3rd sun of easter A

Ginasiling nga ang tinaga nga krisis may duha ka kahulugan ukon duha ka paghangop.  Ang krisis isa ka malubha nga hitabo nga napun-an sang kabug-at kag pag-antos.  Apang sarang man ini mahangpan nga isa ka hitabo nga napuno sang mga oportunidad.   Puede ini malantaw nga hitabo nga waay sing paglaum, ukon hitabo nga puno sang kahigayunan.

Ang duha ka gintuton-an sa aton ebanghelyo yara nahamtang sa isa ka daku nga krisis.  They were in crisis.  Ngaa?  Tungod kay nadulaan sila sing paglaum.  Lantawa bala kon ano ang ila ginhimo para kay Kristo.  Siguro ginabayaan nila ang tanan, pati ang ila pamilya, ang ila palangabuhi-an tungod kay dumdum nila pagkakita nila kay Jesus amo na ini sia ang magaluwas sang banwa nga Israel gikan sa mga pagginahom sang mga dumuluong.  Ginsugal nila ang tanan para sa iya tapos ano ang natabo – it ended in death, in the death of Jesus.  Waay na ang tanan.  Nadula na ang tanan kag ginasiling sa sini nga description nga sila nagapanglakaton padulong sa pagtunod sang adlaw, walking towards the sunset, walking towards darkness.

Apang ining pagkawalay paglaum, kasubo kag kabug-at sa tagipusuon, nahimo man nga oportunidad nga maangkon nila ang bag-o nga kalipay kag ang bag-o nga paglaum sang si Jesus nagupod sa ila sa masubo nga dalan sang Emmaus.  And this is my point for today – Jesus makes sense of everything, It is only in Jesus that even in the most confusing of times, we learn what life means.

Ang krisis possible nga mangin mabug-at nga dala sa aton abaga, apang possible man nga ini mangin kawsa sang aton kalipay nga nagapamag-an sang kabuhi.  Medyo masakit, kon kaisa tam-an gid kasakit, apang possible nga ini mangin kawsa sang madamo nga mga kahigayunan.  Kag magnin kasubong ini if Jesus is with us, because he makes sense even of our difficulties.

Ining istorya nagapakita man sa aton kon paano nila nakilala si Jesus sa ila tunga.  Nakilala nila sia sa iya pagpamihakpihak sang tinapay.  Kag amo man ini ang paglantaw naton sang eukaristiya.  Ginasaulog naton ang misa sa tunga sang kalipay sang mga piesta kag sa tunga man sa kasubo.  Ginasaulog naton ang misa sa tunga sang katawhayan kag sa tunga sang kagamo.  Ngaa.  Because the Eucharist makes sense of everything.  May rason ang aton kalipay, may paglaum ang aton kalisod.  Kay diri makita naton, makilala naton si kristo nga nagapabilin sa aton tunga.

Jesus makes sense of everything and most especially his presence in the eucharist makes sense of everything.