3rd sunday B

Sang nagligad nga tuig may mga babayi nga katapo sang Nagdilaab Foundation didto sa Mindanao nga gin-kidnap sang mga Abu-Sayaf, si Millette Mendoza nga ginbihag sa sulod sang 61 ka adlaw kag si SP nga ginbihag sa sulod sang tatlo kag semana.  Sang gin-interview sila sa Radyo Veritas kon ano ang mga kabudlayan nga ila ginagyan sa sadtong pag-kidnap sa ila, isa sila sa pagsiling nga ang pinakabudlay amo ang pagseparar sa ila nga duha.  They were both separated from each other.  Kag sa sulod sang malawig nga mga inadlaw sila nga duha nangin isahanon.  Paano nila na-survive ini? 

Si Millette nagsiling nga sang pagbulag sa ila nagtalang ang isa ka bag ni SP, kag didto ini ginbutang sa hayub-hayub nga ginpateneran sa iya.  Kag agod madula ang iya kahadlok sa iya pag-isahanon iya ginsuksuk ang bayo ni SP nga iya kinuha sa sadto nga bag, kag bisan gutok pa ini, gin-agwanta lang niya agod indi sia magpanumdom nga naga-isahon sia sa sadto nga lugar.

Si SP naman iya nagbatas sadtong pag-isahanon paagi sa pagdumdom nga ginapangamuyuan sia sang madamo nga tawo kag madamo ang nagadumdom sa iya sa sadto nga tion.  Amo ini siling nila sa interview ang naghatag sa ila sang kaisog sa pagbatas sang sila nahamulag sa isa kag isa didto sa kagulangan sang Mindanao upod sa mga Abu-Sayaf.

Subong nga hapon samtang ginasaulog naton ang ikaduha nga adlaw sang aton novenario, aton husisaon kag pamalandongan ang isa ka pundasyon nga pamatasan sang aton ginahandum nga nabag-o nga simbahan dira sa mga gamay nga katilingban nga aton balayon.  Ano ining pundasyon nga pamatasan kag panan-aw nga aton ginabalay kag ginapatubo?  Amo ini ang ginatawag naton nga spirituality of communion, ang sahi sang panan-aw sa diin kita tanan nga mga katapo sang simbahan may kaangtanan kag may kahilabtanan sa isa kag isa bangod sang aton paghiusa kay Kristo.  Nga bangud kay kita tanan ginbunyagan sa ngalan sang Amay, kag sang Anak kag sang Espiritu Santo aton man ginakabuhi ang kabuhi sang Santisima Trinidad nga nagapuyo sa tagsa naton ka taguipusuon – nga paagi sa bunyag bisan kita madamo kag nagakalain-lain isa lang ka lawas, isa lang ka balatyagon, isa lang ka panghunahuna.  Amo ini nga spirituality nga nagpa-survive kay Millet kag kay SP sang sila ginbihag.  Ang bayo nga gutok nagpahanumdom kay Milette nga wala sia nagaisahon, nga bisan lang ang kolor sang bayu kag siguro ang baho sadto, naghatag sa iya sang assurance nga yara lang si SP sa palibot.  Amo man ini nga spirituality nga nagpa-survive kay SP – ang pagdumdom nga kadamo ang nagakabalaka sa iya, kadamo ang ginakulbaan pareho niya, kadamo ang nagapangamuyo para sa iya kaayuhan. 

Sa kasubong man nga eksperyensiya nasandig ang konbersyon ni San Pablo.  The conversion of Paul was founded in the same realization that Christians are connected with one another because of their connection with Christ.  “Saul, Saul ngaa bala ginahingabot mo ako.”  Siguro, kon wala to kinulbaan si Pablo, siguro indi lang amo to ang pamangkot niya sa tingog.  Siguro mamangkot sia, “sin-o ka imo ya, ang mga Kristiano iya ang akon ginahingabot kag indi ikaw.”  But it dawned on him, it dawned on Paul nga sa iya paghingabot sang mga Kristiano, ginahingabot man niya si Kristo.  This is the spirituality of communion.

Ang mga taga-India may pinasahi nga greeting para sa isa kag isa.  Imbes nga masiling sila sa isa kag isa good morning ukon good afternoon, imbes nga magsiling sila sini nagabow sila sa isa kag isa nga nagasiling: Namaste, Namaste.  Kon sayuron, the god in me greets the god in you.  Ang dios nga yari sa akon naga-abi-abi sa dios nga yara sa imo.  This is spirituality of communion in a greeting.

Sa kasubong man nga konteksto nga mahangpan naton ang ginhambal ni Kristo sa iya pagsaysay kon ano ang matabo sa katapusan sang kalibutan sa iya pag-abot sa pagpa-in sang mga karnero sa mga kanding, sa mga maayo kag sa mga malaut, kari kamo kay gingutom ako kag ginpakaon ninyo ako, hubo ako kag ginpabayuan ninyo ako.  Diin ina natabo, Lord.  Nagasiling ako sa inyo kon ano ang ginabuhat ninyo sa sini nga labing kubos, ginahimo man ninyo ina sa akon. 

This is spirituality of communion and it is by reason of our baptism in the name of the Holy Trinity that we have become interconnected into one body.  You are part of me.  I am part of you.

Tungod kay ikaw bahin nakon, since you are part of me and I am part of you, indi ko ikaw makabig nga kompetensya, indi ako magkahisa sa imo, indi ako puede magkahikaw, mahuya ako kon kaimunan ko ikaw tungod kay mas maayo ka sang sa akon, kay bahin ka nakon, kag bahin ako nimo, sa pagkamatuod dulot ka sa akon.

This is spirituality of communion.  Amo ini nga sahi sang pamatasan ang aton ginapukaw, amo ini nga sahi sang ispiritualidad nga aton diskobrehon kag patubuon sa aton kaugalingon tungod kay ginbunyagan kita tanan sa ngalan sang Amay kag sang Anak kag sang Espiritu Santo.