5th sun B - 1

I want to hit two birds with one stone.  Luyag ko ipahayag kon ngaa sa pagkadamo sang posible ko nga assaynan diri gid ako nagtupa sa Pototan, kag ang kahulugan sang aton mga balasahon sa isa lamang ka tira.  Pakatapos sang apat ka bulan I owe it to you nga ipahayag kon ngaa ginassign ako diri, pero sa contexto lamang sang aton mga balasahon.  Gani two birds with one stone. 

Let me start by saying nga ini nga  assginment waay ko ginhandum, waay ko ginpaabot kag waay gid nagsulod sa hunahuna sang mga nag-assign sa akon.  In other words panakip butas - samtang wala pa, ikaw lang to anay. 

Ngaa diri gid sa Pototan - tungod kay waay diri sing taraklason kag waay sing malawig nga lalakton.  Indi ini normal nga assignment.  Halin ako sa katedral didto sa ciudad, kag kontani ang madason ko nga tup-an malayo kag mabulubudlay gawa - pareho abi sang Carles, Alimodian, ukon San Joaquin.  Pero sa grasya sang Dios ukon sa disgrasya man, wala pa napamatud-an, diri ako ginaasign.

Ngaa.  Bag-o lang ako nag-ayo sa akon masakit - ambot kon ano ato nga sahi sang masakit - ang tanan ko nga joints sa bilog ko nga lawas nagsakit, kag tungod sini ginbudlayan ako maghulag, binudlayan ako maglakat, bisan gani magtulog kabudlay kay indi ako makahulag sang akon kaluwasan.  Tatlo ka tuig ang akon  bulubaston kag madamo na nga mga doktor ang akon kinadtuan - may mga tuod tuod nga doktor, kag may mga nagapakunokuno nga doktor. 

May collection ako sang balanyos halin sa ihi, luy-a, lana, ajos, gas, - ano pa waay gid ako damo abyan sa katedral kay ang baho ko daw kusina kag banyo rolled into one.  Naagyan ko man ang St. Paul’s, Doctor’s, Makati med, Mauricio kag manugbotbot sa Oton.  Waay man ako nagkulang sa pangamuyo kay kada aga, sa pagmisa ko nagapangamuyo ako - “Ginuo paano ang pagserbisyo ko sa imo, pari ako, sa simbahan ako, paano ini kay ginaguyod ko lang ang akon tiil.”  Naghulat ako sing milagro.  Gintudotudohan ko pangamuyo - kadto ako sa charistmatic healing, pilgrimage ako sa Baclaran kag sa Edsa Shrine, inom ako sa tubig halin sa Lourdes, palapak kay San Vicente didto sa San Dionisio.  I was hoping everyday of my life for a miracle to happen, but nothing happened.  Naglalain ako.  I was desperate.  Indi ako maributay - maayo ang akon tinutuyo, nagaserbisyo ako sa simbahan, indi ako kahangop kon ngaa indi paghatagan sang Dios sing kaayuhan ang akon lawas agud makaserbisyo ako sing maayo sa iya.  Ang Dios bala bungol?  Ang Dios bala waay nagakabalaka sa iya mga anak?  May pag-ulikid bala siya sa mga nagakatabo sa akon pangabuhi? 

Katulad kay Job sa aton nahauna nga balasahon, hagi ako kumud kag reklamo, pamuyayaw: tatlo ka jalousies ang akon binuka kag tayan ko na lang hinaboy ang tabernacolo sang akon sungkod - apang waay man sa gihapon sabat, waay sing may natabo.

Sang ulihi ko na lang natalupangdan kon ngaa natabo yadto, kag ini naghatag sa akon sang leksiyon, leksiyon sa akon relasyon sa Dios, kag leksiyon kon ngaa may Dios ang kalibutan kag kon ano ang kaangtanan niya sa akon pangabuhi.

Katulad sang mga tawo sa Capernaum sa aton ebanghelyo, luyag ko nga magtener si Jesus upod sa akon agud nga masolbar niya kag mahatagan alibyo ang akon mga pag-antos, agud mangin mahapos ang akon pagserbisyo sa iya kag mangin convenient ang akon pangabuhi.  It was as if I was saying “diri ka lang Lord, indi ka na di maghalin agud waay na kami problema.”  And in those times when I felt terrible pain, like the people in Capernaum I also felt that God left me, nga ginbayaan niya ako. 

Diri natalupangdan ko nga ang akon gali relasyon sa Dios, ang akon paghangop sang iya presensiya balik-awot.  Abi naton kay ara na ang Ginuo sa aton pangabuhi, no problem na kita, indi na kita mabudlayan.  Inuyatan ya lang ang mother in law ni Pedro ayo dayon, ti nagadumdum man kita nga kon ara siya indi na kita masakitan pa, indi na kita masubu-an - everybody’s happy, alive, alive forevermore. Ano pa kung mangamuyo kita, naga-expektar kita nga dulaon sang Dios kag tabugon ang tanan naton nga problema, dulaon sang Dios ang tanan naton nga palaligban. 

Apang sa masami waay sang Ginuo ginabaylohan ang aton mabug-at nga situwasyon kon magpanawag kita sa iya.  Waay niya ginalubad para sa aton ang aton mga problema.  Sa baylo sini ginabaylohan niya, ginapaisog niya, ang tawo nga amo ang magalubad sang iya mismo problema.  Instead of changing the situation, most of the time God is changing the person facing the problem. He may not heal your cancer, or solve your problems, but he will make you a lot braver.  Waay niya ginkuha ang akon balatian, agud matawhay ang akon pagserbisyo sa iya.  Sa baylo ginhimo niya ako nga maisog sa pagserbisyo sa iya bisan may kasubong ako nga balati-an.  Kag diri, ang ginapaabot ko nga milagro nakita ko - sa akon pagbatas, kag sa kaisog nga halin sa Dios.

Ang Dios isa ka amay sa iya mga anak.  Indi sia isa ka yaya sa iya mga bata, nga kon  maghibi gani dayon ya daskan sang bibiron ang baba, nga kon maghibi gani ilisan dayon ang basa nga lampin.  Ang Dios isa ka Amay - sia maga-unong, sia magahatag sing kaisog kag kabakod - he will give encouragement, he will prod you on, but he is not going to do all your work for you, otherwise how can we grow, otherwise we will not grow. 

Ginbayaan niya ang mga taga-Capernaum, ginbayaan niya ako “for awhile” tungod kay kon bibi-bibihon niya ako, nahibaluan niya nga indi ako magtubo.  Subong mamangkot kita bilang aton pamalandong:  Amo man bala ayhan ini ang tinutuyo sang Dios sa inyo sa mga bes nga nagabatyag ikaw nga ang Dios nagbiya kag nagapabaya, tungod sang imo mga problema?  Binagbinagon naton.