29th sun C - 2

Ginasiling nga si Thomas Edison nga nag-inbento sang bumbilya nakahimo sang mga sobra sa dos mil ka experimento, dos mil ka kapalpakan, tubtob nga napasiga niya ang nahauna nga bumbilya.

Ano na lang ayhan kita subong kon pagkatapos sang tatlo lamang ka experimento, tinak-an na si Edison kag ginbayaan ang ini nga handum kag tuyo? 

Tanan kita nakabatyag sang pagkapaslaw kag kataka sa bagay nga naglas-ay ang aton pagpaninguha sa isa ka tinutuyo kag handum.  Siguro nakasumalang kita sing mga sablag kag kabudlayan kag tungod sini aton ginabayaan ang aton mga ginahangad. 

Ano ang mga rason kon ngaa dapat kita magpadayon bisan pa sa tunga sang mga kasablagan kag mga upang nga nagahatag sa aton sing kapaslawan kag nagapa-untat sa aton sa aton pagtinguha kag pagpanglakaton?

Ang aton mga balasahon sa sini nga Domingo nagahatag sa aton sang mga rason kon ngaa dapat kita magtinguha nga walay pagkapaslaw kag walay pagkataka.  Why should we not be discouraged.

Una nga rason, may mga tawo nga nagasalig sa aton padayon kag walay pagkapaslaw nga pagtinguha.  Posible nga ini sila aton mga kabataan ukon abyan, mga tawo nga aton ginahigugma.  Si Moises nakahibalo nga kon ipaidalom niya ang iya mga kamot, kon ipaidalom niya ang iya nabayaw nga kamot tungod sang kakapoy, possible tungod sang kabug-at kag kabudlay, nakahibalo gid sia nga may mga kabataan nga madulaan sang amay tungod kay sila mapatay sang ila kaaway; nakahibalo sia nga kon ipaidalom niya ang iya kamot kay natak-an na sia, may mga ginatos sia nga soldado nga madulaan sang kabuhi; kag nakahibalo gid sia nga kon ipaidalom niya ang iya kamot tungod sang kakapoy, ang katawohan nga iya ginatuytoyan madulaan sang paglaum sa ila handum kag tinutuyo nga makapasad sang isa ka nasyon.

Panumdumon naton ini.  Indi lang kita makasiling, akon ni ya pangabuhi paggusto lang ako.  There are people looking up at you, dependent on your perseverance and persistence.  Amo ini ang nagakatabo sa mga pagbulagay sang mga mag-asawa kon kaisa.  Kon kaisa ginadumdom lang ang ila kakapoy sa sini nga relasyon, ang ila kataka, apang wala ginadumdom kon anoa ng matabo sa kabataan pananglitan sila matak-an na kag mag-give up na sa isa kag isa.  Una nga rason kon ngaa dapat kita indi magkataka - may mga tawo nga nagasalig sa aton padayon kag walay pagkapaslaw nga pagtinguha. 

Ikaduha nga rason, wala ka naga-isahanon.  Ining away sang Israel kag sang mga Amaleknon isa kag makatalanhaga nga away.  Indi yadto ang away mismo kundi ang nagakatabo sa ibabaw sang bakulod.  Makita didto si Moises nga nagabayaw sang iya kamot.  Tungod kay sia kinapoy gintuytuyan sia ni Aaron kag ni Hur nga makapungko sa bato.  Tungod kay kinapoy na ang iya mga kamot, si Aaron kag si Hur nagtindog sa duha niya ka kilid nga naga-uyat sang iya mga kamot agod indi sia kapuyon.

Ano na lang ayhan kon isahanon lang si Moises?  Ano na lang ayhan kon nagsiling si Aaron kag si Hur, bay-I da sia total iya man ina problema?  Ano na lang ayhan ang matabo sa inaway.

Nangin madinalag-on ang Israel tungod kay si Moises wala lamang nag-isahanon.  Nangin madilag-on sia tungod sang suporta sang iya mga kaupod.

Kon tani amo ini ang ipakita sang mga magululutod sa isa ka panimalay.  Kontani amo ini ang ipakita sang isa kag isa sa sulod sang katilingban.  Kontani amo ini ang makita naton sa aton pungsod.  Pero ambot kon ngaa nanamitan gid kita mangla-it sa isa kag isa.  Ngaa nanamitan gid kita magpakalain sa isa kag isa?

Apang possible nga kita makapadayon kon kita nagabululigay, naga-encourage, nagapabatyag sang aton pagsuporta.  Siguro makasugod kita sini kon sundon naton ang ginahambal ni San Pablo – kon wala gid man kita may itugda nga maayo, abi paghipos da.

We are not alone, we should not be alone sa aton pagtinguha.  Kag tungod sina padayon kita nga magtinguha bisan mabudlay.

Ikatlo nga rason – ang Dios mas makagagahom sang sa aton.  Sa masami ang pagkilala sang aton ikasarang kag kon diin lang kutob ang aton masarangan isa ka maisog nga tikang.  Si Moises nagbaton nga indi nila ini masarangan.  Amo gani nga ginbayaw niya ang iya kamot sa pagpangamuyo kag wala sia nag-untat sa pagpangamuyo.  Sa pagpangamuyo ni Moises ginpakita niya nga indi lamang ini iya away ukon away lamang sang Israel.  Iya man ini sang Dios.  Lord this struggle is not just mine, this is also yours, so you better do something to help us.

To see what we are doing as something beyond ourselves, beyond our strength, beyond even the present.  Indi ini akon, kag indi ini para sa akon.  And because of that looking beyond oneself, ang Israel nangin madinalag-on. 

Ngaa wala sila nadiscourage, because they believe that what they are doing is something is not theirs but God’s, it is not for them but for others, it is not for the present but for the future.

Kahapon may synod awareness kamo.  Lantawa bala ang sinodo sa sini nga panimuot, sa sining tatlo ka rason and you can never give up on it and its dreams.  First reason – if we give up now ano na lang ang matabo sa handum nga ginapaabot sa aton bwasdamlag – we are doing this for our children, for the future. 

Ikaduha nga rason – mapatabo naton ini kag mabatas ini tanan kon nagasuportahanay ang isa kag isa. 

Ikatlo nga rason – indi ini imo obra kndi iya sang Dios, indi ini para sa imo kundi iya sa imo kabataan.  Learn to look and work for that which is beyond yourself and you will learn to persevere.