8th sunday C

Pagkatapos sang People Power II gulpi lang ako tinak-an magpamati sang balita sa radyo man ukon sa TV. Kon kaisa bisan newspaper natak-an man ako magbasa. Antes sang People Power II halos kada hapon ara ka sa TV pamati sang impeachment trial. Tap-os sugod 10:00 sa gab-i tatlo ka estasyon ang akon ginabulosbulos pamati lang sang balita. Pero subong kon indi HBO, Cinemax. Kon indi pa gid nami kadto ako sa Pokemon, kon waay pokemon sa iban pa nga mga cartoons ukon ang ginatawag sang mga kabataan subong nga anime. Siguro nadab-ot ko na ang punto nga napuno na ako sang malain nga mga balita nga sa masami akon mabati-an. Subong kon makalantaw gid man ako balita kag makabasa newspaper nagasakit ang buot ko kag daw ginakapoy ako sa gilayon. Ini tungod siling ko kay natam-an na siguro ako sang malain nga mga balita – puro na lang malain daw waay na gid sing maayo nga mabati-an.


May isa anay ka study nga nagtuon kon ngaa may suerte nga tawo kag ngaa may malas nga tawo. Gintun-an nila ini kag naghimo sang sini nga konklusiyon. Gusto man ninyo bala nga mangin suerte man ang inyo kabuhi? Pamati kamo. Ano ang nagahimo nga suerte sa isa ka tawo. Makita ini sa pamatasan. Ano nga batasan? Siling sang ila conclusion: Lucky people are people who are positive and affirming. They are focused on the good side of things especially the good side of other people. Ini nga mga tawo dali makakita sang kaayo sa ila palibot ilabi na gid ang kaayo sang mga tawo sa palibot nila.
Ano naman iya ang mga malas nga mga tawo. What makes them unlucky. Ang conclusion nagasiling: Unlucky people are people who are negative and hostile. They have the habit of focusing on the bad side of everything, especially the bad side of people. They are people who are prone to criticize. They are people who are prone to find fault. Ini nga mga tawo palapangita sang sala sang iban kag ang makita lamang nila amo ang kalainan kag sala sang iban. Most often siling sang report they become unlucky people.
Reality check. Real life example. May isa anay ka asawa nga nagpalapit sa akon mangayo sang advice tungod kay ginbulagan sia sang iya bana. Pagkakita ko sang itsura niya sa una namon nga pagkita daw kaladlokan. Pero sige lang mamati ako anay sang iya istorya. Pagkatapos nga mabati-an ko ang iya istorya maka-conclude ako nga angid-angid gid ang iya batasan sa iya guya – kaladlukan, nagger, tam-an ka dominante, diktadora, ang tanan nga makita niya sa iya bana puro sala, gamay gamay lang nga sala mangakig sa iya bana. Sin-o abi luyag maghulid sa sina? She is an unlucky wife attracting bad luck. Ngaa? because no one likes being around negative and hostile people. Sin-o abi ang makaagwanta?
Amo man ini sa negosyo. Amo man ini sa aton organizations. Amo man ini sa aton sa baranggay, amo man ini sa kabuhi. Kon ang tanan puro lang sala, puro lang la-in, puro lang pigado, puro lang waay-waay, puro lang gago, puro lang estupido – ano na lang abi ang matabo? Waay na gid sing maayo? Normally we seek out positive and affirming people. We become unlucky when we become negative and hostile to others.
Amo ini sila ang gintukoy sang aton Ginuo sa aton ebanghelyo subong: Ngaa bala ginahatagan mo sang pagtamod ang diutay nga puling sa mata sang imo utod, pero wala mo ginasapak ang daku nga puling sa imo kaugalingon nga mata.
Ano karon ang kinahanglan naton? Kinahanglan we should become encouraging. People need encouragement today, not criticism.
May isa anay ka artista nga kuntani ma-suicide. Sang hana na sia nga maglumpat sa mataas nga building may nakakita sa iya kag nagsiling, indi ka malumpat, kag ginhawiran sia sang isa ka tawo. Ang tawo nakakilala nga ang iya nahawiran gali isa ka bantog nga artista, kag nakita niya ang iya madamo nga mga pelikula. Nagsiling ang tawo – “nakita ko ang imo mga pelikula kag sa madamo nga mga bes natandog kag nabuligan gid kami sang akon asawa.” Kag didto nakamarasmas ang artista. Siling niya, “abi ko anay ginalantaw lang ako sa sine tapos waay na. Subong lang ako nakahibalo nga may naga-appreciar gali sang mga ginabuhat ko.” To make the long story short, tungod sadtong encouragment, ang artista nagpadayon sa paghimo sang mga pelikula hasta nga sia namatay sa katigulangon. Ngaa, tungod kay nakahibalo sia nga may nagaapreciar sang iya ginabuhat.
Siguro makasugod man kita sa pagbaylo sang aton pungsod, sang aton pamilya, sang aton kaugalingon kon magtuon kita sugod subong sa pag-apreciar sang kaayuhan nga yara sa aton, kag sang kaayuhan nga yara sa tagsa-tagsa.