2nd sun lent A

Nahibaluan ko nga nadisturbo gid kamo sa mga nagkalatabo sang nagligad nga semana.  Ako nadisturbo man kag kalaw-ay man ang una ko nga reaksiyon.  Apang ini nga reaksiyon sang kangil-ad waay gid nagdugay.  Una nga rason nagapati ako sa siling nila una man lang na ang sakit.  Ang ikaduha daw indi na gid man tam-an ka sakit.  Kon madumduman ninyo ikaduha na ini nga natabo nga nabalahuba naman ang mga baho namon nga mga pari.  Ang una natelevision pa gani sa ginkasal is Fr. Hector ni Fr. Jess.  Subong ari na naman kag sa pamatyag ko daw indi gid man mas masakit sang sa una.  Mag ikatatlo pa ni nga waswasanay matyag waay na gid ni may masapak.

Ang ikaduha nga rason amo nga sa sining ikaduha nga hitabo nga gin-uyog ang aton arkidiosesis, makasiling ako nga daw nakahangop na ako sang dalagan sang tanan.   Amo ini ang luyag ko i-share sa inyo agod nga makaagom kita sa kusog sa pagpadayon bisan pa sa tunga sang iskandalo.

Nagapati ako nga sa sining series sang mga hitabo may nagapadalagan sang tanan dira sa ibabaw.  Nagapati ako nga bahin ini sang programa sang Dios.  Kadugay na natapos ang Vatican II nga council nga nagreporma sang simbahan – 36 years.  Kadugay na man nga natapos ang PCP II nga may tuyo kon tani nga repormahon ang simbahan sang pilipinas – 11 years.  Pero matyag ko, ang arkidiosesis sang Jaro nabilin nanaman sa tabtaban.  Kahinay sang aton response sa panghangkat  sang sini nga mga reporma kag pagbag-o.  Amo ini ang rason nga ang Dios na mismo ang nag-interbinir.  Gin-intrahan na niya kag sia mismo ang nagadirihir.  Gina-una niya reporma ang mga pari, kay kon indi kami una ang ma-reporma kag mabag-o, waay rason nga magdemanda kami nga kamo man magbag-o. 

Sang 1998 una niya nga ginpaatubang sa amon ang issue sang celibacy – ang pagka-ulay.  Kabug-at nga problema ang natabo pero we were made to face ourselves – and we were made to asses how we lived it in our lives.  Sa amo man nga tuig si Msgr. Piamonte napatay, kag nagapati ako nga nagluya sia tungod sadtong hitabo sa aton kabuhi bilang arkidiosesis.  Apang yadtong hitabo nagpamunga man sing madamo sa amon kabuhi kag tungod sadto tatlo ka pari ang nagguwa nga pormal tungod kay sa ila painoino indi na sila makasarang magkabuhi sini – pormal nga nagguwa – waay gintagotago sa sekreto ang sala, kundi ini ginbaton.  Ginpabalonan pa sila namon.

Subong ginapaatubang sa amon ang ikaduha nga evangelical council ang ginatawag nga obedience ukon pagkamatinumanon.  Matyag ko waay gid man namon ini ginkabuhi sing maayo.  Ang obedience nga ginatawag indi lamang napertenecer sa Obispo pero labi na gid sa simbahan – fidelity sa simbahan, sa iya mga panghangkat, sa iya vision, sa iya gabay nga ginapatuman niya sa amon sa pagbag-o sang simbahan.  Waay gid.  Nami lang kami magsiling – magbag-o kamo, pero ang amon kabuhi waay gid nabag-o, ang amon sahi sang pag-alagad, ang amon pagginawi.  Subong amo naman ini ang ginapanghikot sang Dios sa amon.  Indi lang ini reshuffling ukon retirement – this is about reform in the church, this is about renewal in the church.

Tam-an ini ka importante kay kon indi kami kapasar diri indi man kami I think kapasar sa ikatatlo nga pagtilaw nga maga-abot nga ipadala sang Dios.  Kag amo ini ang ikatatlo nga evangelical council – ang poverty ukon ang pagka-simple sang pangabuhi.  Amo ini ang pinakabudlay sa tanan kay diri questionon ang economics sang simbahan kag sang mga pari.  Matyag ko kis-a manggaranon pa ang iban sa amon sang sa amon ginapangayuon limos.  Kon kaisa ang pagginawi sang iban nga mga pari mas minanggaranon pa sang sa manggaranon.  Tapos sa masami waay sing transparency sa finances.  Mas budlay ini baylohan nga pagginawi.

Subong sakto gid ini ang mensahe sang ebanghelyo.  Mumo-on gid ta anay sang dios antes niya kita bayawon liwat.  Gub-on ya gid ang mga torre nga ginpatindog sang amon kahakug, sang amon bugal, sang amon sala kag kahinay sa pagsabat sang iya panawagan.  Katulad ni Pedro nami tani magpabilin sa ibabaw.  Pero ginpapanaog sila, ginpaatubang sila sang ila kaluyahon, sang ila kamatayon, kay waay sing himaya kon waay sing pag-antus kag pagkamapainuboson.  In order to go up we are reminded today to go down – to humble ourselves, to face our crosses, to face our ugliness with humility. 

Para sa akon amo ini ang mensahe sang transfiguration.  Tan-awon naton ang mga hitabo subong nga pamaagi sang Dios agod nga ma-transfigure ang aton arkidiosesis, mabaylo ang iya nawong kag dagway paagi sa sining hitabo nga natabo sa amon nga mga kaparian. 

Kon amo ini ang lakat sang tanan nakahangop ako kon ngaa dapat matabo yadtong hitabo – this is now in God’s hands.  That is why we should not worry too much for in God’s hands we are in good hands.  We have to passed first the way of humility before we can transform and transfigure ourselves in glory.