23rd sun B 1

Ang apa nga bungol isa ka tawo nga indi makabati kag indi makahambal.  Apa sia tungod kay indi sia makabati.  Gani klaro nga indi kita makahambal sang isa ka tinaga nga wala gani naton mabatian.  Kon sayuron kon indi ka makabati indi ka man makahambal.  Amo ini ang kaangtanan sang dulunggan kag sang baba.  Amo ina ang rason kon ngaa ang apa nga bugnol nagasinyasanay lang sila ukon ginatulok nila sing tudok ang paghulag sang bibig agod mahibaluan nila kon ano ang imo ginahambal.

Sa tion sang aton Ginoo nagapati sila nga ini gintuga sang yawa, sang demonyo kag gani dapat sia nga tabugon.

Apang nagapati ako nga ang aton gid tutukan sa sini nga balasahon amo ang kaangtanan sang dulungan kag sang baba ukon dila.  Diri naton makita sa kahimtangan sang apa nga bungol ang importancia una sa tanan sang kapacidad sa pagpamati antes sang kapacidad sa paghambal.  Kay ang tawo indi makahambal kon ang iya kapacidad sa pagpamati may diperensya.

Ang mga tawo nga wala nagapamati mga tawo man nga wala sing inugtugda.  Kadamo sang aton mga problema nagahalin tungod kay wala kita una namati.  Halimbawa, nagasiling kita kon kaisa, waay ka pa gani ka pamati kon ano ang problema, may itugda ka na.  Ukon, waay ka pa gani ka pamati kon ano ang problema, may solusyon ka na.  Apang may madalom kita nga pagtaha sa opinyon sang mga tawo nga nagapamati gid sing maayo sa aton.

Halimbawa, ginatahod ko gid ang mga panugda-on sang mga monghe.  Ngaa?  Tungod kay mabinatyagon sila sa problema sang tawo, maid-id ang ila panulok, tam-an sa ila ka mabinatyagon mabal-an nila dayon kon maayoa ng imo akhimtangan ukon may ginakarga nga nga problema, akg sa masami nagapamati sila sing tudok sa imo mga kinahanglanon.  Tungod sini madamo sa aton ang may madalom nga pagtaha sa ila mga panug-an.

Ngaa?  Tungod kay may kaangtanan ang pagpamati sa paghambal.  Ang mga tawo nga indi makabati, ang mga tawo nga wala nagapamati amo man ang mga tawo nga indi makahambal ukon tawo nga wala gid sing maayo nga inughambal.

Gani may duha kita subong ka punto nga dapat naton tandaan. 

Una, magtuon sa paghipos.  Nakahibalo ako nga kalabanan sa aton subong wala na naanad sa paghipos kag sa pagpamalandong ukon sa pagpamati sa Dios.  Bisan kon kaisa ang mga seminarista nabudlayan na gani maghipos.  Apang tam-an ini ka importante sa aton, kay diri lamang kita makapakig-angot sa Dios.  Sa seminaryo we have what we call the silentium magnum – the so called great silence nga nagasugod halin alas diyes sa gab-i  tubtob nga matapos ang pamahaw sa aga.  It is a time to be quiet and still – quiet and still not because some people want to sleep but it is a silence for God, an invitation for God to reveal his truth.  Indi bala kon malawig na ang inyo pag-updanay kag madalum na gid ang inyo relasyon makaabot gid kamo na sa punto nga tanan tanan nga bagay naistoryahan nyo na kag waay na gid man kamo dapat sugilalonan.  Gani kis-a kita mo nagatulokay na lang, nagaholding hands na lang, nagaingoday na lang.  No words are spoken, nothing is uttered but they can stay there that way for so long.  Pero tistingi bala kita nga duha matulokay lang ta nga waay gid ko gani kakilala sa imo kay singganon ta gid ka, ohh buangit.  Amo man ini sa pagpangamuyo, amo man ini sa aton relasyon sa Dios, the longer the silence, the deeper is the relationship.

Ikaduha, magtuon kita sa pagpamati anay.  May isa anay ka reporter sa radyo nga nakasulapo sang nagatililipon nga mga tawo sa tunga sang dalan.  May nabunggu-an.  Gani nagdalagan ang tanan kag nagtipon.  Ang reporter tungod kay tsansa ya na nga may scoop nagdalagan man, ugaling naulihi sia kag indi na sia kapanigal-ot.  Gani gin-ideyahan niya agud makasal-ot sia sa nagadinugok nga mga tawo.  Nagsinggit sia, tatay ko na, tatay ko na pasal-ota ako tatay ko na.  Siyempre naghawan ang mga tawo kag pag-abot sang reporter sa tunga, ginsingganan sia, “O ara tatay mo.”  Ang nabunggo-an kabayo.

May mga tawo gid ya nga waay pa gani kapanilag-nilag masal-ot gid sa istorya.  Indi anay kabalo mamati.  Ano pa nagakabula-og kita.  Magpamati, magtuon sa pagpamati, because you will gain many things if you learn to listen.  Listen to people, listen to big people, listen to small people, magpamati sa gintugda sa inyo sang inyo tagipusoon, magtuon kita nga maghipos agod makapamati kamo sa Dios.  Mapamati agod mangin malapit ikaw sa kamatuoran. Gani may inughambal lamang kita kon una sa tanan nagapamati kita.  Ginasiling nga gintagaan kita sing duha ka dulungan kag isa lamang ka dila agod labanon naton ang aton pagpamati sang sa aton inughambal.

PS. A chinese proverb says:  More talk, more wrong, less talk, less wrong, no talk, no wrong.  Listen!