2nd sun lent A

Tatlo ka leksiyon.  Una nga leksiyon.

Ginasiling nga ang perlas nagsugod nga isa man lang ka balas nga nagsulod sa baba sang oyster.  Ginasiling pa gid nga ang perlas isa ka balas nga nagsulod sa baba sang oyster kag nahimo ini nga perlas tungod kay nairitar ining oyster nga indi niya ini mapaguwa sa sulod sang iya balay.

Amo ini ang nagakatabo.  Kung kaisa sa pagabri sang oyster sang iya baba masudlan ini sang balas.  Masyado ini ka irritable sa sulog sang oyster kag masakit ini kaayo.  Pero waay siya may mahimo kag indi ya man ini mapaguwa sa iya baba gani ang ginabuhat niya amo ang magputos sini sang iya laway – amat amat nga putos agud nga indi ini mag-iritar sa iya lawas.  Kag sa madamo nga mga tinuig nga ginaputos niya ini ang iya laway amat amay man ini nagakahimo nga perlas.  Ang isa ka irritable kag masakit nga butang amo ang kawsa sang matahum nga perlas.

Amo man ini ang mensahe sang aton mga balasahon ilabi na gid ang ebanghelyo.  Si Kristo magasulod na sa iya pag-antus kag kamatayon kag ini nagtublag kag naghatag kagamo sa panghunahuna sang mga apostoles.  Tungod sini ginpakita niya ang iya himaya sa tatlo ka mga apostol kag ginpakita sa ila ang iya madangatan nga himaya pagkatapos sang iya pag-antus kag kamatayon.  Ang kasakit kag ang kamatayon, nangin himaya.  Katulad sang isa ka balas nga nangin sakit nga irritant sa oyster nga nahimo nga perlas, ang kasakit kag kamatayon ni Kristo mangin tunaan sang iya himaya kag sang aton kalipay sa kaluwasan.

Amo man ini sa kabuhi – waay sing himaya kung waay sing pag-antus, waay sing Domingo sang pagkabanhaw kung waay kita nakaagi sa kasakit sang biernes santo kag sang kamingaw sang sabado matapos ang biernes santo. 

 Ikaduha nga leksiyon, life is difficult we have to accept it, it is a given, life is difficult for you, for me, for anybody - pero nagadepende ina sa imo pagdala.  Ginpakita ina sa aton sang aton Ginoo, siya nga Dios nag-antos man, but even in suffering he remained faithful.  Ginpakita man ina sa aton ni Abraham, and he remained obedient all throughout. 

Antes nainbento ang tsinelas ang mga tawo nagatiniil lamang.  Isa ka bes sang nagalakatlakat ang hari naka-igo ang iya kamalagko sa bato.  Sa sobra niya nga kainit naghimo siya sang decree - siling niya ang bilog nga ginharian, ang tanan nga mga alagyan butangan sang carpet, sang panit sang baka agud nga indi na liwat masakitan ang ila mga tiil.  Pagkabati sini sang isa ka bata kinadlawan niya ang hari - “kagago sa imo nga hari - ngaa magasto ka sa paghapin sang bilog nga ginharian sang panit sang baka.  Ngaa abi indi ka na lang maggunting sang gamay nga panit kag itakod ina sa imo tiil.”  Kag didto naimbento ang tsinelas. 

Lesson - mga utod indi naton matabunan ang bilog nga kalibutan sang malum-ok nga talapakan - pero puede kita ka suksuk sang sapatos.  Indi naton madula ang problema sang kalibutan, indi naton mapaiway ang mga problema nga aton masugata - pero depende ini sa aton paglantaw sang aton problema, depende ini sa aton pagdala sang problema – mapaisog naton ang aton kaugalingon sa pag-atubang sini. 

In times of difficulties, when life is down and out for us, it matters a lot to have a strong faith in the Lord.