kristo rey C

Ano ang paghangup naton subong sang isa ka hari?  Ano ang kahulugan subong kon ginakabig naton ang isa ka tawo nga hari?

Diri luyag ko ipresentar ang usage sang tinaga nga hari.

Una, nadumduman ko anay, kung magsinggit kami gani sing matunog sa amon mga bulig, si Lola masiling ina “Baw kon manugonugo kamo daw hari kamo ba.”  Ang hari sa aton paghangop subong amo yanang mga tawo kon  magmandar ukon magsugo daw si sin-o gid nga awtoridad.

Ikaduha, may ara man kita nga action king sang Philippine movies - si FPJ.  Hari siya kon sayuron amo ini siya ang pinakapopular, pinasikat, sa mga tumalan-aw sang sini.

May ara man kita nga Queen of Jaro.  Kon sayuron manggaranon ini nga makasarang magpatahi sang tatlo ka trahe nga linibolibo ang bile

May ara man nga hari ng Tondo - si Asiong Salonga, kon sayuron amo ini sila ang pinakapoderoso, ang pinakaisog sa sina nga lugar, ang ginakahadlokan.

Mga utod amo ini ang apat pa lang ka usage sang tinaga nga hari kag kon aton talupangdon si Kristo nga ginatawag naton nga hari daw waay gid sing kwalifikasyon nga makatupong sa mga hari naton subong.

Si Kristo kon magmandar siya kag magsugo, indi gid man siya makasulod sa aton description sang hari kay indi bala ginatawag siya nga malulo sing taguipusuon, kag daw waay man siya gani ginapati?

Indi man siya makatupong kay FPJ sa popularidad kag sa abilidad.  Ginpapatay gani siya tungod kay nangin unpopular siya, kag sa pagpapili ni Pontio Pilato kon sin-o ang buy-an nga priso, ginpili pa nila si Barabas nga buyong.

Si Kristo indi man makatupong sa reyna sang Jaro.  Una nga bes indi bala nga nagsiling siya nga maayo pa ang mga pispis kay may mga pugad.  Kag ang iya gani ultimo nga bayo, ginpagabotgabotan sang mga soldado, kag napatay siya nga nagabahag.

Indi man si Kristo makatupong sa kaisog sang Hari sang Tondo.  Waay siya tinawo nga magapangapin sa iya. Kag ang iya armas, ahay, si Kristo bisan tres cantos ukon batangenio waay gid.

Siguro makapamangkot kita, anano man ini nga sahi sang hari si Kristo - indi popular, maluya, langloy, waay abilidad, kon magmandar siya waay pa siya ginapati, kag waay kwarta.  Sa ebanghelyo ginsuyaan siya sang mga tawo, ahay naghipos lang gid siya.

Apang mga utod, sa pagkamatuod amo ini ang rason kon ngaa hari si Kristo. It is precisely these attitudes that made him king.  Matuod, sa mata sang kalibutan ang iya binuhatan iya sang tarantado kag  iya sang ultimo nga tawo, mga pamatasan nga indi naton makabig nga harianon.  Apang panumdumon naton nga ang ginapakamahal sang kalibutan nga mga pamatasan, ginapakamalaut sang Dios. Hari ang aton Ginuo tungod sining maluya nga mga pamatasan.

Ano ini nga pamatasan? . . . amo ini ang ginatawag naton nga vulnerability - ang pagkahuyang.  Mahuyang ang Ginuo kag tungod sang iya pagkahuyang, tungod sang kaluya niya nga ang Dios nga Amay ginhimaya.

Gani mga utod kon gusto naton masunod sa aton hari kinahanglan sundon naton ang iya pamatasan, sundon naton ang iya kahuyang kay paagi lamang diri maagom naton, mapatabo naton ang ginharian sang aton mahal nga hari.  Makatingalahan nga ang mahuyang magagahom sang tanan. Pero tandaan naton ang ginasiling ni Pablo - It is in weakness that power reaches perfection.  Amo ini ang misterio sang aton pagsunod sa Dios - sa aton kahuyang aton maaguman ang ginharian.  Panumdumon naton mga utod nga ang Dios iya suli.  Diin ka lang kakita sa mga nagakalainlain nga relihiyon sa bilog nga kalibutan nga ang Dios nagtawag sang iya kaugalingon nga kordero - lamb - waay nagangurob katulad sang leon, waay nagapusnga katulad sang dragon, kundi naga meee.  Maayo nalang tani kon toro nga karnero kay at least may sungay nga ibato, pero kordero lang siya - anak sang karnero, lamb of God nga kong iyawon mo nagapaayon lamang.

Paano kita karon mangin vulnerable katulad sa Ginoo.  Paano kita makasulod sa Ginharian sang aton hari, nga ang iya kahimayaan naangkon niya sa iya kahuyang.  Duha lamang ka butang

Una, Vulnerability means I acknowledge that I am weak.  Ginakilala ko nga maluya ako, makasasala ako, kag posible gid nga makasala ako. Vulnerable ako kon makasiling ako sa imo, “Nagasalasala ako, indi ako kahibalo kon ano ang akon himu-on, kapoy na ako kag nahadlok ako, puede mo ako mabuligan?” This is vulnerablility.  Ginakilala ko nga kong waay ikaw, waay waay man ako, mabudlayan gid ako.  Mga utod, whether we like it or not, relationship is built up by vulnerability, an organization is built up when each member feels vulnerable, and a community is formed when members feel vulnerable - nga mahuyang sila kag kinahanglan nila ang isa kag isa. 

Lantawa bala ang may mga macho nga image, grabe nga authority figure, paghambal niya waay ka na bala may idugang pa kundi magduko na lang kag maghuo bisan indi mo pa luyag.  That person becomes unapprochable - sin-o man ang luyag magpakigabyan sa imo nga pati kolor sang bayo ko diktahan mo, ukon sin-o man luyag magpakigabyan sa tawo nga indi na mamati sa advise sang iban kay daw siya lang ang sakto.  Amo man ina sa relationships, in building up organizations ukon ang pagbalay sang katilingban.  Paano kita magmaayo kon ginadumalahan kita sang isa lamang ka tawo nga waay nagapamati sa iya kaupdanan, nga dumdum niya siya lang sakto, kag waay gid siya nagahimo sing sala. Hay, paano kita mangin katilingban kon magtipon kita masigpataastaas sugid, pataastaas bugal.  Mairinaway lang kita. 

To be vulnerable however is different because I could say to all of you “You know I could be wrong in this, please help me.”  And through this kind of relationship, dependence begins and we become cohesive, and we could work as a group.  To be vulnerable is to open my weakness, to open my wounds for all to see, to be open for correction, to be open to learn from other people.  Vulnerability means makapatawad ako kay palareho man lang kita nga may kaluya kag tanan kita kinahanglan man sang pagpatawad.  And it is through these acknowledgement of weakness that power reaches perfection. Vulnerability, meaning I acknowledge that I am weak - amo ini ang una nga tikang agud masunod naton si Kristo sa iya pagkahari - agud nga kita makasulod sa ginharian sang aton hari.

2. Vulnerability is to be simple in my lifestyle.  May nabasahan ako anay sa travel brochure nga nagasiling - simplicity is mobility.  Kon simple ka lang kuno mahapos sa imo maglumpatlumpat kon diin ka magkadto.  Amo ini ang advise nila kon ikaw nagatravel - travel light, siling nila ukon, uba, laba, suksok mala.  Amo man ina sa pangabuhi kay indi bala tanan kita mga peregrino sa ibabaw sang kalibutan.  We have to travel light if we want to get to where we are going.

We have to travel light kay mabudlay magsunodsunod sa Ginoo kon madamo ang aton mga priorities, madamo ang aton mga concerns, madamo ang aton ginaasikaso.  Lantawa bala kon ka rikot sang imo kabuhi - for example may nanawag nga may meeting kita subong.   Kon kaisa ang aton reaksion amo sini - ay kasabad a pa-ilison mo naman ako.  Kontani mahapos man lang ina mag-ilis, pero kon indi simple ang imo kabuhi madamo pa ang agihan mo nga mga rituals - Halin sa Hairdo, sa makeup, sa bayo, sa  etc. etc. etc. Macomplicar pa gid ini kon damo ang imo pililian.  Ilis pa lang ina - magamo pa gid ini kong madamo imo gina-asikaso, mga appointments, mga concerns nga iban asta sa ulihi matak-an ka na magattend sang meeting.  Opps meeting pa lang ina - ano pa gid ayhan kon pagatawgon na kita sang Ginuo sa paghimo sang apostolate, sang isa ak commitment. Hayy, kakapoy.  Kakapoy kay kadamo kita sang concerns, kakapoy kay misdirected ang aton priorities, kakapoy kay indi simple ang aton kabuhi.  To be vulnerable is to be simple.  Pamalandongan naton ini.