3rd sun of advent B

Nagapati pa bala kamo kay Santa Claus? Subong kay dalagku na kita waay na kita nagapati kay Santa Claus.  Sang una nadumduman ko sang ginsugiran ako sang akon magulang nga indi gali tuod si Santa Claus, nga si Santa Claus gali nga nagakamang sa tungang gab-i, si nanay man lang gali, nagyambi ako kag gintulok ko siya nga daw indi magpati.  Apang natalupangdan ko nga matuod gid man gali kag sugod sadto waay na gid ko namati sang mga kanta nga “Here Comes Santa Claus,” ukon “Santa Claus is coming to town.” – coming to town (2x) nga ara man lang gali nga nagapuyo sa balay upod sa imo.  Kag bisan indi ka pa mag better watch out, better not pout gaan ka man sa gihapon sang regalo.  Sugod sadto waay na ako nagpati kay Santa Claus.

Apang subong tungod kay pari na ako nagapati liwat ako kay Santa Claus - pero ang Santa Claus nga ginapatihan ko subong waay sing bayu nga pula kag waay sing kalo nga daw ice cream cone nga ginpasuli. Indi siya matambok kag waay siya sing puti kag malaba nga bungot.  Kag, ahay, waay man siya sing Rudolf the Red -Nosed Reindeer, kag waay siya nagapanghatag sang regalo bisan pa nag-be good for goodness sake ako.

Ang Santa Claus nga ginapatihan ko subong amo si San Nicolas.  Sa ingles ginatawag siya nga St. Nicolas of Cusa, kag sa German ginatawag siya nga Santa Claus.  Siya ang original nga Santa Claus kag ginakilala siya subong tungod kay tam-an siya kaalwan.  Sa pagkamatuod ginhatag niya ang iya mga pagkabutang agud maluwas lamang ang tatlo ka dalaga sa white slavery. 

Sang una ginasaulog gid ang piesta ni Santa Claus kag sa orihinal nga piesta ni Santa Claus, ang mga kabataan waay nagapasabak sa iya kag nagapapicture katulad sa Shoemart, ukon nagapungko sa cash register katulad sa Gaisano, ukon ginpresentaran sang mga sinulat sang aton kabataan - listahan sang ila nga pangayu-on sa iya. 

Sa orihinal nga piesta ang mga kabaataan amo mismo ang nagahatag sing regalo sa indi makasarang – amo ini ang piesta sang una – ang mga kabataan nagapanghatag sang regalo sa indi makasarang.  Pero subong nagsuli, ang kabataan nagapakabit sang medyas, sang pinakadaku nga medyas, agud madamo man ang mahatag sa ila ni Santa Claus.  The original feast was a feast of giving rather than receiving - it was a feast of imitating Santa Claus’ generosity, rather than a feast of expecting Santa Claus’ generosity - expecting for the gift I wished from him.  Ginasunod ang kaalwan ni Santa Claus paagi sa pagpanghatag sa mga nagakinahanglan, pero subong iya, ginhimo nila si santa Claus nga palangayu-an.

Mga utod subong sa aton ebanghelyo ginpakita liwat sa aton ini nga pamatasan – ang espiritu sang pagkaalwan sa mga nagakinahanglan.  Namangkot kay Juan Bautista ang mga tawo kon paano sila makahanda sang ila kaugalingon para sa pag-abot sang Ginuo, kag gintudlu-an sila ni Juan, gintudluan sila nga magmangin-maalwan.  This is the proper way preparing for the coming of the Lord – to be more generous, to be more loving and kind.

Subong dapat naton ini dumdumon kag ipaathag sa aton mga kabataan - Una sa pagtudlo sa ila nga si santa claus matuod - he is real.  Kag ikaduha - si Santa Claus indi gali palangayu-an, kundi dapat siya sundon sa iya kaalwan.  Sala gali ang gintudlo sa akon sang una.  Gin-usar nila si Santa Claus agud tun-an ako nga magdinalok, imbes nga tun-an ako nga magmangin maalwan – (stockings ni nanay ang akon ginpakabit sa hagdan para damo ang masulod). 

This Christmas teach one another to be generous - that it is indeed more blessed to give than to receive.