parish congress Jaro 1995

Subong ginasugdan naton ang aton pagsaulog sang aton nahauna nga Kongreso Pastoral.  Ini isa ka pagtililipon sang katawhan sang Dios sang aton parokya kag ini may tinutuyo nga mabalay kag mapatuman ang collective responsibility sang tanan para sa ikaayo sang aton Parokya.  Tanan kita, pari man ukon laiko, may pinasahi nga mga kinaadman kag igkasangkol nga ginhatag sang Dios sa aton agud ini ma-usar naton sa pagbalay sang aton parokya suno sa binubuot sang Dios.  Kag tanan kita, pari man ukon laiko, may responsabilidad ukon may salabton nga mapatigayon ang ikaayo sang bug-os nga parokya paagi sa pagpaambit sining duna nga kaalam kag talento nga ginhatag sang Dios sa aton.  Ang ikaayo sang parokya, ang panibag-o sang parokya nga ginahangkat sang PCP II ginatugyan sang Dios indi lamang sa pari kundi sa pari upod sa inyo nga mga laiko.  Aton ini tanan responsibilidad, kita dapat magbuligay agud mapatigayon ini.  Aton ini collective responsibility.

Sa pagsugod sining tatlo ka gab-i sang aton parish congress, ginbasa naton ang ebanghelyo nga nagasaysay sa aton sang ginpamulong ni Kristo sa mga Fariseo nga indi makabaton sang iya mga ginatudlo.  Nabudlayan sila sa pagbaton sang ginatudlo ni Kristo sa ila tungod kay may naandan na sila nga pamaagi, may naandan na sila nga paminsaron, may naadan na sila nga sahi sang pagginawi - may status quo sila nga ginaamligan.  Yari karon si Kristo nga sa tuyo na mahatagan katumanan ang santos nga kasulatan nagadala sang panibag-o sa ila tunga.  Naghatag ini sang pagkatublag sa mga Fariseo kay daw sa ano bala nga tublagon ang daan kag naandan mo nga sistema.  Tanan kita nakahangop sang reaksiyon sang mga Fariseo kay sa masami amo man ini ang aton reaksiyon nahanugod sa mga bag-o nga mga butang, bag-o nga mga pamaagi kag bag-o nga mga paminsaron.  Gani si Jesus nagapamulong man sa aton subong sang iya ginpamulong sa mga fariseo sang nagliligad: “Waay sing bisan sin-o nga nagatukap sing bag-o nga panapton sa daan nga bayu, kay ang tukap magabingkas sang  bayu.  Wala sing bisan sin-o  nga nagasulod sang bag-o nga bino sa daan nga sulodlan nga panit kay mabusdik ini.”

Mga utod sa aton pagtililipon to exercise our collective responsibility as a parish by charting our way together  towards renewal balikbalikan naton ini nga mga dinalan.  Kay sa aton pagpatigayon sing nagakaigo nga pagbag-o sa aton parokya may mga bes siguro nga waay na gid man nagakabay nga patsipatsihan lamang naton ang mga lubot lubot sa matahom nga dagway sang aton parokya.  Siguro sa aton paghusisa kon paano pa gid magsanto ang aton pamaagi bilang parokya sa binubuot sang Dios kag sa panawagan sang panahon, may mga bes nga waay na gid man nagakabagay nga i-recycle lamang naton ang mga nagliligad, linolino-an ini ka usaron liwat.  Kon kaisa kinahanglan na gid man nga baylohan ang sulodlan, baylohan ang bayu, baylohan ang sistema, ang pagginawi, ang paminsaron, ang pamaagi.  And Jesus is telling us to be more daring, more daring than the pharisees nga tungod sang ila paghangad sa mga nagliligad nga paghangop kag pamaagi nagu-ot sila sa ila ginahamtangan kag ginsimba nila ang ila kinaraan nga mga nagliligad imbes nga simbahon nila ang Dios.  There comes a time in our parish, my dear brothers and sisters, when patches are useless, when recycling old containers will not work.  There comes a time when our parish, you and me, have to accept the adventure of the new, because when we refuse to grow we start dying.  And that time starts now, is now,  otherwise we will miss the opportunity which grace is presenting to us.

Ecclesia semper refomanda est, the church or more specifically our parish is always in need of reform. Let us then start from the premise:  “there is something wrong with our parish,” or if you want let us start with something more positive by saying - “we could do better than this, we deserve better than this.”  Belonging to the Mother Parish of the Archdiocese of Jaro that dream, that statment should make us proud for we deserve only the best.  And with the help of God, with the cooperation of one another, and with an attitude of openess to the newness which the Spirit brings into our lives, we could make that dream happen.

Gani karon magatindog kita kag pagakantahon naton ang Himno sang pagbag-o ang aton gabay sa panibag-o nga aton ginahandum kag ipatuman sa sini nga mga inadlaw.