27th sun B 2

Isa ka gab-i, madulom yadto nga gab-I may isa ka bata nga nakabuka sang baso samtang nagapanghimos sila ni nanay niya sa sulod sang balay.  Ang nanay nagtulok lang sa iya anak, nagginhawa sing malawig kag ginsingganan ang iya bata,  “toto, kuhaa ang silhig sa guwa sang balay kag silhiga ina.”  Ang bata nagsabat “nay indi ko ya, kadulom didto sa guwa, nahadlok ako.”  Gani ginpasalig siya sang iya nanay ‘Toto kinahanglan may pagtuo ka – ano kaina ang siling sang pari kon may pagtuo ka kay Jesus, indi ka na gid mahadlok pa, ngaa, kay ara dira si Jesus sa sa guwa kag indi niya ikaw pagpabay-an bisan madulom pa ina. Nagapati ka bala nga ara dira si jesus?”  Ang bata nagsabat, “Huo nanay.”  “Ti man,” siling sang nanay,  “kuhaa to ang silhig.”  Gani ang bata nga kuno nagtubo na ang iya pagtuo naglingling sa pwertahan kag nagsinggit, “Jesus kon ara ka dira sa guwa, palihog dal-a ang silhig diri sa sulod.” 

Subong mamangkot kita, ano gid bala ang pagtuo?  What is faith.  Ano bala ang madala sang patuo, sang mabaskog nga pagtuo sa aton kabuhi.  Sang nagligad nga mga tinuig ginarthritis ako kag may nagkadto sa akon nga parokyano kag ginsingganan ako, Father, kagamay sang imo pagtuo – kon may pagtuo ka maayo ka sina.”   Ay natublag gid ako sadto, daw sa ano bala pari ka singganan ka sang imo parokyano nga gamay kaayo ang imo pagtuo?  Pero diyanay ka, matakus ta bala ang kabakod sang pagtuo naton paagi lamang sini?  Makasiling bala kita “tuo ka lang bala sa Ginoo madamo gid na ang kwarta mo, mangin maayo ang imo patubas, maka pa States ang kabataan mo, dollar earner, kag maayo ka sa imo balati-an.”  Ang pagtuo bala matakus suno sa sini nga mga talaksan nga tungod kay waay ka sing pagtuo indi maayo ang imo arthritis?  Nga kung waay ka sing pagtuo nagadimalas ang imo kabuhi, nga kung waay ka sing pagtuo pigado ka.

Kon kaisa mga utod ginaabusaran naton ini nga ebanghelyo nga kon may pagtuo kita maobra na naton ang tanan kag magahapos na ang tanan para sa aton.  May pamatasan kita katulad sang bata sa aton istorya kaina – nga usaron naton ang aton pagtuo sa pagtago sang aton pagkatarantado, nga himuon naton nga rason ang aton pagtuo nga magtinamad,– sa exams masiling kita bahala ka na lang Lord – ano nga bahala kay waay ka man nagtuon, kung mafailure ka mabasolan pa ang Dios, Lord waay ka gid nagbulig.  We think that faith will make everything a lot easier for us. Pero sugiran ko kamo sang akon iya ekperyensiya.  Sa pagtuo lang way gid man ako nagkulang sa Dios but this is what I found out – faith is not just moving mountains.  Faith is not just saying to this mountain, “move over,” and it will move.  Faith is also climbing mountains we cannot move.  Nga bisan matuod waay ikaw nag-ayo, apang ang imo pagtuo padayon nga nagatulod sa imo sa pagsalig sa Dios.  Nga bisan pi-ang ka man sa gihapon, malipayon ka ya nga piang.  Nga bisan nanghapulas na ikaw sang agua bendita ukon nag-inom sang tubig sa Lourdes, ang imo kancer waay man sa gihapon naayo, apang bisan amo sini makayuhum ka man sa gihapon tungod sang imo kaisog sa pagbaton kag sa pagbatas sini.  Nga bisan laon ka lang pero indi man iya hukawon, nga bisan waay ka kwarta kag pigado ka man sa gihapon, padayon ka nga nagasalig sa Dios kag padayon ka nga nagakaalwan sa imo isigkatawo nga nagakinahanglan.  Amo ini ang pagtuo.  Faith does not mean that you will live happily ever after.  Faith does not mean that you will no longer experience hardships – you will still experience hardships, you will still experience difficulties.  But I will tell you the difference.  The difference is that a man of faith will be a lot braver, a man of faith will be more optimistic, a man of faith is more happy, a man of faith will be more godly in the face of such difficulties.  A man of faith will be a more willing man to carry his cross, the man who will continue to be generous, the man who is willing to sacrifice for the higher good.

Siguro mas mahangpan naton ini sa isa ka istorya:  Ang anak ni Pater nga taga-Mindanao tungod sang aksidente nabungguan sang motorciclo kag napatay.  Apang waay niya ini gindala sa pulis ukon ginpapriso ang nagbunggo sang iya anak.  Ginpamangkot siya kon ngaa:  Siling ni Pater:  “Ining pagpriso ukon pagkiha sa nagbunggo sang akon anak indi makapabalik sa iya gikan sa kamatayon, kag ngaa pabayaron ko ang pareho ko man ka pobre nga panimalay?”  Gani ang pamilya sang nagbunggo nagbayad lamang sa gasto para sa lubong.  Apang ginpatawag ni Pater ang nagbunggo sang iya anak kag ginsingganan, “Ginpatay mo ang akon anak.  Gani subong ikaw ang magabulos sa iya.  Tanan nga paghigugma nga ginbuhos ko sa anak ko sang una ihatag ko sa imo, kay sugod subong ikaw na ang mangin akon anak, kag ako mangin imo amay.”  Mga utod ang tawo lamang nga may pagtuo ang may kaisog sa pagsiling sini.

Subong katulad sang mga sumulunod ni Kristo mangamuyo man kita Dugangi ang amon pagtuo.

Father, waay ka pagtuo? Dyanay ka, sino bala ang may labing daku nga pagtuo- ang tawo nga maayo ang pangabuhi kag nagakanta praise the Lord, I love you Lord, ukon ang tawo nga bisan pigado padayon nga nagabatas sini kag nagasiling praise the Lord, I love you Lord kag padayon nga nagayuhum. Pagtuo.