28th sun A - 1

May isa anay ka pari kag nagsugid sini.  Nagamisa sia.  Sa tion na sang pagbasa sang mga balasahon, ang manugbasa nagtindog nga daw ginakulbaan kag nagkadto sa pulpito.  Nagsiling siya,  “Balasahon gikan sa sulat ni San Pablo sa mga taga-Corito.”  Na shock ang pari kay imbes ang Corinto, nahimo na lang nga Corito.  Gani nagsinggit siya sa manugbasa - “kulang, kulang.”  Ang manugbasa nga ginkulbaan na gid tapat nagsiling “Mga untod” - gindugangan niya sang n ang utod imbes sang Corito.

May isa anay ka pari nga pagkatapos sang malawig nga supot supot nakabakal sang salakyan nga 4X4.  Sa likod sining nagabanaag nga salakyan may na-imprinta nga 4X4 - 4 ekis kag 4.  Ginparking niya ini sa ciudad kag ginbayaan.  Pagbalik niya ang iya salakyan may agi na sang lansang.  Sa kilid sang sulat nga 4X4 ginsulatan sang bata nga bag-o lang siguro makatuon magmultiply, sang equals 16.  Namula ang pari sa kaakig. Gani gindala niya sa talyer kag ginpapintahan liwat.  Kag agud to nga indi na maliwat nga masulatan, ginpapintahan na gid niya 4X4=16.  Siling niya - “indi na ni pagkuritan kay ginbutangan ko na gid sang answer.”  Isa ka adlaw ginpark naman niya liwat sa ciudad kag sa pagbalik niya nabuy-an niya ang iya dala sa kakibot.  Sa kilid sang ginpapintahan niya nga 4X4=16 may agi liwat sang lansang nga sinulat sang bata - may check nga kon sayuron sakto ang sabat kag sa ibabaw may sulat nga VG kon sayuron very good kay nahibaluan ni father ang answer.

Ngaa ginasugid ko ini?  Mga utod, mga samples of joy ini sa amon pagkapari, tungod kay sang nagligad may nabati-an ako nga nagmuno nga kaluluoy man kuno kami nga mga pari kay waay kami sing pangalipayan.  Mga utod, kon indi kami malipayon pues isa ina ka indikasyon nga waay kami nagasunod kay Kristo - kay ang pangagda ni Kristo suno sa ebanghelyo isa ka pangagda sa punsiyon, isa ka panganda sa pagkinalipay.  Gani ang pagsunod kay Kristo isa ka malipayon nga pagsunod.  Tandaan naton ini mga utod, bisan anano ang estado sang aton pangabuhi, kon pirme lang kita nagapamurogso, ukon nagapanghayhay tungod sang mga problema, kon pirme lang nagasarampok ang aton kilay tungod sang ka-ugot kag tungod sang mga sayup nga aton nakita sa iban, then we have to re-examine again our Christian life - tungod kay kon indi kita sa masami malipayon basi la-in ang aton ginasunod, kag la-in ang aton gina-agyan, kay ang pagsunod kay Kristo malipayon nga pagsunod, kay ang iya pang-agda sa aton, isa ka pang-agda indi sa paghagi ugtas kundi sa isa ka punsiyon - sa isa ka malipayon nga kabuhi.

Subong mamangkot kita.  Ngaa nga kita nga mga inagda sang Ginuo sa punsiyon sa masami indi malipayon?  Ngaa sa masami may mga tawo nga indi malipayon sa ila kabuhi, sa ila pagsunod kay Kristo?  Husisaon naton ang rason kag ikaangid naton sa mga tawo nga makita naton sa punsiyon.

Una, may mga nagapamunsiyon nga matawag naton eat and run - waswas kaon tapos lakat puli - eat and run.  Para sa ila ang pagkaon man lang ang importante, ang pagkaon man lang ang makalipay.  Kon waay na sing pagkaon, kon waay nabilin, they become unhappy.  Ano pa, makita mo ini sila nga naga-una gid sing panigal-ot kay hadlok ma-ubusan kag bongbong gid ang ila plato.

Katulad man ini sa kabuhi kag pagsunod kay Kristo.  Kon para sa aton ang pagkaon man lang ang importante, ang material man lang nga butang ang makalipay, sa masami indi gid kita malipay.  Kon mawad-an kita sini, ano karon - malipay pa bala kita.  Bisan damo na ang yara sa imo, ga amar ka pa gid ahat, ukon nagaproblema ikaw kay basi madula mo ini - dugang libog ulo mo.  Apang katulad sa punsiyon may nagalipay sa aton nga labaw pa sa pagkaon, may nagalipay sa aton nga labaw pa sa materyal nga mga butang - ang pag-ululupod sang aton pamilya, ang pagtamdanay nga bunga sang maayo nga pamatasan, ang mga kaabyanan naton, ang pagsugilanonay, posible nga ang kalipayan naton amo nga makita ang aton abyan nga nagakalipay man.  In life there are things more valuable than material things - there is friendship, there is our family, ang imo bana, ang imo asawa, ang imo kabataan, ang imo trabaho, ang imo honor, ang pagtahod sang tawo sa imo, ang imo seguridad nga nasandigsa Dios.  Mas importante ini, mas makalipay ini.  People who prefer money over friendship, power over honor, people who prefer position over honesty, pleasure over family, will end up unhappy - testingi nyo.

Ikaduha - katulad sang mga tumalambong sa punsyon may mga tawo nga ang ginahatagan pagtamod amo lamang ang mga kapaltahan kag kala-inan nga ila makita sa ila palibot.  Amo ini nga mga tawo nga palamantay, kag ang gina-emphasize nila amo ang bad news.  For example - kalaw-ay man na sang make-up sang nobya daw tinampa sang makaako, ano man ini ang letson indi man ini mahagpok, ano man ina ang bayu sang isa man - pamantay kag panghikay - indi sila malipayon sa punsiyon.

Kon kita nga inagda ni Kristo sa punsiyon masami lang nga makakita sang mga kalainan sa aton kaugalingon kag sa aton palibot, we will also end up unhappy.  Ako personally kon mamati ako sa radyo nga pirme lang malain nga balita ang akon mabati-an, naga-init ang ulo ko.  Kon may tawo nga magkadto sa akon nga ang iya masami gina-istorya pirme lang ang kalainan sang iban, naga-init ya ulo ko.  Amo man ini ang nagakatabo kon ginaemphasize lamang naton ang kalainan nga aton makita sa iban kag sa aton kaugalingon, it makes us unhappy.  Subong let us try to look at the good side of things - lantawa ang kaayuhan nga yara sa imo agud nga indi ka manghisa sa iya sang iban.  Lantawa kag dayawa ang kaayuhan nga yara sa iban, and you will win a lot of friends, and friendship will make you happy.  Ang tawo nga nagapangita kag makakita lamang sang sala will turn out to be sour with life besides creating a lot of enemies.  Mangin masinulob-on siya.  Testingi ninyo.

Karon ang pamangkot amo, luyag mo bala nga ang imo kabuhi, ang imo pagsunod kay Kristo mangin isa ka punsyon?  Luyag mo bala mangin malipayon?  Si Kristo nagahatag sa imo sang mga pamaagi.  Sundon naton siya.