pentecost A

Sa Thailand may isa didto ka Golden Buddha 10 and a half feet ang kataason - solid gold.  Sa luyo sining Golden Buddha may makita didto nga clay ukon lutak nga sang una nagatabon sang Golden Buddha.  Ang istorya sang Golden Buddha kag sang sini nga lutak amo sini.  Sang 1957 may mga monghe nga may tuyo kontani nga halinon ang clay nga buddha sa isa ka lugar.  Gintinguhaan nila ini nga hakwaton sang crane apang tungod kay mabug-at ini kaayo naglilitik ang clay nga buddha.  Dugang pa diri, nag-ulan kag nagdaku ahat ang mga litik sini.  Gani, ginbalik nila ini kag gintabunan sang malapad nga tolda. 

Sang gab-i, ang isa ka monghe nagdala sang iya flashlight kag iya ginlantaw ang mga litik sang clay Buddha kag nakita niya nga sa giya sang mga litik may nagabanaag sa sulod.  Gani kinuha niya ag tigib kag martilyo, kag sa dalayon niya nga paglampos sini, natalupangdan niya nga indi gali ini lutak nga buddha, kundi solid gold nga Buddha.  Ang mga historians nagapati nga sang gin-atake ang Thailand sang mga dumuluong nga hangaway, gintabunan  sang mga monghe ang ila buddha sang lutak agud nga indi ini pagkawaton.  Ugaling pinatay sila tanan kag waay gid sing may nakahibalo nga bulawan gali ini.

Mga utod, amo ini ang ginanamin sang aton Ginoo sa iya pagsiling sa iya mga gintutun-an, paghidait yara sa inyo subong nga ang amay nagpadala sa akon ako man nagapadala sa inyo.  Samtang nagapanarangka sila sa kahadlok ang Ginoo nagsiling sa ila guwa kamo, ginapadala ko kamo.  In a sense ang ginasiling sang Ginoo amo sini “ indi kamo magkahadlok kag magpanago, ipadala ko sa inyo ang espiritu, you are not clay, you are gold.  Indi kamo lutak bulawan kamo.”  There is power in you, there is strength in you, and there is goodness in all of us because of the spirit that I will send. 

Mga utod, sa aton kabuhi makapila kita mapaslawan, makapila kita nadiscourage, makapila kita nag-alangalang tungod sang mga kahadlok sa aton kabuhi.  Sa aton kabuhi makapila kita nanago ukon nagbiya kag naglikaw sa aton mga katungdanan bilang mga kristiano tungod kay nagdumdum kita nga indi naton masarangan ang isa ka butang.

Apang subong ang Ginoo nagapasalig - you are gold, you have the power.  Receive his power which I am giving to you.  Makasarang kita kag may abilidad kita tungod sang espiritu nga ginapadala sa aton ni Kristo. Gani ang Ginuo nagasiling sa aton nga pirme lang nagapalibog, pirme lang may ginakabalak-an, don’t worry be happy you have the Spirit in you.

Ining panghangkat ni Kristo may duha ka misconception, mga opposite, kag isaysay ko ini kay basi amo sini ang aton paghangop kag madangtan.

Una.  May isa anay ka bata nga ginsugo sang iya nanay.  “Toto kuhaa anay ang silhig sa guwa.”  Ang bata nagreklamo - “Nay kadaulom sa guwa nahadlok ako.”  Gani ang nanay nagpasalig sa bata nga nagasiling,  “Toto indi ka magkahadlok sa dulom - si Jesus yara dira, waay sing may maano sa imo.”  Tungod sining pasalig ang bata naglakat, inabrihan ang puwertahan nagsid-ing sa guwa kag nagsinggit - “Jesus kon ara ka dira palihog dalha diri ang silhig.”  Amo man ini kon kaisa sa aton pagtuo - ginapaobra naton sa Dios ang puede man lang naton maobra kon mapisan lang kita.  Kon kaisa nagasiling kita isalig lang sa Dios, kag magpahimunong - ginatawag naton ang aton katamad nga pagsalig - dalhon ta pa ang Dios sa aton katamad.  When Jesus says you have the power, you are gold and not clay because you have the Spirit, he is telling us you can do it.  Mahimo mo ini.  Indi lamang pagsaligi ang Dios, saligi man ang imo kaugalingon.

Ikaduha.  Sang nagamasakit ako nadumduman ko anay pirme ako ginayaguta - “Fr. ano abi kay waay ka gid pagtuo, kaluya sang imo pagtuo sa Dios.”  Matuod may bes nga ginbasol ko ang akon kaugalingon tungod kay kaluya sang akon pagtuo.  Indi bala kon may pagtuo ka kag pagsalig sa Dios makasiling ka sa sining bukid, hakwata ang imo kaugalingon kag itagbong sa dagat, kag mabuhat ina.  Tapos ahay athritis indi ko maayo, kag yatis pari pa ako waay ako pagtuo.  Pero diri ko man natalupangdan nga ang pagsalig gali sa Dios is not just moving mountains - faith is also about climbing mountains and treading difficult roads,  ang pagsalig sa Dios waay lamang nagakhulugan nga malikawan mo ang sakit.  Ang pagtuo kag pagsalig sa Dios nagakahulugan man nga bisan sakit, bisan mabug-at makayuhum ako kag makabuhat ako kon ano lang ang akon masarangan. Ngaa tungod kay ang martyrdom, ang pagbatas is a better test of the presence of the spirit than miracles and visions. Ang pagbatas mo sang tanan isa ka mas mabakod nga prueba kag ebidensiya sang presensiya sang espiritu santo sa imo, sang sa may milagro nga matabo sa imo.

 So when Jesus says you have the power, you are gold, he is not just saying “you can do it” but also he is saying “just do what you can.” Gani maglaum kita kay ang Dios nga nagdaug sang tanan nga mga butang pati sang kamatayon, magahatag man sa aton sang kadalag-an tungod sang Espiritu nga ginpadala niya sa aton. Nahimo ni Kristo, mahimo mo man ina kon luyag nimo, kag kon indi ka na gid makasarang himoa lang ang imo masarangan. And so the message of Pentecost is this – you have the spirit in you to guide you, so don’t worry, be happy.