30th sun B 1

Ano bala ang luyag mo nga himuon ko?  Kon madumduman ninyo amo man ini ang pamangkot ni Jesus kay Santiago kag kay Juan sang nagligad lang nga semana.  Ano gid bala ang luyag ninyo nga himuon ko?  Karon nga Domingo amo man sa gihapon ang pamangkot ni Jesus sa isa ka bulag.  What do you want me to do to you?

Sang nagligad nga Domingo ang sabat ni Santiago kag ni Juan sa sini nga pamangkot wala ginhatag.  Sa baylo ginsinganan sila ni Jesus, wala kamo makahibalo sang inyo ginapangayo.  Karon nga Domingo ang sabat sang bulag sa ginpamangkot ni Jesus ginsabat, kag sia nakakita.

Una nga punto, kon kita ayhan ang pamangkuton ni Jesus, ano gid bala ang luyag ninyo nga himuon ko – ano ayhan ang aton mangin sabat?  Abi manumdom kita.  Pananglitan abi nagpakita si Jesus kag nagpamangkot sia sa imo, ano gid bala ang luyag mo nga himuon ko sa imo – ano ang isabat mo?  Siguro pagwaan nimo sia sing sa pagkalaba nga listahan.  Siguro ang iban sa aton nagasala kon ano ang aton pangayu-on. 

Ano abi kon ang Dios mag-insistir nga isa lang gid ang mapangayo naton – ang pinaka-importante, ang labi mo nga ginahuptan kag ginapakamahal.  Sa imo malaba nga listahan kag sa imo linibo siguro ka mga handum , ano dira ang isa nga pinakaluyag mo nga himuon ni Jesus para sa imo?  Mabudlay kay sa tuod-tuod lang kadamo kita sing kinahanglan.  Apang napanumduman gid man bala kon ngaa sa sining madamo na nga aton ginpangayo may mga ginapangayo gid man kita nga ginahatag apang may ara man nga wala bisan ano pa ini ka importante sa aton.  Ano ang yara sa aton ginapangayo nga ginasabat kag ano ang yara sa aton ginapangayo nga wala ginasabat.  Siling nila base sa eksperyensiya ang pinakamabudlay ipahayag sa mga ginpanghambal ni Jesus amo ang mga tinaga, pangayo ka kag ikaw pagahatagan.  From experience daw wala gid man ini pirme nagakatabo, indi bala.  This does not happen all the time.  Si Juan kag si Santiago nangayo.  Si Bartimaeus nga bulag nangayo.  Duha sila ginpamangkot kon ano ang luyag nila nga himuon ni Jesus.  Duha man sila nagsabat kay Jesus.  Apang isa lang sa ila ang ginhatagan sang iya ginapangayo - si Bartimeus lang.

Kon pamangkuton ninyo ako ngaa kasubong sini, sabton ko kamo with something definite – ambot.  Ang masiling ko God listens to our prayers all the time, but that does not always mean God will answer our prayers.

Nadumdoman ko anay sang nagamasakit ako nga halos indi na gid ako kalakat.  Siguro iban sa inyo nakadumdom pa sadto nga tion sang yari ako diri.  Nangadi man ako sang Ginoo nga ayuhon niya ako.  Ginpasahan ko man sia sing madamo nga rason kag kon ano ang bentaha para sa akon kag para sa iya kon maayo ako sa akon balati-an.  Na-ayo bala ako?  Siempre wala.  Isa ka gab-i in utter desperation because of the excruciating pain ginbayaw ko ang ako kamot samtang nagahigda ako and I remember myself saying, natak-an na ako pangayo, natak-an na ako rason sa imo kon ngaa ayuhon mo ako, natak-an na ako sang hulat sang imo sabat sa akon pangamuyo.  Pues Ikaw na ang bahala kon ano ang luyag mo. Hatagi lang ako sing kusog kon ano gid man.

Siguro mamangkot kamo ti ano ang natabo.  Siempre amo man sa gihapon.  Sakit man gihapon.  But I found out that when I surrendered everything things became a lot more bearable.  So this is what I learned from the prayers of John and James and the prayer of Bartimeus.  Just the same I will ask, I will pray to God for all my needs.  Just the same I will argue my point, I will insists in my prayers.  Nakahibalo ako nga pamatian niya ako.  Pero wala ako kahibalo kon sabton gid man bala niya ako.  All I have to do is ask, all I have to do is shout and shout, ask and ask, and then I will have to back-off, kay tugutan ko na ang Dios nga mangin Dios. 

May isa anay ka babayi nga ginpamangkot man sing kasubong nga pamangkot , ano gid bala ang himuon ko para sa imo agod mangin malipayon ikaw, kag dugang diri, nagsiling pa ang Dios, tungod kay maayo modo ko subong,pangayo ka sing tatlo nga luyag mo nga makapalipay sa imo.  Ang babayi wala na nagpanumdom.  Ginmitlang niya ang dugay na niya nga luyag kag handum.  Siling niya, luyag ko mapatay ang akon ulugtasan nga bana.  Kag matuod ang pobre nga bana napatay.  Apang samtang ginahamyang na ang iya bana nabati-an niya ang paghinibi sang iya mga kabataan kag sang mga abyan sang iya bana nga kon ano sia kaayo, kag kon ano sia ka mabinalak-on sa ila.  Ang babayi natubag kag naghinulsol  sa iya ginpangayo, gani nagsiling sia sa Ginoo, Lord ipangayo ko na ang ikaduha nga luyag ko matabo – luyag ko mabuhi liwat ang akon bana.  Kag nian sa hinali nabuhi ang iya bana.  Ang Ginoo nagremind sa babayi nga may isa na lang sia ka request nga nabilin.  Ang babayi napanumdom sing malawig kag madalom.  Ano gid bala ang akon pangayuon?  Kwarta bala, house and lot, maayo nga mga kabataan, mabuot nga bana?  Isa na lang.  Ang pagpanumdom naglawig sa isa ka bulan, kag ang bulan nahimo nga duha, kag tatlo, kag ang binulan nahimo nga tinuig apang indi sia makapiho kon ano gid ang iya pangayuon nga makapalipay sa iya?  Sang ulihi tinak-an ang Dios sang hulat kag gani ginsingganan niya ang babayi.  Abi tudluan ko na lang ikaw kon ano ang imo pangayuon.  Pangayo ka sang dulot nga mangin kontento ka kon ano man ang lakat sang imo kabuhi kag kapalaran – ask for the gift of contentment – to learn to be happy with what is.  Last week I told you to be ambitious, to strive for greater things.  Karon nga adlaw importante man nga pagkatapos kita nagtinguha sa bug-os naton nga ikasarang, kahibalo man kita nga may limit ang aton ikasarang kag gani magtuon man nga magkabuhi kon ano lang ang yara, to make do, and make the best with what we have. 

May nagsiling anay prayer does not change God, rather prayer changes us.  God did not heal me as I expected healing to be.  But I believe he made me stronger.  I am still here.  I have survived.  Kon kaisa makalangas-langas ako istorya nga kon magligid ako sa hiligdaan kag wala na ako may mabatyagan nga sakit ginakulbaan ako, kag ginakusi ko ang butkon kaybasi patay na ko.  The more we permit God to be the God of our prayers, the happier we become, the more confident we become, the more secure we become.  Ang pangamuyo ni Bartimaeus ginpamati-an suno sa iya ginapangayo nga luyag sia makakita kag tungod sina nagsunod sia sa kay Jesus.  Ang pangamuyo ni Juan kag ni Santiago wala ginpamati-an suno sa ila ginapaabot.  Apang bisan amo sini, nagsunod sila kay Jesus kag nag-inom sa kopa nga iya gin-imnan.  Answered prayers or unanswered prayers do not make or unmake a disciple, but accepting God’s will does. Ours is still a faith that holds on to a promise – the promise in our first reading – God will lead us home, and though we depart in tears, God will console us and will guide us because he is father, our Father.