Subong ang pagahambalan naman naton gugma. Sa tutuo lang natak-an na ako maghagi hambal
sang gugma. Siguro waay man nagkulang
ang mga kaparian nga naglabay diri sa paghambal sini. Matyag ko ang iban sa inyo namungol na
sini. Pero lantawa bala subong ang
nagakatabo. Siguro indi naman
kinahanglan nga isasay ko pa sa inyo kon ano ang nagakatabo diri subong sa
aton. Tam-an ka hayag nga ang nagakatabo
diri indi gid obra sang espiritu santo tungod kay indi mo makita ang gugma –
remember the fruit of the spirit is love – indi away, indi yawyawanay, indi
kahisa, indi pamigos, indi vote or gabut – gugma ang bunga sang espiritu.
Pero nagakatingala lang ako ngaa nabudlayan gid kita
maghigugma.
Ginisipisip ko kon ngaa – kag sa akon pagpamalandong
nadumduman ko ang pinakapopular nga love story subong, ang titanic, isa ini ka
matahum nga love story nga posible makapakita sa aton sang aton kabudlayan sa
paghigugma.
Ang istorya may apat ka importante nga characters sa diin
nagarevolve ang love story. Si Rose, ang
nanay ni Rose, ang nobyo ni Rose nga si Cal, kag si Jack.
Una nga punto. Ngaa
nabudlayan maghigugma si Rose sa iya nanay.
Tungod kay gina-usar lang siya, gin-usar agud makapamayad siya sang iya
utang, gingamit agud mamintinar niya ang iya status nga miembro sang alta
sociedad, gingamit niya si Rose agud makaagom siya kag mamintinar niya sa
gihapon ang iya poder, ang iya lifestyle.
Pero ano ang natabo. Si Rose
natublag, nabatyagan ni Rose nga indi na siya kahulag, nga daw gibutang siya sa
isa ka suludlan, nga daw gihimo siya nga puppet nga ginapasautsaut sa kamot
sang iya nanay, sa dikta sang iya nanay.
Kag ano ang natabo – tayan na lang siya naglumpat sa barko kag
nagsuicide, nagasuluka siy kay gina-ipit sia kag tungod sini nalagyo sia tapat,
nag-away sila tapat kag nagpahilayo sa iya nanay.
Mga utod amo ini ang nagakatabo kon gina-usar mo lang ang
tawo nga daw ginahimo nga puppet kag pasautsauton sa imo kamut. Masakit batyagon kon gingamit ka lang, kon
gina-usar ka lang agud makuha niya ang luyag niya. Masakit kaayo para kay Rose, masakit . . .
ngaa kay ang tawo indi gamit, ang tawo indi ulusaron lang sa imo luyag – ang
tawo anak sang Dios, anak kita sang Dios, manug-uga ka man ukon tag-iya sang
lansa, agsador ka lang ukon haciendero – alalangay kita, ang Dios nagpakamatay
para sa imo, ang Dios naghatag sa aton sang kahilwayan. Kon ulusaron lang gani ang panan-aw naton sa
tawo, kon amo ini kanubo ang panan-aw naton sa tawo, we could do so many
dreadful things to the person. Puede
naton siya mapahog, sarang ta siya matapakan, sarang ta siya matampa, ma-into,
mabakal, mainsultohan, matorture, mali-ab, sarang ta siya matayaan sang pusil,
sarang ta siya mapilit sa luyag naton.
Nabudlayan kita maghigugma tungod kay kanubo sang pagtan-aw
naton sang tawo.
Ikaduha nga punto. Ngaa
nabudlayan maghigugma si Rose sa iya nobyo nga si Cal. Tungod kay ginapilit niya si Rose, higugmaa
ako siling niya. Ginganyat niya sang
naga-inggat nga brillante, ginbakal niya sang iya kwarta. Indi pa gid madala, ginpahog niya sang iya
kapintas kag sang iya revolver. Matuod
napahipos niya si Rose, pero ano ang sa sulod sang taguipusuon ni Rose – indi
gugma, sino ang buangit nga makahigugma nga amo na na ang ginbuhat niya. Tilawi bala ang tawo nga nagacontra sa imo,
kug-a siya kag singgana higugmaa ako karon tapungolan ta. You do
not make a person love you like that.
Kon indi siya magboto sang kandidato mo respetoha siya, iya na ya
kinamatarung, ngaa mamilit gid kita, pamilit nga pamilit – amo ina ang
ginatunaan sang gamo. Bay-i lang da sia
ya. That
is how you love a person – you acccept him as he is. Lantawa sa sini nga Titanic, tungod sang
ginbuhat ni Cal kay Rose nga kapintas, ano ang sulod sang taguipusuon ni
Rose. Ang sulod sa taguipusuon ni Rose
amo ang nagabalingaso nga kaakig, she
hated him, and not only that she hated everything that he does and everybody
that he goes with. You could not love a
person like that and you could never make a person love you if you are like
that.
Sa titanic kita ninyo, si Jack nagdaug, indi tungod kay
guwapo siya, indi tungod kay manggaranon siya kundi tungod kay ginkabig niya si
rose nga isa ka tawo, waay niya gin-usar, ginpasundan niya – malumpat ka sa
barko sigi lumpat pero tandaan mo malumpat man ako upod sa imo – that is how Jack won the heart of Rose. Waay niya ginpilit, waay niya ginpahog,
waay niya ginganyat ukon ginbakal. Jack treated her as a person. Jack loved her as a person, he listened to
her, he respected her as she is, kon ano ang luyag niya. He did
not coerce, he gave her freedom and in this freedom love, true love was born.
Baklon mo ang tawo, piliton mo ang tawo. Indi. Lantawa bala si Jesus – ano ang
ginbuhat niya – waay niya gintayaan sang binangon ang iya mga gintutun-an, waay
. . . kundi nagduku siya kag ginhugasan niya ang ila mga tiil. I will
win you with my love not with my guns and goons, indi tungod kay ginapahog
ko ikaw, hugasan ko imo tiil, kung indi ka pa gid satisfied magapakamatay ako
sa krus para sa imo, to prove my love for you.
This is what Jesus has done and this is what God has done in order to
win. Si Jesus nagdaog sa eleksiyon
contra kay satanas tungod kay ginpakita niya nga siya nakahibalo maghigugma to the point of dying to himself.
Subong ginaagda ko kamo sa pagpangamuyo upod sa akon,
magluhod kita.
Lord kabudlay maghigugma, ako nga imo
pari nabudlayan man maghigugma.
Naga-init ang ulo ko kon ang tawo indi magsunod sa akon luyag. Kon kaisa natentar man ako nga singgitan
sila, mulayon sila, kag kon may armalite ako natintar man ako nga paarakan
sila. But no Lord, you do not want us to be like that. Nagpakamatay ka para sa amon, nagpakamatay
ka para sa tanan. Buligi kami sa
paghigugma sa tawo bisan pa lain ang iya paminsaron sang sa akon. Buligi ako sa paghiggugma sa tawo bisan pa
lain ang iya kandidato sang sa akon.
Buligi ako sa paghigugma sa tawo nga mabudlay paintiendihon. Buligi ako kay mabudlay maghigugma. Buligi kami.
No comments:
Post a Comment