31st sun A - 1

Buwas may klase na naman.  Ang pagiskwela ginakabig sang kalabanan nga tam-an gid ka importante.  Bisan mahal ginatinguhaan gid naton nga makabenepisyo ang aton kabataan paagi sa pag-iskwela.  Tungod kay ini importante kaayo luyag ko subong mag-advertise sa inyo sang isa ka sahi sang iskwelahan - competinsiya sa madre.  Ini nga iskwelahan waay bayad.  Ini nga iskwelahan waay schedule, bisan san-o lang nga luyag mo magtuon.  Sa sini nga iskwelahan indi ka na kinahanglan magpliti sa tricycle.  Bukas ini 24 hours a day, bukas ini bisan diin, kag makatuon ikaw bisan yara ka sa imo balay, o sa imo balaligyaan, ukon sa imo uma. Ini nga iskwelahan garantisado nga maayo.  Ang imo matun-an makabulig sa imo indi lamang sa pagpangita sing trabaho because this school will teach you not just how to make a living, but how to live your life. Ang ngalan sang iskwelahan:  the School of Jesus.  Subong ang aton Ginoo naga-agda sa aton nga magtuon sa iya iskwelahan, agud nga kita mangin mapainuboson - kay ang nagapaubos sang iya kaugalingon pagapataason, apang ang nagapakataas sang iya kaugalingon pagapauboson.

Paano naton ini matun-an? Subong luyag ko lang ipahayag ang duha ka pamaagi sang iskwelahan ni Hesus basi sa sinulatan ni San Juan de la Cruz - duha ka pamaagi agud nga kita magtuon nga mangin mapainuboson.

Una, try to be inclined always not to the easiest, but to the most difficult.  Indi ka magpili sang mahapos - pili-a ang mabudlay buhaton

For example, may ginsugo ka nga dapat obrahon sa inyo balay.  Kon indi ini matuman ang una mo nga reaksiyon amo ang pagpangakig, ang pagpakita sing kaugot.  Amo ini ang pinakahapos buhaton.  Apang kon luyag mo magtuon sa iskwelahan ni Jesus pili-on mo ang pinakabudlay.  Kag ano ang pinakabudlay - suliton mo sing malulo ang imo mga instructions sa natungdan, kag indi pag-pakita ang imo kaugot.  Kon masunsun mo ini nga mabuhat then you will have learned something from the school of Jesus which will help you to live peacefully and humbly.

For example, tam-an ako kahisa.  Kon may kaayuhan gani nga matabo sa pihak nagalain ang buot ko.  Kon nagdaug gani ang isa sa paindisindis ukon mas taas ang iya score sang sa akon nagalain ang buot ko.  Ang mahapos buhaton amo ang indi pagsapak sa nagdaug, ukon ang pagpangita sang sala sa iya.  Pero ang pinakabudlay obrahon amo ang pagpalapit sa iya sa pag-congratulate sa iya.  Kon na-enroll ka sa school of Jesus pili-on mo ang mas budlay buhaton, palapitan mo siya kag i-congratulate.  That way you learn to be humble.

Si Sta. Teresa isa ka pikon nga babayi, laon-laonon ang pamatasan, temperamental, waay sing pasiensiya - gamay lang nga sala mangakig.  Isa ka adlaw nagtinguha siya sa pagtuon nga magmangin mapinasiensiyahon.  Nag-obra siya sang rosarito. Mauti ini nga olobrahon.  Kon kaisa ang hilo sang rosarito nagaburambod, gani bisan naga-init ang ulo niya kag natentar nga magpahapo paagi sa pagutod sang hilo, buhaton niya ang mabudlay - hubaron niya ini isa isa, kag igulo ang hilo sa gamay nga buho sa pagtabid sang rosarito.  Diri siya nakatuon nga magpasiensiya.

Gani the first lesson in the School of Jesus to learn humility is to try to be inclined not to the easiest but to the most difficult. Sa pagpili mo sang buluhaton, obraha indi ang pinakahapos kundi yadtong pinakabudlay obrahon.

Ikaduha nga leksiyon sa iskwelahan ni Jesus agud nga kita mangin mapainuboson katulad niya.  Act, speak and think with contempt about oneself.  Contempt - waay ini nagakahulugan nga i-itsa puera mo ang imo kaugalingon, kundi indi mo paghimuon ang imo kaugalingon nga centro sang tanan kay isa lamang ang centro sang tanan - si Kristo, ang Dios, indi kay ang imo kaugalingon.

For example:  luyag ko magattend sang misa.  Gani aga pa ako nanghimos.  Naghulat ako sang salakyan apang dugay na ang tindog ko waay gid, luwas sini nagwaswas tudo ang ulan.  Late na ako apang waay man sa gihapon sang salakyan.  Nangakig ako, nag-init ang akon ulo, pagbalik ko sa balay pinangakigan ko ang tanan, nagnangin iritable ako sa bilog nga adlaw.  Ini nagakahulugan nga ang akon handum nga magsimba amo ang sentro sang akon kaugalingon - indi kay ang Dios, indi kay ang iya kabubut-on.  If I miss the mass not because of my own fault, then I must put aside my will and put God’s will at the center and be happy about it.  In this way we learn to become submissive to God’s will - amo na ini ang kabubut-on sang Dios sa akon then I learn to be happy with it.

Katikalon sa akon, palasugid, luyag ko nga ako lang ang dayawon, ako pirme ang bida.  Kon amo sini ang akon pamatasan tinguhaan ko nga kon magsugilanon ako dayawon ko ang iban, hatagan ko importancia ang iban - indi kay ang akon kaugalingon - in this way I learn to be humble.

Ara ako sa punsiyon - naggutom ako, kanamit sang pagkaon - lechon paborito ko gid ini, dinuguan.  Apang tungod kay naenroll ako sa school of Jesus, pagsiling nga puede na kami kakaon, imbes nga mag-una ako damhag sa lamisa, punggan ko ang akon kaugalingon kag pa-unahon, pasulabihon ang iban.  In that way I learn to be meek, I learn to be other oriented rather than selfish.

Mga utod - duha ka importante nga butang ang ginapahayag sa aton subong sa aton pagtuon sa iskwelahan ni Kristo - nga kita magmangin mapainuboson.  Matun-an naton ini anytime, anywhere, waay bayad apang ang resulta garantisado nga makahimo sa aton nga malipayon.  We will try to do the first two lessons:  Una, to try to be inclined not to the easiest but to the most difficult. Sa pagpili mo sang ulubrahon obraha indi ang pinakahapos, kundi yadtong pinakabudlay obrahon.  Kag ikaduha:  act, speak and think with contempt about oneself - indi naton paghimuon nga centro ang aton kaugalingon sa baylo himuon naton ang Dios kag ang iban nga sentro sang aton kaugalingon.  This way we learn the first lesson of Jesus to be humble.