28th sun B 1

Sa mga nagliligad, ini nga ebanghelyo ginpamalandongan naton bilang ebanghelyo nga nagatudlo sa aton sa pagpasalamat.  Kagab-i namangkot ako sa akon kaugalingon – nagkulang bala kita sa pagpasalamat?  Kon husisaon naton daw waay gid man kita nagkulang sa pagpasalamat.  Sa pagkamatuod most of the time kalabanan sang aton problema ginatuga tungod sang tuman naton nga pagpasalamat.  Ngaa.  Sugdan ko ini paagi sa istorya.

Si Juan ginbisitahan sang iya pariente nga nagdala sang bisaya nga manok.  Gani ginsabawan niya yadto nga manok, gintuom, sadto man mismo nga gab-i.  Isa ka semana ang nagligad may nanoktok sa balay ni Juan nga nagpakilala nga amigo sia sang pariente ni Juan nga nagdala sang manok sang nagligad nga semana.  Aba gin-emphasize ya gid nga daw medyo nagapabati-bati nga yadtong paryente nga nagdala bala sang manok .  Nagpungko sia kag naghulat nga pakan-on siya ni Juan tungod sadtong manok nga ginadala sang paryente ni Juan.  Si Juan sa ngalan sang kabalaslan, nagpasugot.  Pagkadason nga semana may ara na man, isa man sa mga amigo sang pariente ni Juan.

Pagkadason nga semana may nagkadto na naman nga amigo sang amigo sang pariente ni Juan nga nagdala sang manok. Nagaexpektar nga pakan-on ni Juan.  Sobra na ini, siling ni Juan – “isa gid lang to ka manok daw lab-oton ya isa ka tuig nga pakaon ko sa ila.”  Wala bala ginsirbihan ni Juan sang ininit.  Ano ina – pamangkot sang iya bisita.  Siling ni Juan tungod kay amigo ka sang amigo sang pariente ko nga nagdala sang manok, ara iserbi ko sa imo ang sabaw sang sabaw sang manok – ininit, ta higupa.

Kon kaisa siguro natak-an man kamo sini no.  Nga maglagas ka bala sang tanan nga kabalaslan.  Ginbuligan ka man matuod pero nahigot ka na forever.  For example one time may nagkadto sa akon nga nagapanukot nga misahan ko gid siya sa sina nga adlaw.  Naalang-alang ako tungod kay may schedule na nga nabaton.  Gintomboy kami after awhile – damo donate ko sa seminaryo waay ako ginahatagan sang pinasahi nga atencion.  Nagsunggod.

Kon kaisa kabudlay magbaton sang ginahatag tungod sang mga strings attached, indi bala.  Nakaekperyensiya man kamo sina.  Kon kaisa mapilitan ka magboto sa iya bisan indi pa siya maayo.  Ti kay may kabalaslan mo.  Kon kaisa mapuwersa ka nga magbinutig, ukon maghipos bisan indi sakto an ginabuhat, mapabulagbulag, . . . sa ngalan sang kabalaslan.  Kon kaisa pati apo madalahig sa sini.  Most of the times because of this strong sense of gratitude we loose our independence. 

Matuod for example nga kita ang nagbatiti sang aton kabataan, kita ang nagbakabaka sa pag-educar sa ila, pero kon kaisa ang ginapangayo naton nga pasalamat sa ila sobra.  Ang pasalamat nga ginapaabot naton sa ila amo nga tumanon nila ang tanan naton nga luyag – gratitude equals obedience to my wishes -  kon indi ka magtuman sa akon ingrato ka.  Daw indi naman ina sakto. 

Katahum sang eksena sa aton ebanghelyo.  Pagkatapos nga maayo ang mga aruon kag makapasalamat bisan na gid lang ang isa sa ila, ginpalakat sila tanan ni Jesus – go - arise – waay siya nanghawid, waay siya nagsiling dumduma ninyo ang ginbuhat ko sa inyo ha, waay siya nagpaabot sing balos o ari lakat go, arise.  Sa aton nahauna nga balasahon si Naaman luyag gani tani magbayad pero ano ang siling ni Elias – indi ako magbaton sina, lakat.  Ang leksiyon subong indi lamang nga magpasalamat kita kundi paano maghatag, paano kita magpakita sang aton kaalwan kag paano man kita magpasalamat, paano naton ginapakita ang aton pagpasalamat.  Subong mamangkot kita ikaw iya how do you give, paano ka maghatag, may ginapaabot ka bala.  Kung manghatag gid man kita nagnangin maisip man bala kita?  Nagapaabot bala kita sing balos?  Can we give without remembering. 

Subong man mamangkot  kita Paano kita magpasalamat, waay question nagapasalamat kita pero paano, ginahigot bala naton ang aton kaugalingon naton sa ginapasalamatan naton tubtub sa katapusan?

Sa India may isa anay ka solterito nga nagkadto sa ciudad sa pagpasimpalad.  Ano man nga dimalas ang iya nadangtan gin-snatch siya, kag sa sobra niya nga pulok pangita sang iya wallet ginkawat pati ang iya bag.  Wala gid may nabilin luwas lang sang iya bayu nga nasuksuk.  Gani nangayo siya bulig sa isa ka tawo dira mismo sa dalan gintagaan siya sing mga equivalent sang 50 pesos.  Daku gid kaayo ang iya pasalamat sa sadto nga tawo nga bisan waay siya nakilala ginhatagan siya sing kasubong nga kantidad.  Sir siling niya ihatag sa akon ang imo address kag ang imo ngalan kay luyag ko nga balikan ikaw kag bayaran ang ini nga kwarta.  Ang tawo naglungolungo lang kag nagsiling don’t repay my kindness, just pass it on.  Indi na pagbayari ang akon kaalwan,himua lang nga magmanginmaalwan ka man sa iban.  Kag yadto nga tawo naglakat.  Ang pinahulam niya nangin isa sa mga bantog nga leader sang India kag ang nagsugid sini nga istorya isa ka tawo nga ginbuligan sang ginbuligan, sang ginbuligan sadtong una nga ginbuligan – ginpasapasa nila ang kaayo sadtong tawo nga waay gani nagpakilala.  Ang kaalwan waay ginbayaran sa amo man sa gihapon nga tawo, sa baylo ginpasapasa ini.

For me this is a greater gratitude sang sa higtan mo ang tawo sa kabalaslan – ginbuligan ko ikaw pues magbulig ka man sa iban. For me this is also a better expression of gratitude – ginbuligan ako dapat bilang pasalamat mabulig man ako sa iban. 

Gani mamangkot kita makasiling man bala kita sa aton pagbulig don’t bother repaying my kindness, don’t even bother thanking me, just pay the kindness to others, pass the same kindness to others.

If this happens our world will become a better world and not only a better world but also a grateful world, a world that has learned at last to be really and truly thankful.