon ko ini ukon indi?”  Halin sa balaklon hasta sa buluhaton, hasta sa akon pangasawhon - ginapapili kita - sin-o sa ila si Ana si Lorna o si Fe.  Kag sa sini nga mga papili-an masami makapili lamang kita sang isa - indi duha, indi tanan kundi isa lamang kag ang iban isakripisyo naton agud maangkon ining isa. 

Sa aton ebanghelyo makita naton ining typical human dilemma - ang typical problem nga masugata naton adlaw adlaw sa diin luyag naton angkunon ang tanan, hap-an ang tanan kag indi kita makasakripisyo sang iban.

May isa ka tawo nga luyag makaangkon sang malahalon nga perlas nga iya gid naluyagan.  Apang agud maangkon niya ini dapat siya makahimo sang desisyon - ano ang mas importante para sa akon - ang malahalon nga perlas ukon ang akon balay, ang akon security, ang akon posession.  Indi niya mahap-an ang tanan.  Sang ulihi nagdecide siya - luyag ko ang malahalon nga perlas, isakripisyo ko ang akon balay kag ang akon security.

Amo man ini sa aton kabuhi. May hurobaton kita nga nagasiling “hindi maaring mamamangka sa dalawang ilog.” Waay lamang ini nagatumod sa sa pagpangaluyag ukon sa pagasawahay, kundi pati man sa matag-adlaw naton nga mga desisyon.  May mga kahimtangan kita nga masugata nga isa gid lang ang papili-an kag sa pagpapili maayo gid nga kahibalo kita magpamamngkot - ano gid bala ang importante para sa akon?  What is important for me.

For example si Juan waay gid ini prioridad sa iya kabuhi.  Bisan sin-o lang makahagad sa iya dayon niya upod - Juan mamajong kita anay - lakat man sia dayon.  Juan one bottle lang, pungko man siya dayon.  Nagahando siya bisan may mga ulobrahon siya nga dapat kontani unahon.  Kon pangita-on siya, ang masami nga sabat sang iya kaingod - “ato naman nahagaran si Juan.”  Kon mag-away sila sang iya asawa dayon ya lang rason - “ti huya man ta kay kompare.”  Si Juan mga utod nagapakita lamang sa aton sang tawo na indi makakita sang pinakaimportante nga butang nga dapat niya buhaton.  Isa ka tawo nga indi makahibalo magpili kag maghimo sang tinindugan.  Isa ka tawo nga indi maka-sakripisyo sang iya barkada para sa mas importante nga butang sa iya kabuhi - ang iya pamilya.

Another example, si Gloria waay gid ini principio nga babayi.  Isa ka bes sakto sakto lang ang iya kwarta.  Sang nagalakat lakat siya, may nakita siya nga bargain.  Indi siya kahibalo magpamangkot “ano gid bala subong ang pinakaimportante nga gastosan ko, kinahanglan ko gid bala ini?”  Tungod kay indi siya makahibalo magpamangkot sini kag makasakripisyo sang iya luyag, ginbakal niya ini kag nawasi ang kontani ma-usar pa niya nga kwarta sa mas importante nga butang. 

Si Robert isa ka istudyante.  Pigado na ang iya grades.  Apang bisan amo sini hagi pa siya pulaw sa baylihan kag hagi upod sa iya barkada.  Masami indi siya makatuon.  Masami siya nga nagaligoy.  Para sa iya indi gid man importante ang mag-iskwela gani hasta subong waay siya nakatapos sang iya pagtuon.  Si Robert isa na subong ka amay.  Subong lang niya na-realizar ang importancia sang pagtuon. 

Conflicts in life come, unhapiness in our life come because we have wrong priorities or worst we don’t make priorities at all.  Ang problema kag mga away nga nagakatabo sa aton kabuhi tuga sang aton waay nagasinanato nga mga prayoridad or worse tungod kay waay kita sang mga priorities - waay naton ginakabig ang mga mas importante nga butang sa aton kabuhi nga importante, nga isa ka priority nga dapat sakripisyohan over and above everything.  Ano ang mas importante madjong ukon ang pagatipan sang akon kabataan.  Ano ang mas importante ang kwarta nga matipon ko ukon ang akon relasyon sa akon asawa nga dapat ko salbaron.  Ano ang mas importante ang luyag ko, ang barkada ko ukon ang akon buasdamlag?  Ngaa talagsa lang ako nagasimba - kay para sa akon indi gid man importante ang Dios - kon indi siya importante mahapos siya nga malimtan - kon kaisa may magsiling “ay Domingo gali subong?” nami sabton, “sugiri pa ako da, pakunokuno ka pa.”  Kon indi siya importante mahapos siya isakripisyo para sa iban - gani may nagasiling “may importante pa ako nga lalaktan.”

Today we must train ourselves to ask this very important question in life - what is my prized possession in life, what is the most important thing for me to do right now, what does God want me to do at the moment - ano gid bala ang dapat ko hatagan sing importansiya sa akon kabuhi.  Ano bala ang pinakaimportante nga butang nga akon himuon subong.  Ano nga mga butang kag luyag ang akon isakripisyo agud maaangkon ini nga butang.

Gindayaw sang Dios si Haring Salomon kay nakahibalo siya kon ano ang pinaka-importante nga iya kinahanglanon bilang hari, nangayo siya sing kaalam imbes sang malawig nga kabuhi ukon malapad pa gid nga ginharian.  Kahibalo siya sang iya mga priorities, kahibalo siya sang dapat niya isakripisyo agud maangkon niya ang pinaka-importante nga butang ukon pamatasan sa iya paghari sa Israel.

Mga utod ginaremind kita that life would be harsh for us if we don’t learn to prioritize .  And life would be a lot harsher if we don’t have priorities.  Amo ini ang sekreto sang ginharian sang Dios.  Unaha sa pagpangita ang ginharian sang Dios kag ang iya katarungan, ang iya pamatasan and God will give you all things besides this.