kay tay nato kag nay trining

Gamay lang nga mathematics sa aton pagsugod sining pamalandong.  Ano ayhan ang kahulugan sining mga numero para sa aton subong kag para kay Nanay Trining kag kag Tay Nato.

(18,250 days) Diesisocho mil, dos cientos singkwenta

(438,000 hrs.) kwatro cientos trientay ocho mil

(26,280,000 min.) viente sahis miliones, dos sientos ochienta mil.

Para sa aton mga numero lamang ini nga ayhan wala sing madalom nga kahulugan.  Apang para kay Nanay Trining kag kay Tay Nato tam-an ini ka makahulugan nga mga numero.  Sila nag-upod, nag-abyanay, nag-unongay sa sulod sang diesi-ocho mil dosientos singkweta ka adlaw.  Sila nagbaton sang isa kag isa, nagbatas, nagtuon nga maghigugma, for better or for worse, for richer of for poorer sa sulod sang cuatro cientos trentay ocho mil ka oras.  Kag sila nagbaton sang isa kag isa bisan pa kon kaisa may mga pagdisgustohanay, bisan pa kon kaisa may mga indi paghangpanay, apang padayon sila nagpuyo kag naghigugmaaanay bisan amo pa ini nga mga kabudlay ang ila nasugata sa sulod sa viente sahis miliones, dos cientos ochienta mil ka minutos.  For fifty years, three hundered sixty days a year, seven days a week and twenty four hours a day, all these numbers could be translated into one word -- faithfulness.

Ano ini ang ginatawag nga faithfulness.

Sang una ambot lang kon nadumduman pa ini ni Tay Nato kag ni Nay Trining, sang  tion nga nagasulatay pa sila seguro nga duha sang valentines card. Siguro nakasiling sila sa isa kag isa ukon bisan lang sa mga silent moments nga sila nagaatubangay kag nagatulukay sang ila mga mata, sang mga ginatawag naton nga mga sweet nothings pareho abi sang I love you because you love me.  I love you because I need you.  I love you because I feel good loving you.  I feel good loving you because you are cute, because you are sexy, because you are good.

After ten years, after, 25 years, after 40 years and now after 50 years siguro ang ila pagkacute kag pagkasexy nadula na tungod sang mga kulurinot sang katigulangon nga indi na matago sang mga sinampaw sampaw nga make-up.  Ukon ang mga body beautiful nadula na tungod sang mga stored fat.  Ukon ang maginuo nga pamatasan nadula na sang pagkauribadon, apang padayon sila nga nagasiling bisan sa hipos lamang sang pagtulukay sang ila mga mata  “Even if I don’t feel good loving you because you are no longer cute and sexy, I still love you.  Even if you don’t like me I still love you.  Even if I don’t need you, I still love you.  Even if you are no longer in power, even if you are no longer rich, even if I feel I have no use for you, I still love you.

Mga utod amo ini ang ginatawag nga faihfulness; and Tay Nato kay Nay Trining because you have been able to say that to each other you have become a sign of God’s faithfulness to all of us here.  Sa inyo paghigugmaanay ginapakita ninyo sa amon sa konkreto kun ano nga sahi ang paghigugma sang Dios.  Ginhigugma kita sang Dios katulad sang paghigugmaanay ni Tay Nato kag ni Nay Trining.  Bisan sin-o kita, bisan ano kita.  Bisan indi kita matahum bisan indi kita lovable.  Bisan waay kita sang mga medalia mga titulo mga manggad, mga poder -- bisan waay kita sang mga maskara, ginabaton kita kag ginahigugma kita sang Dios.  Amo ini ang paghigugma sang Dios sa aton -- Faithful love kag amo ini ang paghigugmaanay ni Tay Nato kag ni Nay Trining sa sulod sang singkwenta anyos.

Subong Nay trining kag Tay Nato, indi ako magsiling sa inyo congratulations sa baylo nagasiling ako sa inyo salamat.   Nagapasalamat kami sa inyo tungod kay ang inyo kabuhi, ang inyo pag-updanay, ang inyo pag-unongay for better or for worse, for richer or for poorer isa ka matahum nga sermon para sa amon subong nahanungod sang paghigugma sang Dios, paghigugma nga mainunungon bisa sa ano nga kahimtangan.  Indi ko na ini pagpalawigon pa kay sa pagtulok namon mismo sang inyo kabuhi tuman na ini nga sermon, tuman na ini nga pamalandong nga waay naginakinahanglan sang matahum nga tinaga.  Salamat sa inyo nga duha kay subong nahangpan namon kon ngaa ginasugo kita sang Dios sa paghigugmaanay suno sa iya sahi sang paghigugma sa aton -- to love as he has loved us, to love with the same measure as he has loved us, to love with faithfulness.  Sa inyo pag-updanay nakita ko sa akon mga mata ang paghigugma sang Dios sa akon kag ang posibilidad nga makahigugma man ako sa simbahan nga akon ginaalagaran sing may kasubong nga paghigugma.  To love as you have loved each other.  Tay Nato kag Nay Trining you are our inspiration.