30th sun C - 1

May tatlo anay ka mangingisda nga nagpaindisindis kon diin gid bala ang may mas madamo isda.  Ang taga-bacolod una sugid, amon pare kung mangi-isda ka sa bacolod itawtaw mo lang bunit mo waay gani iduha ka sigundo may mabunit ka gid dayon.  Sa amon ya pare sabat sang taga-masbate tunton mo lang bunit mo waay gani isa ka sigundo butongong mo dayon kay may makuha ka gid.  Indi man sa tikal siling sang taga-estancia, sa amon ya mas damo pa gid to ya isda.  Antes mo itunton ang imo bunit, hawanan mo anay ang tubig kay nagagilinutok ang isda.

Damo pa ni klase nga istorya nga kasubong sini kag ang daog depende kung sin-o ang nagasugid.  Siling nila kung magtikal ka man lang tuodtuora na lang, total waay man bayad.

Subong may tikalon man sa aton ebanghelyo apang indi ini ya tikal nga butig, tikal niya nga tuod.  Tawag naton kulas dayaw.  May natural kita nga hilig nga mangin bida, may natural kita nga hilig nga mangin center of attention.  Sang nagligad nagalakatlakat ako sa manila lapit sa malacangang tapon ko simba sa San Beda.  Mapuli na ko tani ugaling may talupangdan ako nga nagatilipon nga mga tawo sa gate sang Malacangang, gani siempre ang pagkausisero ko nagtuhaw, nagkadto ako kag naglantaw kung ano ang ila man ginalantaw.  Kag ano ang ila ginalantaw, shooting ni Rudy Fernandez nga nagadalagan sia pagguwa sa malacangang.  Damo kami to kag bal-an mo ngaa, basi madala sa sine siling sang tawo sa tupad ko.  Siling ko man tuod no, kis-a lang ko galangtaw tagalog basi isa ini sa mga sine nga lantawon ko kag madala gid ako damo nga seminarista nga maglangtaw sa akon.  Daw buki ako no, pero kis-a amo man kamo sina, labay gani sa camera sang VHS, babaybabay ukon smile nga daw into.

We have this tendency to be center of attention, that we will appear or look good to other people.  Kulas dayaw ang resulta.  Bisan sa aton pangamuyo.

Sa aton ebanghelyo ang Ginoo nagahatag sa aton sang mga pamaagi agod indi kita mahulog sa sining pamatasan.

Una, ang bugalon nga tawo indi makapangadi sing sakto.  Ang kulas dayaw indi makapangadi sing maayo.  Siguro ang aton pangadi indi gid man katulad sang fariseo sa aton ebanghelyo apang kon kaisa it sounds like this, nangin maayo man ako sa akon kabuhi ngaa ginhatagan mo ako sing kasubong sini nga problema.  Malapit man ako sa simbahan ngaa waay mo ginhatag ang akon ginapangayo.  This kind of prayer is a prayer of a proud man. 

Ikaduha ang nagakundenar sang iya isigkatawo, ang nagatamay sa iya isigkatawo sa iya pangamuyo waay nagapangamuyo.  Siguro indi man kita katulad sang fariseo nga nagsiling, indi ako katulad sining makasasala sa kilid ko, ukon siguro indi gid man siguro nga ginapangadi-an mo sang direkta nga halit ang imo kaignod, baw Lord kabay pa matup-an is ben laden sang tomahawk missile.  Siguro daw indi gid man kasubong sina.  Apang kon kaisa nagaguwa man ini sa aton, Lord palikawa man ang bagyo ay, didto lang sa norte paagya.  Tapos kon maglikaw gid man nagasiling kita, ay sa lamat waay kita naigo diri sa iloilo, sa capiz lang, thank you Lord.  Kadamo sang matawag naton nga selfish nga pangamuyo, nga ang aton lang kaayohan ang aton ginaasikaso sa atubangan sang Dios.  Kon kaisa ka dalagko sang problema sang kalibutan apanag ang aton lang ginadumdum amo ang aton mga witiwiti nga kinahanglan kag mga witiwiti nga convenience.  Prayer which is selfish, prayer which seeks only our convenience is not prayer

Ikatatlo, ang tuod nga pangamuyo amo ang pagcomparar sang aton kabuhi indi sa kabuhi sang aton kaingod kundili sa pangabuhi sang aton Ginoo.  Mas maayo na lang ako sa iya e, at least akon isa lang kerida ko iya duha gid, may batibati pa nga ikatatlo.  Daw indi gid na sakto nga comparasyon.  Ang ikomparahan naton sang aton kabuhi amo ang Ginoo, indi kay ang iban nga tawo.  Kag kon makomparar naton ang aton kaugalingon sa iya ang mahimo ta gid lang masiling sa atoon pangamuyo Ginuo kalouyi ako kay ako makasasala.