santissima trinidad C - 1

May sia anay ka misyonero sa isa ka tribu sang Africa.  Isa ka adlaw ining misyonero naghimo sun dial – ang sinadto pa nga palatandaan sang oras sa diin ang silak sang adlaw naga-marka sang oras paagi sa landong nga nahimo sa sun dial.  Ginpresentar ini sang misyonero sa sadto nga tribu kag ang mga tawo didto nanami-an gid sini tungod kay sugod sadto nakahibalo na sila sang igsakto nga oras.  Gani ila ini ginbutang sa tunga sang ila katilingban kag ila gid ini gin-amligan kay basi matuktukan ini sa sobra nga ulan kag maguba ini sa sobra nga kainit sang Africa.  Gani sa sobra nila nga pag-amlig kag pagtipig sang ila sundial ila ini ginhimu-an sang mtahum nga atop.  Gin-atopan nila ang ila sundial.

Kon kaisa amo man ini ang pagtratar naton sa Santissima Trinidad sa aton kabuhi.  Tam-an ini ka importante apang wala gid sia naton ginpanginpuslan.  Waay naton ini ginhatagan sing kaangtanan sa aton kabuhi, waay naton ginsapak ang implikasyon sining pagtuloohan sa aton kabuhi.  Pila ang dios?  Isa. Pila ang persona sang Dios?  Tatlo.  Sin-o sila?  Ang Amay, ang Anak kag ang Espiritu Santo.  Amo gani nga sa tagsa naton ka pagsugod sa pangamuyo kag sa aton pagtapos nagapanguros kita.  Sa masami amo lang ina ang nahibalu-aan naton nahanungod sa Santisima Trinidad.  Luwas dira waay na.  Apang ang kabuhi sang Santisima Trinidad indi lamang isa ka palangadi-on ukon halambalon, kundi labaw sa tanan isa ka panghangkat sa aton sa pagkabuhi sang ila sahi sang pangabuhi.

Ang Santisima Trinidad tatlo ka persona apang isa lamang ka Dios.  Sila tatlo ka Persona alalangay, apang tungod kay sila tatlo sila may kinatuhay, sila la-in sang sa isa kag isa, apang sila isa, sila nahiusa sa paghigugma.  They have equality, diversity and so they are one, they have unity

Paano naton ipangabuhi ang kabuhi sang santissima Trinidad? 

Naka-attend ako sang isa ka palaguaon kon sa dii ang mga gagmay nga mga kabataan naghimo sang isa ka pantomine – gina-aksyonan nga waay sing hambal.  May duha ka bata nga nakakita sang golden Buddha.  Gintinguhaan nila nga hakwaton ini apang indi nila ini madala gani nagdalidali sila pangita sang pamaagi agod makuha nila ini.  Sang wala na sila may hubog nga naglabay nga nakakita man sang golden Buddha apang sa iya paghakwat natumba sia tungod sang kabug-at kag sang iya kahulugbon.  May naglabay pa gid apang indi man sa gihapon mahulag ang istatwa.  Sang pagbalik na sadtong una ka mga bata nga nakakita sini didto na nagsugod ang rumble.  Nag-irinaway sila tungod kay ang tagsa-tagsa nagasiling nga ila ini, akon ina, kami ang una nga nakakita sina, amon lang ina.  Apang sang ulihi namulalungan nila nga kon untatan nila ang ila inaway, kon sila mangin-isa sila kag magbululigay, mahimu-an gid nila sing medyos nga mahakwat ang golden buddha.    Kag amo gid man ini ang ginbuhat nila, ang isa nagpanumdom kag nakakita sia sing pamaagi, ang isa naghimo sang isa ka timbang agod sila tanan makahakwat, ang iban sa ila makusog kag gani nadala nila ini.  Ang mensahe sadto amo sini: where there is love there is unity, where there is unity ang tanan nga kabug-at mamag-an.

Ano karon ang aton buhaton sa praktikal nga bagay agud makabuhi naton ang kabuhi sang Santisma Trinidad.

Una we learn to recognize our basic equality, nga kita tanan alalangay sang dignidad.  Imol man sia ukon manggaranon wala sing diperensya, wala sing kinalain ang aton panulok kag ang pagtratar sa isa kag isa.

Ikaduha we recognize our diversity.  Equality does not mean nga palareho kita tanan. Nga kita tanan may palareho nga paminsaron, palareho nga pagginawi, palareho nga panumdoman  We have learned to accept our diversity when we have learned to accept people as they are in their uniqueness, kon ma-recognize naton nga ang isa kag isa may inughatag, may ila nga pinasahi nga kinaadman nga sarang ma-amot ukon ma-contribute para sa kaayuhan sang aton katilingban.

Kag ikatlo we recognize that when we love, when we care, we can be united kag ang aton karga mangin mamag-an.

Amo ini ang gina-pukaw kuntani sang aton mga programa sa parokya, katulad abi sang aton pagduso sang mga urna sa barangay, kag subong man sang aton pagkampanya para sa aton kabalaka project, nga kuntani ang tanan mangin mamag-an kon makahugpong kita, makabuligay kita kag makahatag kita maka-contribute kita sang aton kinaadman.  ang tema sang aton kabalaka project nga ginkuha naton sa ikaduha nga sulat ni San Pablos a mga taga-corinto nagasiling "Ang nagatipon sing madamo wala magsobra, ang nagatipon sing diutay wala makulangi. - The one who had much did not have too much, and the one who had little did not have too little."  Now that is the life of the Trinity.

Indi kita magkalipat nga ang Santisima Trinidad indi kinaugali sang Dios, kag indi lang doktrina nga ginatuohan kundi isa ka sahi sang pangabuhi nga ginahangkat sa tagsa-tagsa.  Kabay pa nga sa aton pagtililipon mapangabuhi naton ang kabuhi sang Santisima Trinidad.