23rd C - 2

Sang isa ka semana ginexplicar ko kon ano ang ginatawag nga paalangiran.  Ang paalangiran isa ka istorya sa diin makita sang tagpalamati ang ila kaugalingon kag pamatasan sa istorya nga ila nabatian.  Kag ini nga istorya may tuyo sa pagcriticize sini nga mga pamatasan agud macoreheran ini. 

Ang aton ebanghelyo subong isa naman ka paaalangiran nga may duha ka sahi sing tagpalamati.  Una, ang tagpalamati ni Kristo sa istorya nga luyag, kag indi lamang luyag kundi enthusiastic gid nga  magsunod sa iya.  Diri ginapa-andaman sila ni Hesus sa pagsiling - ops, ops, indi kamo magpadasodaso, binagbinaga ninyo anay kon luyag kamo magsunod sa akon kag kon makasarang kamo kay basi indi - sugdan ninyo kag indi kamo makatapos.”  Tawgon naton ini sila nga mga tawo nga mga huro-huro, ukon ang mga nagapatugatuga. 

Ang ikaduha nga sahi sang tagpalamati amo ang mga bumalasa ni San Lukas nga nagsulat sini nga istorya.  Ini nga mga bumalasa mga Kristianos na, nakadecide na sila nga magsunod kay Kristo.  Gani si San Lukas nagasiling sa ila paagi sa sining istorya, “Ay kayuha ninyo ang pagsunod kay Kristo kay basi indi kamo katapos kag sa tunga-tunga sang inyo pagsunod kay Kristo ma-give up kamo, kadlawan gid kamo.”  Tawgon naton ini sila nga mga tawo nga indi makatapos-tapos sang ila ginsuguran kag kon sa kan-anay mga indi makaubos sang ila sinamo.

Tungod kay ini paalangiran makita naton diri ang aton kaugalingon kag ang aton pamatasan.  Una, ang mga huro-huro, ang mga nagapatugatuga nga gulpi lang magsulod nga wala ginabinagbinag kon ano ang iya ginasudlan, waay nagapanumdum kon ano ang iya madangatan. 

May isa anay ka reporter sang sa radyo.  Nakakita siya nga may nabunggo-an sang salakyan.  Luyag niya kontani makakuha sang report pero kadamo na sang mga usisero nga nagapalibot sa nabunggu-an, sa bagay nga indi na siya makapanigal-ot.  Gani nagpatugatuga siya nga nagsingit “paagya ninyo ako, akon ina tatay ang nabungguan.” Nalu-oy sa iya ang mga tawo kag ginapasal-ot siya. Sang pag-abot niya sa lugar nga ginahamtangan sang naaksidente “isa gali ka kabayo ang nabungu-an.”  Siling sang tawo sa kilid “um ara tatay mo.”

Huro-huro.  Waay ya pa gani nabinagbinag ang situwasyon dayon ya lang sugbo.  Waay na siya nagapanumdum pa.  Kita ya gani guwapa ukon guwapo  mamana na lang sa gilayon waay pa gani nabinagbinag kon makasarang siya sang responsibilidad.  Amo ini ang mga tawo nga nagapadaladala lamang sa emosyon - tudotudo ang akig waay pa gani naintiendihan kon ano ang natabo, ano pa nahuy-an.  Pirme lang nagahimo sang rush judgment.  Amo ini siya ang gusto hap-an ang tanan - “ay ma-charismatic ako, ay ma-cursilista ako, ay ma-legion ako, ay ma-lector ako” - tanan tanan luyag hap-an, pagkatapos bayaan man lang kay indi na makasarang.  Sa spiritual life amo ini sila ang mga emosyonal - matandog gani, damo lang resolusyon apang kon madula na ang emosyon kag ang balatyagon, dula man ang resolusyon.

Ang ikaduha nga sahi sang tawo amo ang indi makatapo-tapos.  Maayo gid siya sa panugod, desidido gid siya,  apang sang ulihi tungod kay kadamo sang kabudlayan indi makatapos-tapos, indi makapadayon kay may nakita siya nga mas maayo. 

Masami ini nga nagakatabo sa aton pagsunod kay Kristo and all of us have our own story to tell.  May mga tawo nga masyado ka generous sa iya isigkatawo ukon sa simbahan, pero mabudlay sa iya ang magpatawad.  May ara man ya nga palangga gid niya ang pari, gina-amuma gid sing maayo, pero kaluluoy ang ila maid.  May ara man iya nga masyado magpagnadi, pero grabe man manglibak.  May ara man iya nga debotado gid kaayo pero nagapangdaya man sa negosyo.  Ang rason “ti padre negosyo ni ‘ya.  May ara man iya nga masunod sa Ginuo pero kon may problema kag indi na maayo ang tanan, nagasunggod kag naga-untat sa pagsirbi sa iya - mga fair weather Christians.  They are building towers which they could not finish, they are waging wars they could not or are not willing to win - gani ang Ginuo nagasiling sa ila, “wala sing isa sa inyo nga mangin gintutun-an ko kon indi siya magbiya sang tanan.” Indi gali puede kon half and half lang ang pagsunod kay Kristo.  Kinhanglan gali all the way.

Tungod sini ang pamangkot subong amo: ano karon ang aton buhaton agud macoreheran naton ini nga mga pamatasan - ang aton pagkahurohuro kag ang aton pamatasan nga indi makatapos-tapos sang aton ginsugdan?  Tatlo ka mga butang.

Una, Planohi ang imo kabuhi kag ang imo ginabuhat sing maayo, binag-binaga antes ka magdecide, indi ka magpadala sa emsoyon, use your head. Ginbutang gani sang Dios ang ulo naton sa ibabaw sang aton taguipusuon agud to nga manginbabaw ang aton paminsaron sang sa aton balatyagon.  Gani sa paghimo sang dalagko nga mga desisyon, take your time.  Husisa-a sing maayo, panumduma sing maayo, pangamuyu-i sing malawig.  Indi kita maghuro-huro, indi ka magpadala sa emosyon otherwise magahinulsol kita sa ulihi

Ikaduha, Indi magpadasodaso kag indi magdali.  Kon kaisa indi kita makapersevere sa aton trabajo ukon sa aton desisyon sa pagsunod sa Ginuo kay dali kita nagakadiscourage.  Ngaa? tungod kay nagaka- overwhelm kita sang aton mga problema.  Sa akon kon kaisa amo ini ang nagakatabo, ginapanumdum ko na ang tanan nga problema nga matabo bisan malayo pa ini, ano pa nagatingob kag nagaka-overwhelm ako.  Apang kon isaisahon mo lamng ang pagatubang sang mga problema as they come indi gid man ini masyado kabudlay. So take one step at a time for the only creature that can successfully take more than one step at a time is the centipede, ang talimbabaga kay madamo ang iya tiil and not a human person nga duha lamang ang tiil.

Amo man ini sa spiritual life sa aton pagsunod kay Kristo.  Don’t say I will be a saint before next Sunday.  Indi ka magsiling nga mangin maayo na gid ikaw sa isa lamang ka bulan, ukon sa isa ka tuig, kay indi mo mahimo ina.  God is not expecting us to change our attitudinal problems, our bad habits in just one day.  Sometimes it will take a life time process.  Ang importante nga padayon kita nga nagatinguha nga magtubo - slow but sure.  Ang tawo nga nagadali kag mataas ang ambisyon daku man ang iya lagapak kon mahulog.

Ikatalo.  Ang ikatatlo nga solusyon daw mabudlay ini iwali subong kay ang kalabanan indi luyag sini.  Amo ini ang ginatawag nga sacrifice.  Mga utod, bisan indi pa naton luyag, importante sa kabuhi sang isa ka Kristiano ang willingness nga magsacrifice. Kag tungod kay nahadlok kita sini nga tinaga tawgon lamang naton ini nga delayed gratification.  Ano ining delayed gratification?  Nadumduman ko anay gintudlu-an kami ni lola kon paano magkaon sang isda agud masipot gid namon.  Siling niya, unahon mo ang nalaw-ayan mo nga bahin sang isda.  So una ang ikog, tapos siksikon ang ulo, tapos ang bahin sa iya tian.  Sa pinkaulihi kan-on mo ang pinakanamit nga bahin.  Sa sina nga style ma-ubos mo gid ang tanan, matapos mo gid ang bug-os nga isda.  Ipaulihi ang manamit nga bahin, unaha ang mabug-at, unaha ang mabudlay agud nga may incentive ikaw sa pagpadayon hasta sa ulihi tungod kay didto ang pinakamaayo - ginadelay lamang nimo ang maayo.

Amo man ini sa aton kabuhi. Unaha ang mas importante kag ang masmabudlay.  Unaha ang tuon ugaling mag-disco, unaha ang panimalay kag ipulihi lang ang barkada, ang trabaho sang sa madjong.

Amo man ini sa kabuhi kinahanglan kahibalo kita magsakripisyo.  We have to learn to postpone gratification otherwise we will leave so many unfinished business in life, otherwise we will not persevere till the end.