3rd sun of advent A

Subong ginasaulog naton ang ginatawag nga Gaudete Sunday.  Gaudete - ini nga tinaga Latin, kag ini ginkuha sa kalantahon sa pagsugod sang misa nga nagakahulugan “magkalipay ka.”  Magkalipay sa ano? - magkalipay kita kay ang Dios nga magaluwas sa aton magakari. 

Suno sa kinaadan, ang kolor kontani sang akon bayo sa misa indi violet, kundi rosa - rose.  Ang rose combinasyon ina sang duha ka kolor - ang violet nga ginasimponan sang gold.  Ang violet simbolo sang pagpenitensiya kag paghinusol sang aton mga sala, kag ang gold simbolo sang kalipay kag pagkinasadya.  Ini nga combinasyon sang kolor sa misa nagapahayag sa aton kon ano gid ang nagakadapat nga balatyagon naton sa subong nga adlaw.  Nga bisan matuod nagapenitensiya kita kag nagahinulsol sang aton mga sala, sa likod sini may tago kita nga kalipay kag pagkinasadya.  Ngaa?  tungod kay nakasiguro kita nga ang Dios nga magaabot piho gid nga magapatawad sang tanan naton nga mga sala, kag ang Dios nga magaabot piho gid nga magadala sing paghidait kag kalinong sa tunga naton.

Mga utod ini nga adlaw, adlaw sang pagkinalipay kag pagkinasadya.  Magkinasadya kita kag magkinalipay.  Apang antes kita magbuhat sini may mga importante kita nga pamangkot nga dapat sabton.  Kahibalo bala kita magpangalipay kag magkinasadya, do we really know how to rejoice?  Paano kita magkinasadya kay kapi-ot sang pangabuhi naton subong, sa bagay nga may mas daku pa kita nga rason sa pagpanampu-ay kag sa pagpangasubo? Ano gid bala ang kawsa sang aton pagkinasadya?

May ara sa aton nga para sa ila ang kasadya yara sa ilimnon.  May ara man iya nga abi nila makita lamang ini sa manamit kag madamo nga pagka-on.  May ara man iya nga abi nila ang kasadya ilabi na gid sining mga piesta makita lamang sa carnival, ano pa kon malawig kuno ang karnabal malawig man ang pagkinalipay, kag kon waay kuno sang karnabal waay man sing kalipay. (sa tutoo lang, ako waay gid ako nalipay sini.  Kon sin-o man ang luyag sina ihalina na to sa atubang sang inyo balay, kag patinira dira sa duha ka bulan, lantawon ta kon malipay kag makatulog kamo.)  Tawgon ta ini nga sahi sang kalipay, cheap joy, mababa ang kaligayahan kag ini nga kalipay indi bagay kag indi tuman sa mga Jareno.

May ara man iya nga nalipay sa kapaltahan sang iban.  Nalipay sila kon nakabulasot sa lamawan ang ila contra.  Nalipay sila magpakanubo sang ila isigkatawo paagi sa mga patopato nga istorya.  Mga utod, mapintas ini nga sahi sang kalipay.

May ara man iya nga naganggid sang kalipay sa mga regalo, sa mga material gifts.  Daw bata bala nga ginpamangkot, “ano ang ginapangasubo mo?’ kag sabton niya ikaw nga “ano abi kay waay ako regalo.”  As adults we are also like that, in our own way, in our own bigger and more expensive way, bilmoko nyo, bilmoko nyan.  Mabudlay kag malahalon ini nga sahi sang kalipay kag kalabanan sa aton indi makasarang sini.  Pangamuyo kamo subong nga nag inyo iyado ukon iyada indi kasubong sini otherwise mahikayan gid kamo sa sining Christmas - “kabagit kay maninoy ah.”

Ang kalipay nga ginatanyag sa aton subong sang ebanghelyo lain kay ini amo ang kalipay nga dala sang makatilingala kag dalagku nga mga butang nga ginbuhat sang Dios sa tunga naton.  God has done great things for us.  Ang Dios yara sa tunga naton kag nagbuhat siya sing dalagku nga mga butang.  “Fr. anano man ina nga kalipay ang imo ginatanyag sa amon.”  Mga utod, amo ini ang kalipay nga indi madula - ang pagkilala nga ang Dios yara kaupod naton, ang Dios nga nagbaliwala sang akon pagka-ultimo, sang akon pagkawaaywaay, kag nagbayaw sa akon gikan sa lunang sang akon kahimtangan.  Ang Dios naghigugma sa akon katulad sang paghigugma sa isa ka amay, ang Dios nga nagaapin sa mga kubos, ang Dios  nga indi gid magpabaya, ang Dios nga magadampig sa nagapanawag sa iya.  These are the wonderful things done everyday of our lives, in the humdrum of our lives, in our midst, in our homes, in our offices, and this is the source of our joy today.  Amo ini ang kalipay ang ginatanyag sa aton subong - pero ahay  pila lang ayhan sa aton ang nakakita sining pag-ulikid sang Dios sa aton, kag kon nakita ta gid man pila lang gid ang nagakalipay tungod sini.  Ngaa, tungod sang duha ka rason.

Una indi kita makaexpereiensiya sang matuodtuod nga kalipay tungod sang rason nga ginahatag sang ebanghelyo.  Ang mga sumulunod ni Juan nagkadto kay Hesus nga nagapamangkot, “ikaw gid bala ang ginasiling ni Juan nga magakari.”  Obvious sa ila pamangkot nga indi sila mahim-os kon bala magkasadya sila kay ari na ang Kristo sa tunga nila, ukon magapadayon pa sila nga magahulat sa iya.  Si Hesus nagsabat sa ila, “sugiri ninyo si Juan sang inyo nabatian kag sang inyo nakita - ang mga bungol makabati, ang mga pi-ang makalakat, ang maayong balita ginawali sa mga imol.” Sugiri ninyo si Juan sang inyo nabatian kag sang inyo nakita. 

Mga utod, ining duha ka tinaga, nabatian kag nakita, amo ang yabi sang matuodtuod nga kalipay.  Indi kita malipayon subong, kay indi kita makabati kag indi kita makakita sang kaayuhan sang Dios sa tunga naton.  Ang aton lamang mabatian amo ang kapintas sang tawo, ang aton lamang makita amo ang malubha nga balati-an, ang kamatayon, ang paghingabot sang tawo sa iya isigkatawo. Ang aton lamang mabati-an amo ang malain nga mga balita.

Subong ginaagda kita, lantawa ang kaayo sang Dios sa imo kabuhi, lantawa ang kaayo sang Dios sa tunga sang kapigadohon sang aton pangabuhi, lantawa ang kaayo sang tawo sa tunga sang iya kapintas kag kadalok, lantawa ang kaayo sang aton pungsod sa tunga sang iya kaimolon, lantawa ang imo kaisog kag ang padayon nga bulig sang Dios sa tunga sang imo problema.  Mga utod, siling nila beauty is in the eye of the beholder, subong ginasiling ko sa inyo, happiness is in the eye of the beholder and in the ear of the listener.  Kon mamati lamang kita sang bad news, then we will not really be happy, we will be disturbed.  If we have eyes only for bad news, then we will not be happy.  But we must remember there is so much goodnes in the world, so much wonder in our world and we have no reason not to see them nor to hear from them.  God made this world good and it is good.  This is the secret of happiness - when we have the capacity to see and to hear the goodness of God and of each person in our midst.

Ikaduha, indi kita malipayon tungod sa rason nga ginahatag sang aton ikaduha nga balasahon.  Si Santiago nagasiling, magpa-ilob kamo, katulad sang mangunguma nga nagahulat sing ulan, magpailob kamo.  Be patient.  Indi kita malipayon subong tungod kay indi kita kahibalo maghulat.  We are impatient.  Tam-an sa aton ka nerbioso, indi kita kahibalo magbatas, indi kita kahibalo maghulat nga nagpangabudlay.  Gusto naton insigida ang tanan.  Apang tandaan naton, nga waay sing insigida sa ibabaw sang kalibutan.  Bisan ang Dios naghimo sang kalibutan sa sulod sang pito ka adlaw kag iya ini gintawag nga maayo kag nalipay siya sini, because he took his time in building it.  Kita, indi kita malipayon kay tanan kita nagadali.  Nagadali kita magmanggaranon, indi kita kahulat, gusto naton instant dayon.  Duha man lang ka butang ang puede mo maobra agud magmanggaranon ka sa gilayon without sweat - mapatad kag magpangamuyo nga magdaug ka sa lotto ukon mangawat ikaw.  Sadly both are very popular.  And I tell you this is not the way to real happiness. (nahadlok ako sa sweepstakes).  Kon kaisa manutahan ninyo indi kita makapasiensiya sang iban, kag nagatuga ini sang kaakig.  Indi kita ka hulat sa pagtubo sang iban kag nagatuga ini sing pagpamigos.  Indi kita kahulat sa Ginuo sa pagsabat sang aton pangamuyo kag nagatuga ini sang pagsunggod, kag pagrebelde sa aton taguipusuon.  Kadamo pa.  So if you want to be happy in this world learn to wait, learn to relax, learn to count you blessings.

So do you want to be happy.  The secret lies in seeing and hearing the good things God has done and continue to do in our midst.  The secret lies in our ability to wait for we know that God will continue to give us more than we ask or ever imagine.  God is good.  He has done great things for us and we are glad.