27th sun B 1

May isa anay ka famoso nga tawo nga lolo sang popular nga composer.  Ang ngalan niya amo si Moses Mendelsohn.  Si Moses Mendelsohn isa ka soltero.  Siya isa man ka buktot. Isa ka bes nagbisita siya nagbisita sa iya abyan didto sa isa ka ciudad kag nakita niya didto ang pinakaguapa nga babayi nga iya gid naluyagan.  Kapila siya magtinguha nga makaistorya kuntani sa sini nga babayi sa tuyo nga magpangaluyag, apang ang babayi indi gani magtulok sa iya tungod kay si Moses isa ka buktot.  Gani sa adlaw nga magapauli na si Moses Mendelsohn sa iya lugar, nagtinguha sia nga ma-istorya gid ang dalagita for the last time.  Ginkadtuan niya ang dalagita kag nagsugilanon sa iya.  Apang ang babayi nagpabilin lang nga nagaduku.  Sang ulihi namangkot si Mendelsohn sa babayi, “inday nagapati ka bala nga ang kasal nahimo sa langit, Do you believe that marriages are made in heaven.”  Huo, siling sang babayi nga nagaduku.  

Kag nagpadayon si Mendelsohn, nga nagasiling, bal-an mo ‘day antes ako ginpadala diri sa duta sang natawo ako, ginpakita na sang Dios sa akon ang akon pang-asawhon – kaguapa sa iya, apang ang Dios nagsiling – Mendelsohn ang babayi nga pang-asaw-on mo buktot.  Kag sa hinali si Mendelsohn nagprotesta sa Dios, Ginoo indi bagay nga ang isa ka babayi buktot, ano ayhan ang matabo sa buktot nga babayi, waay na gid sina may magasapak sa iya.  

Kag si Mendelsohn nagsiling sa Dios – Ginuo ihatag na lang sa akon ang buktot, basta himoa siya nga isa ka matahom nga babayi.  Kag amo ina ang rason, siling ni Mendelsohn kon ngaa buktot ako.

Ang dalagita nagtungkaaw nga nagayuhum, nagtulok sia kay Mendelsohn and to make the long story short didto nagsugod ang ila matahum nga pagupdanay bilang mag-asawa.

Marriages are made in heaven. Amo ini ang mensahe sang aton nahauna nga balasahon.  The original marriage was a marriage made in heaven, made in paradise antes ini nasudlan sang sala.  Duha ka punto gikan sa aton nahauna nga balasahon.

Una, indi maayo nga naga-isahanon ang lalaki.  Indi lang kamo mamangkot anay kung ngaa naga-isahanon iya ang pari - lain naman ina nga istorya.  It is not good for man to be alone.  I will make him a suitable partner.  Suitable partner.  Gani ang una nga ginbuhat sang Dios para may ka-upod ang lalaki amo ang mga kasapatan.  Pero ano ang natabo – ginhingalanan sang lalaki ang mga kasapatan.  Simbolo ini – simbolo nga indi bagay nga partner ang kasapatan – why because they could not relate on equal grounds.  Indi sila suitable partner because man is master over and above the animals.  Ang sapat under sang lalaki.  Hoy amo ina kung ngaa  nga kung mas at home ka pa kag mas palangga kag mas gina-atipan mo pa ang imo ido ukon carabao ukon worst ang imo pagkabutang, sang sa imo asawa ukon pamilya then something is wrong with your being human – you are not man. 

Sa creation ang babayi lamang ang nangin suitable partner – because woman can relate on equal grounds on equal footing.  Equal – waay taas, waay nubo – ang lalaki kag babayi indi kompetensia kundi partner – one could not do without. 

Sang waay pa nagsulod ang sala sa kalibutan ang ideal nga marriage was founded on partnership.    Waay pataas-taas tingog, waay siling nga-a ang sagod sa bata, ang panghugas pinggan, ang panglimpio balay, ang panglaba – iya na ya sa babayi.  Antes sang sala indi amo sini – it was a partnership, isa ka pagbuligay.  Apang sang nagsulod na ang sala, nagsulod man ang under the saya kag under the pantalon.

May kinasal ako anay.  Samtang ginakasal ko sila natingala ako nga waay sila gapamati, nagakadlaw sila kag nagahulag ang ila tiil.  Nang-osioso ako kag didto ko natalupangdan nga nagatapakay sila tiil.  Ngaa, tungod kay siling nila kung sin-o ang una matapakan mangin under.  Sa una pa lang nga adlaw nag-pa-indis-indis na sila – diin dira ang partnership nga ginatawag?  My dear, kon amo ina ang tuyo mo, pang-asaw-on ukon pamanahon mo na lang ang maid mo ukon ang boy mo.  Hapos pa.

Ikaduha, tungod sini ang lalaki nagabiya sang iya amay kag iloy kag magupod sa iya asawa kag sila mangin isa.  Ang relasyon naton sa aton mga ginikanan amo ang pinakamataas nga relasyon.  Apang sa kasal ginahimo mo na lang ina nga secondary, kay sugod subong may mas mataas pa gid sang sa imo relasyon sa imo amay kag iloy, kag amo ini ang relasyon sa imo asawa ukon bana – ang imo relasyon sa kasal.  All other relationships including your relationship to parents becomes secondary. 

Gani sa conflict of priorities unahon gid ang una na nga relasyon – ang relasyon sang pag-asawahay.  Ay abaw ang iban sa aton indi kabalo sini nga realidad.  Sa malip-ot ko pa lang nga mga tinuig sa pagkapari laban sa mga problema nga nasugata ko sa marriage, bal-an nyo kung ano - ang mga hilabtera kag mga paki-alamera nga mga mother in law kag father in law.  Waay ako nagasiling nga indi na kamo magbulig – buligi ninyo – pero hasta lang sa advice indi sa desisyon.  Waay ko lang ini ginhimo-himo– ginhambal gid ina mismo sang Ginoo sa aton ebanghelyo. 

May ara man iya nga nang-asawa na ang priority niya sa gihapon amo ang iya relasyon sa barkada – bata-bata indi pa ka prioritize.  The prior relationship is relationship of husband and wife, period. 

Amo ini ang orihinal nga kasal antes nasudlan ini sang sala.  kag ginsaysay ko sa inyo ang duha ka sala sa marital relationship.  Inequality – ang pagkabuhi nga indi na partnership.  Kag ang claro ang pagrecognize sang prior and more important relationship – the relationship of husband and wife.