May isa anay ka
mangunguma nga ang iya patubas nagpalpak. Nagreklamo siya sa Dios sa pagsiling: “Ginoo mas maayo guro nga ako ang macontrolar sang panahon, sang
weather kay nahibaloan ko ang kinahanglanon sang akon patubas.”
Sa daku nga kakibot sang mangunguma ang
Ginoo nagsiling, “OK, ikaw padalagan sang panahon suno sa luyag nimo.”
Ang mangunguma nalipay. Nagtulok siya sa panganod kag nagsiling: “Luyag ko nga magsilak ang adlaw.” Kag ang adlaw nagsilak. Pagkatapos sang pila ka adlaw nagsiling siya “Luyag ko nga
mag-ulan” kag nag-ulan. Ginbal-otbal-ot niya ang ulan kag init kag ang iya mga tanom nagtubo
sing maayo.
Apang sang tion na sang pag-ani
natalupangdan sang mangunguma nga ang iya humay waay sing uyas, puro tanan upa. Naghiribion siya kay waay siya sing patubas. Ang Ginoo nagpamangkot,
“kamusta ang imo patubas.?” “Ginoo,” siling sang mangunguma, “ngaa kasubong sini ang natabo,
waay sing uyas ang akon humay - upa tanan?” Kag ang Ginuo nagsabat: “natabo ini tungod kay ang imo lamang ginpangayo amo ang maayo nga
panahon. Waay ka nangayo sang mabaskog nga hangin: amo ini ang nagapalimpio sang hangin kag nagapabakod sang
gamot. Nangayo ka lang sang ulan kag init, waay ka gid nangayo sang malain
nga tiempo. Amo ina ang rason kon ngaa waay ka sing patubas.”
Mga utod, subong ang Ginoo nagasiling, “ang
wala nagapas-an sang iya krus kag nagasunod sa akon, indi takus sa akon. Ang
nagapaniguro sang iya kabuhi madulaan sini: kag ang nagadula sang iya kabuhuhi tungod sa akon makita niya ini. “
Subong ang Ginoo nagapamangkot sa
aton: luyag mo bala may kabuhi, luyag mo bala magmalipayon - pues magtuon
ka sa pagsakripisyo, magtuon ka sa pagbatas sang kabudlayan. Luyag mo bala magmanginmadinalag-on sa imo pangabuhi, pues magtuon
ka sa pagsakripisyo sang imo luyag kag buhata ang mga buluhaton nga nagakabagay
bisan indi mo pa ini luyag. Luyag mo bala makapatawhay man sa imo kabuhi, makaretire sa maayo
nga kahimtangan - untati ang pagtaya sa lotto, sa pagdamgo sang indi matabo, sa
baylo magmangin maukod kita sa pagtrabaho. Sakripisyo, indi naton naluyagan ini nga tinaga - pero amo ini ang
centro, ang kaundan sang ebanghelyo ni Kristo. Do you want to be happy, learn to sacrifice. There will be no glory without the cross.
Isa ka adlaw si James isa ka bata nga seven
years old nakabugtaw sang tungang gab-i. Nabati-an niya nga is nanay niya nagahilibion. Si tatay niya masinulob-on man nga nagauloulo kay nanay niya. And this boy said something like this fromt hat experience: Matuod dugay na yadto nga problema kag nalimtan ko na gani kung ano
na yadto ang problema ni tatay kag ni nanay nga naghilibion gid sia. Apang may nadiskubrihan ako nga indi ko gid malimtan sugod
sadto. I discovered that Life is not all hearts and flowers. it’s hard and cruel much of the time. Indi gali mahapos ang kabuhi.
Indi mahapos ang kabuhi – amo man ini ang
ginahambal sang aton Ginoo sa aton – isa ini ka krus nga kung indi naton
apgkargahon sa pagsunod sa iya indi amn anton maagom ang kabuhi nga wala sing
katapusan – indi naton maabot ang kalipay. Siling ni Confucius – the gem cannot be polished without friction,
nor the person perfected without trials.
Matuod indi naton malaikawan ang kabudlay
kag ang pag-antus but we can make it into something better not bitter – mahimo
naton ini nga maayo kag mapuslanon imbes nga magpamurogso kita sa kilid.
Isa sa mga pinakabantog nga Prime Minister
sang Israel isa ka babayi – sia si Golda Mier. Sang pamatan-on pa siya pirme lang siya nagakasubo tungod sa ano – tungod kay siya ang pinakalaw-ay bisan diin. – Kon
ara siya sa ila balay siya ang pinakalaw-ay, kon mag-upod siya sa iya mga
classmates siya man sa gihapon ang pinakalaw-ay. Pero amo ini sa ulihi ang iya natalupangdan. She said, It was only much later nga narealizar ko nga ang
pagkalaw-ay ko isa ka blessing in disguise. Tungod kay law-ay ako ginpuwersa ko gid ang akon kaugalingon nga
ma-develop ko ang iban ko nga mga skills, ang iban ko nga kapacidad. Indi ako kasalig sa akon katahum in order to achieve tungod kay indi
ako matahum. Gani nagtinguha ako kag nagbakabaka obra. In short nangin prime minister sia sia sang Israel. Life is hard – but you can choose two reactions – bitter or
better. So what would you choose today?
No comments:
Post a Comment