24th sun B 2

Ambot kon natingala man kamo kon ngaa hagi siling ang Ginoo, indi kamo magpanugid.  Sa aton ebanghelyo subong amo ini ang ginsiling niya kay Pedro kag sa mga gintuton-an.  Sang isa ka semana amo man ini ang ginhambal niya sa bungol.  Indi ka manugid.  Ambot kon kabalo man na si Jesus nga kon luyag mo nga mabal-an sang tanan ang isa ka sekreto, isugid mo sa isa kag singganon mo sia, indi ka magpanugid, sigurado malapta gid ina.  Pero ngaa indi manugid?  Ngaa ipabilin nga isa ka sekreto?  Indi sia manugid kay basi indi sila makahangop – do not tell because they may not understand, do not tell because they might not understand.  Ang bungol indi manugid nga gin-ayo sia ni Jesus kay basi magdumdom sila nga si Jesus Mesiyas tungod kay sia nagapang-ayo, tungod kay sia makagagahom.  Indi sila manugid nga sia ang Kristo, ang Anak sang Dios kay basi indi sila makahangop kon ngaa dapat sia mag-antus kag mapatay sa krus.  Kag amo gid man ang natabo.  Sang naghambal si Jesus nga sia magaantus sa Jerusalem kag pagapatyon didto, wala ini nahangpan ni Pedro.  Indi sia kahangop.  Why does he have to die?  Kag amo ini ang punto sang sikreto - si Jesus luyag kilalahon nga sia Mesiyas indi tungod kay sia nagapang-ayo, indi tungod kay sia makapadamo sang tinapay kag isda, kag makabanhaw sang mga patay.  Sa baylo luyag ni Jesus nga kilalahon nga sia Mesiyas tungod sang iya kahanda sa pag-antus kag sa paghalad sang iya kabuhi para sa tagsa-tagsa sa aton.  Ginatawag naton ini nga sacrificial love.  Luyag sia kilalahon indi tungod sang iya gahom kundi tungod sang iya sacrificial love.

Ano ini ang sacrificial love?

Samtang nagakaon ang isa ka pamilya nagsulod ang isa ka utod nga lalaki nga akig apang nagahilibion.  Naglisensiya sia nga magsuicide.  Of course, wala man sila nagkarankaran kay bal-an man nila siguro nga kon tuod gid nga masuicide sia, ngaa malisensya pa sia.  Pero ginpamangkot nila kon ngaa.  Siling niya ginbayaan sia sang iya nobya kay ang iya nobya tam-an ka suplada.  Hagaron ko sia malagaw sa sini nga lugar, indi sia, kay gusto ya didto gid; ginbaklan ko sia chocolate indi sia kay luyag ya strawberry gid.  Akig sia kag nagahiribion, gani ginulu-uluhan sia ni nanay niya, anak indi ka magkabalaka, una damo pa na babayi ang magalabay sa kabuhi mo, kag anak indi ka magkalabalaka total grade 3 ka pa man lang.

Sang bata pa kita dumdom naton kita ang sentro sang tanan.  Wala na kita nagdumdom pa kon ano ang kinahanglanon sang iban basta masabat lang ang aton luyag.  Wala na kita namangkot kon puede ukon indi, basta mahatag dayon sa aton ang aton luyag kag kinahanglanon.  Ginatawag naton ini nga egocentricity.  Kinahanglanon ini sang bata in order to survive tungod kay tam-an pa sia ka dependent sa mga tawo nga nagapalibot sa iya.  Apang kinahanglan malampuwasan niya ini samtang nagahamtong sia otherwise kon daku na sia kag amo man sa gihapon ang iya pamatasan mahimo na ini nga self-centeredness.  Wala sia pakialam sa mga nagakalatabo sa iya palibot, wala sia labot kon ano ang matabo sa iban basta ang iya masalbar niya kag ang iya lang kalipay mapatigayon.  This is the way of selfishness, ang alagayan sang kadalok, kag amo ini ang pamatasan sang kalibutan.  Si Pedro namalabag kay Jesus nga maga-antus tungod kay wala sia nakahangop nga ang pamaagi kag alagyan sang Dios amo ang ang sacrificial love – ang pagtaya sang iya kabuhi, ang paghatag sang iya kabuhi para sa iban.

Sa pagkamatuod gindumalahan gid man kita sang self-centeredness.  Lantawa bala kag obserbahi ang una mo nga reaction pananglitan pahimuon ka sang isa ka butang nga indi mo luyag, the usual first reaction is, ah indi ko ya, ay kabudlay sina, ay damu pa ko obra - apang pagkatapos nga makapanumdom kita, after a while, masiling na lang kita, ti sige a.  It will take some time, every time, to shed off our innate selfishness in order that we can become other-centered.  Precisely gintawag si Pedro nga Satanas ukon ang manunulay, tempter, because Peter was playing on the innate selfishness of the humanity of Jesus, he was tempting Jesus – kay sa tuod lang, tungod kay sia matuod gid nga tawo, indi man luyag ni Jesus nga magkasakit, magpas-an sang krus kag mapatay didto sa Jerusalem.  Apang tungod kay ginpasulabi niya ang pamaagi sang Dios labaw sang sa pamaagi sang tawo, he made himself capable of sacrificial love.  Kag amo ini ang panghangkat sa aton sang aton balasahon.

Nagmasakit ang upod ko, gani nanawag sia kon sarang ko bala anay makuha ang iya ulobrahon, sarang ko bala anay madul-ong ang iya inugdul-ong, sarang ko bala anay malihog kay may kuluhaon – guba na ang plano ko, guba na adlaw ko but if you do it, bisan gamay lang ini, it becomes sacrificial love.  Indi ko ini luyag pero tungod kay amo na ang luyag mo, himuon ko – that is sacrificial love.

Sang didto ako naassign sa seminaryo ang isa ka graduating nga seminarista namangkot after 8 years sa sulod sang seminaryo – mapari bala ako?  Ang sabat ko sa iya, indi.  Ti mangasawa na lang ako?  Ang sabat ko sa iya, indi.  Indi ako magpari, indi man ako magpangasawa, ngaa?  Wala ko pa nakita sa imo ang kaalwan nga makatulod sa imo nga makasakripisyo para sa imo mga ginahigugma.  Tam-an pa ka hayag ang love of self.  Tam-an pa ka boron ang capacity for sacrificial love.  Balik ka lang galing once you have learned it.  He went back after five years working as a steward sa isa ka barko.  Ang iya kamot may mga kibol na, makita mo sa iya panglakat nga nakatuon na sia nga mag-antus.  Nagpabalo sia nga handa na sia magpakasal.

One cannot move on into the next level of life, to the level of vocations kon wala pa nakuha kag na-uba ang tuman nga love of self kag masuksok sang sacrificial love.  One cannot become a real follower of Jesus when we have not learned to deny ourselves.  Unless we can discipline our ego – delikado to get into any lasting commitments.