4th sun of advent A

Sa isa anay ka tribu ang mga kabataan nga gina-initiate sa pagkahamtong gina-lecturan sang pamuno sang tribu, kon ano ang mga ginadumili-an nga mga pagka-on sang ila tribu. Sa matunog kag emosyonal nga tingog, grabe nga mga pagpamahog ang ginasaysay sang pamuno sang tribu kon ngaa ginadumili-an ang pagka-on sang isa ka sahi sang prutas nga malabalaba.  Nagkompas-kompas siya sa paghambal, nagsinggit siya, nagpakidluoy sia, sa bagay nga nagtuga ini sang daku nga kahadlok sa mga kabataan.  Kinuha sang pamuno ang frutas nga malaba-laba, gindahu sa ila sa paglantaw, kag ang mga kabataan sa pagkakita nila sini daw nahadlok sila bisan lang sa pagtandog sini.  

May isa ka bata nga tam-an gid kahiposon, nga waay gid naga-imokimok sa bilog nga lecture.  Hipos lang siya dira sa higad sa bagay nga ang iban waay gani makanotisya sang iya presensiya.  Sang ti-on na niya nga magtandog kag malantaw sining gamay kag malabalaba nga frutas nga ginadumili-an, ginhimutaran niya ini sing madugay, Ginsulusimhotsimhotan, ginlantaw liwat, ginsimhutan liwat, ginpanitan kag diretso nga ginkaon kag gintulon.  Nakibot ang tanan, shock sila, may iban nga nagsinggit, may iban nga nagpalagyo kag ang iban padayon nga nagatulok nga naganganga ang ila baba nga natingala kag nagahulat kon ano ang matabo sa sini nga bata.  Inusap sa bata, manamit, tinulon pa gid niya.  Shock ang tanan pati ang pamuno apang aay may natabo.  Gani, sugod sadto, ang pagdumili sa pagka-on sining frutas sa sulod sa 500 ka gatos ka tuig nag-untat, kag ang emosyonal nga lecture nahanungod sinang pagdumili sang prutas gin-untat, kag inang gamay kag malabalaba nga prutas gintawag nga saging.  Kag tanan kita nagaka-on sini indi tungod sang matahum nga lecture ukon testimony kundi tungod sang ejemplo sang isa ka mahiposon nga bata nga waay gid sing may ginhambal.

Sang mga nagliligad nga Domingo ginhanda kita sa pag-abot sang aton Ginuo paagi sa mga matahum gna mga ginpamulong ni Isaias, kag sa mabaskog nga pagwali ni Juan Bautista.  Subong sa katapusan nga Dominggo sang aton pagpreparar sa pag-abot sang aton Ginuo,  tugotan naton nga ihanda ang aton kaugalingon paagi sa kahipos ukon sa silence ni San Jose.  Tumalagsahon ini bisan sa santos nga kasulatan nga himu-on naton bilang ehemplo sa aton paghanda, ang tawo nga waay gid may ginhambal, waay gid naghatag sang bisan isa gid lang ka testimony, kag waay gid nagwali kon ano ang buhaton naton.  Naghipos lang siya. Simple lang.  Apang indi gid naton pag-i-underestimate ang mga mahiposon, ukon ang waay gid may ginatugda, kay ang iya buhat tam-an ka effectivo sa bagay nga bisan waay siya may ginhambal ginhimo siya nga patron sang bilog nga santa Iglesya.  Si Jose magatudlo sa aton sang last lesson agud maselebrar naton ang Christmas sing maayo.

Ano ang ginatudlo subong ni Jose sa aton sa paghanda sang aton kaugalingon sa pag-abot buwas nga adlaw sang aton Ginuo?  Isa gid lang ang akon ipahayag subong.

Tawgon naton ini nga calmness, stillness ukon ang iya mismo silence.  Tawgon man naton ini nga grace under pressure.  Ma-appreciar mo ining pamatasan ni Jose kon ibutang mo man ang imo kaugalingon sa iya kahimtangan.  Kalasalon ikaw, na-engage na ikaw, napreparar na ang tanan, ang traje, ang banda, ang inbitasyon, ang catering, pagkatapos namutikan mo nga nagabusong gali ang imo nobya kag nahibaluan mo nga indi gid ina imo.  Unless nga may balati-an ka nga somnambolism, inang nagalakat kag nagapangapkap sa tunga sang imo katulugon samtang waay ka sing animo kon ano ang imo ginabuhat, ang una mo nga reaksiyon amo ang pagpanic.  Panic, karankaran, pangakig, hibi, inom, kag magahimo sing madamo nga konklusyon.  Apang si Jose iya nagpakalma sang iya kaugalingon, hipos lang siya anay, nagpanumdum sing madalom kag waay nagkarankaran kag nagpadasodaso kon ano ang iya buhaton sa gilayon. In fact gintulugan niya anay ini nga problema, kag nakatulog pa siya kag nagdamgohanon because he has grace under pressure.

Mga utod amo ini kon kaisa ang kulang sa aton.  Kon yara kita sa crisis situation, kon naipitipit na kita, kon may daku nga problema, ang usual ta nga reaksiyon amo ang pagkarankaran, amo ang paghimo sang madamo kag kon kaisa weird kag far-out nga mga konklusyon.  May isa anay ka asawa nga nagpalapit sa akon nga nagasuspetsa kon ano ang ginakadtoan sang iya bana kay pirme late sa pagpauli - nagpanic siya, naghimo siya sang konklusyon, nagdecide na siya nga bayaan, nakapamutos na siya gani.  Sang ginconfront namon ang bana nagaobertime siya gali agud nga mabaklan niya ang iya anak sang dugay na niya nga ginapangayo nga bisikleta, kag ang iya asawa sing aritos para sa Christmas bilang surprise gift. 

Si Ahaz sa aton nahauna nga balasahon nagkarankaran man sa paghimo sang alliance sa Assyria kay ang mga hari sa palibot niya nagconnive nga lusubon nila ang ginharian ni Ahaz.  Apang si Isaias nagsiling sa iya, “calma ka lang ang Ginuo indi magpabaya sa imo, yari hatagan niya ikaw sing sinyal, ang birhen maga-anak kag paganaglanan mo siya nga Emmanuel, kon sayuron ang Dios kaupod naton, amo ini ang pasalig sang Ginuo, indi ka magkahadlok.”  Apang si Ahaz waay sing salig ano pa padayon siya nga naghimo sang alliance sa Assyria.  Waay siya sang grace under pressure, ano pa indi sia makasalig, indi siya makahimo sang igsakto nga desisyon.

Subong kita tanan nagasako, bal-an ko iban sa inyo maga-last minute shopping pa para sa noche buena ukon sa mga regalo.  Kon tugutan naton ining pagkinarankaran, mabugtaw lang kita buwas indi naton mabatyagan ang Christmas Spirit nga naglabay sa aton, kay kadamo kita sa mga gina-asikaso pa.  Diin dira ang paghidait nga dala sang Christmas kay didto ka imo nagapanigal-ot sa Gaisano, diin dira ang silent night kon hala pakadto pakari ikaw sa kasako-on.  Diin dira ang joy to the world kon hagi kita ugtas tungod sang kasakoon naton.  Grace under pressure - calma lang - spend sometime in silence and appreciate tonight the stillness of Christ’s birth.  Abi, for once in your life, singgana man ang imo kaugalingon, Bay-i da then enjoy yourself, indulge yourself, laught with your family, play with your children - afterall christmas is not about the ham in the oven, the cheese in the refrigirator, the apple which I forgot to buy.  Christmas is not even the noche buena.  No christmas is about persons, my family, my loved ones, the people I love and care for - its about God, its about peace, it is about stillness, rest and silence.

Paagi lamang sini mga utod, paagi sa aton calmness nga maapreciar naton ang tinutuyo sang Christmas karon sa gab-i, nga paagi sa aton silence, paagi sa aton calmness, paagi sa pamatasan nga ginatawag naton grace under pressure - it is only through all these that we will see and recognize the God who is with us, the God who was born for us, just like Joseph who throught his calmness heard the message of the angel that that God who will be made man will be called Jesus.