12th sun A - 4

Ano bala ang panglantaw naton sang aton kaugalingon?  Ano bala ang panglantaw mo sa imo kaugalingon?

Importante ini nga pamangkot tungod kay ang sabat mo sa sini nga pamangkot magadeterminar kon bala mangin mapalaron ka sa kabuhi ukon indi.

Kon ang panglantaw mo sang imo kaugalingon negative, kon sayuron kon ang panglantaw mo sa imo kaugalingon wala-wala ka, pigado ka, mango ka, wala ka pulos, pirme ka dejado, pierdi ka gid pirme, kon amo ini ang panglantaw mo sang imo kaugalingon kasubong sini chances are you will never succeed in life.

Kon ang panglantaw mo sang imo kaugalingon positive, kon sayuron ang panglantaw mo sang imo kaugalingon maayo ka, may abilidad ka, palangga ka, mabuot ka, may kaalam ka, kon kasubong sini ang panglantaw mo sang imo kaugalingon chances are you will also succeed.

Isa ini sa mga findings sa isa ka experimento nga ginhimo sang University of California base sa isa ka libo kag sietesientos ka mga istudyante sa sulod sang anum ka tuig – nga ang panan-aw sa kaugalingon may kaangtanan sa aton kapalaran.

Ano bala ang panglantaw mo sang imo kaugalingon?  

Isa man ini ka problema nga akon pirme masugata sang didto pa ko sa seminaryo gin-assign bilang isa sa mga formators sang aton mga palaabuton nga kaparian.  Kag didto nanotisyahan ko nga ang findings sang University of California wala lamang may kaangtanan sa success sa kabuhi kundi pati man sa spiritual life.  Kon ang bata pirme lang nagapangadi kag sa iya pagpangadi pirme lang sia nagapangayo, pirme lang may kinahanglanon kay pirme lang may kulang ang iya kabuhi, kag nagapangayo sia sing patawad kay pirme lang sala ang iya ginabuhat, pirme lang pigado, pirme lang waay-waay then something is wrong with the way he sees himself.

Sa masami ginahatagan ko sila sang exercise sa diin sa sulod sang pila kabulan kon mangadi sila wala anay pangayo kundi pasalamat agod makita niya, ma-ukay niya, mabusi-si niya ang tanan nga kaayuhan nga yara sa iya nga dapat niya pasalamatan sa Dios.  Wala anay pangayo, tuon ka nga mag-appreciar sang imo giftedness nga ara na nga daan sa imo kag indi na kinahanglan nga pangayuon pa.  Wala anay pangayo, tun-i nga mabaton kag tun-i nga makilala ang mga kaayuhan nga yara sa imo because without this recognition, without those eyes focused on you inherent goodness chances are you will never grow spiritually and not just spiritually but even in the simple things that we do as human beings.

Tandaan naton nga ang panugod sang spiritual life, ang pagdalom sang spiritual life nagasugod sa pagrealizar naton nga kita ginahigugma sang Dios, nga ang Dios naga-atipan, naga-amlig, naghimo sa aton nga maayo kay sia nagahigugma sa aton.  Ang pagdalom sang prayer life, ang pagdalom sang pangamuyo nagasugod sa realisasyon nga kita ginahigugma.

Kon wala ini nga paghangop, kon wala ini nga panan-aw ang kabuhi mapun-an lang sang madamo nga mga kahadlok, lakip ang dala sini nga mga pamatasan katulad abi sang kaakig, resentment, kahisa, kahuya.

Si Kristo sa aton ebanghelyo nagasiling indi ka magkahadlok, ginahigugma ikaw – amo ini ang pinaka-basic nga kamatuoran sa aton pagkatawo – nga kita ginahigugma.

Ano karon ang himuon naton?

Una, ang panan-aw sa kaugalingon nagasugod sa aton pagkabata.  Siling nila, the first 8 years of life are crucial tungod kay dira kita ginatun-an kon ano kita kag kon ano ang aton palibot.  Si Fr. Ronald sang una may proposal nga kontani siling niya kon ginahandaan naton ang nursing, ang pagka-doktor, ang commercio paagi sa isa ka college degree, mas pa gid kuntani nga handaan naton ang pagka-iloy kag pagka-amay sa puloy-an.  Kadaku sang papel sang amay kag iloy agod mahatagan sing nagakaigo nga panan-aw ang isa ka bata, ang panan-aw nga pagadal-on niya sa bilog niya nga kabuhi.

Sa isa ka isla sa Solomon Islands ang isa ka tribu didto may pinasahi nga pamaagi sa pagpulod sang dalagku nga mga kahoy.  Ginasiling nga ining kahoy nga ila pudlon ila libutan kag singgitan sang mga malaw-ay nga mga tinaga – gago, mango, hangag, wala pulos, stupid.  Sa ulod sang pito ka adlaw balik-balikan nila ang kahoy kag singgitan sing kausbong sini.  Kag ginasiling ang ang kahoy pagkatapos sang pito ka adlaw amat-amat nga mapatay kag eventually matumba.

Ikaw nga ginikanan, hatagi bala sing kasubong nga panan-aw ang imo bata, ibutang pirme sa iya pensar nga wala sia sing pulos, kag wala gid sing maayo sa iya, katulad sang kahoy he or she will eventually die before her or his time.

Jesus realized how important it is to let us know that we are loved.  God knows how important it is in life and in gaining eternal life for us to realize that God cares for us, that God loves us more than any other.  God knows that the feeling of being unloved, the feeling of being uncared and unattended, the feeling of rejection are the roots of so many of our fears.

Ikaduha, Kita nga mga hamtong na nga tungod sang aton kon kaisa masubo nga istorya kag masakit nga mga nagliligad nakatuon na nga magkahadlok, may kahigayunan pa nga magbangon sa sini nga kahimtangan.  Dumdomon naton nga kalabanan sang aton kahadlok tuga man lang sang aton pamensaron.  Dumdomon naton nga ang kalabanan sini nga mga kahadlok nagakakuha man lang tungod sang mga assurances, sang mga pasalig, mga encouragement sang aton kaupdanan.  Ang malaw-ay nga panan-aw sang aton kauglingon tuga sang iban nga mga tawo – basi halin sa aton mga ginikanan ukon basi halin man sa aton mga kasilingan, mga kaupadanan kag bisan pa gani sa aton mga abyan.  Kon amo sini, kita man makabuligay agod ining mga kahadlok aton mapakigbatoan kag sa ulihi aton malampuwasan.  Kag mahimo lamang ini kon kita nagahatag sing pasalig kag encouragement sa tagsa-tagsa.

Isa sa mga matahom nga natun-an ko sa kabuhi amo ang pag-text.  Although nga natamaran ako magsapak sini, maayo gid kay sa mga oras nga ini kinahanglanon mahapos kaayo magcommunicate.  Nadumduman ko anay sang didto ako sa seminaryo nagbalik ang kadamo nga mga discouragement kag mga kahadlok sa akon kabuhi.  In the priesthood tungod kay naga-isahanon lamang kami sa amon kabuhi ang discouragment can doubly intensify if you are alone.  Ano man to nga siguro may napangamusta sa akon kag siguro nakahatag ako sang hint nga daw indi gid maayo ang tanan.  Kag sa hinali sige na beep sang akon cellphone.  Kalabanan indi ko kilala kag sige man pamangkot ko who u?  Sila mga estudyante ko sang una nga nagasiling – grabe tulod mo sang una sa amon nga kayahon namon, ako naman matulod sa imo, kaya mo na.

Kadamo kita sing kahadlok tungod kay kulang sa encouragement, kulang sa pasalig nga bisan mag-inano there are people who care.

Si Jesus nagasiling sa aton tanan, ginahigugma ikaw.