We are always fascinated by echoes. Nasiling ko ini kay sang Biernes nagpractice kami sa Mandurriao para sa ila church blessing. Upod ko ang mga altar boys, gagmay nga mga kabataan nga nagaserbi sa misa. Kag isa ka bes sa sadto nga practice tinawag ko sa matunog nga tingog ang mga altar boys. “Hoy” kag sa kakibot namon, nagbalos man sa ibabaw “hoy”. Nagtangla ako kag gintistingan liwat, hoy, kag nagbalos man sang hoy. Nagtulokay kami tanan and as if on cue tanan tanan nag-testing – may nag-hoy, may nag-hay, may nag-wow, may nagsinggit sang iya ngalan – ano abi kay puro tanan kabataan. Masinggit ang isa, kag kon ano man ang ginasinggit nagabalik liwat, kag ang tanan naghagi kadlaw.
Nagmuda ini anay sang una kon madumduman ninyo, sa TV, sa mga komiks, sa radyo. Nahimo ini nga kaladlawan tungod kay nakalab-ot sa punto nga kon ano man ang ginasinggit mo lain na ang nagabalik sa imo.
Apang sa tuod-tuod lang indi kasubong sini. Ang matuod tuod nga echo kon masinggit ka, singgit man ang balik sa imo; kon mamuyayaw ka, pamuyawyaw man ang balik sa imo; kon magkanta ka, kanta man ang balik sa imo. Amo ini ang matuodtuod nga echo; kon ano ang ihatag mo, amo man ina ang balik sa imo.
Kasubong man ini sa kabuhi. Amo ina kon ngaa nagasiling sila – life is an echo – why - because life treats you the way you treat life. Kon ano ang, ginahatag mo, kon ano ginahimo mo sa kabuhi, sa imo isigkatawo, amo man ina ang mabalik sa imo.
Isa ka bes may duha ka bata nga nag-baisay sa kilid sang baybay. Sa sobra nga kainit wala bala hinakpan sang isa ka bata sang isa ka hakop nga balas kag hinaboy ini sa isa ka bata. Kag ano ang natabo, ang balas nga iya hinaboy bumalik sa iya guya tungod sang madlos nga hangin. This is also what happens in life. A person gets back from life exactly what the person gives to life. Mamintas ka, kapintas man ang balik sa imo. Maghigugma ka, gugma man ang balik sa imo.
Amo ini subong ang ginasiling sang aton Ginoo sa aton – life is an echo – ang kabuhi katulad sang echo – kon ano ang ihatag mo, amo man ina ang mabalik sa imo. Magpatawad kamo, kag ang Dios magapatawad man sa imo. Magpanghatag kamo kag ang Dios magahatag man sa inyo – ang ihatag sa inyo nasukob, nadasok, nauyog kag naga-awas.
Sa subong nga panahon kadamo sang mga tawo ang nagakasubo, tungod kay nagakalipat kita sining principle sa kabuhi – nga malipay kita sa sini nga kabuhi kon nagahatag man kita kalipay sa iban.
May isa anay ka babayi nga tungod sang depression, gin-nervous breakdown, luyag na sia magsuicide. Pero antes sini ginasiling nga nagkadto sia anay kay Mother Teresa sa isa niya ka home for the dying. Ginsaysay niya ang iya kahimtangan sa sining tigulang nga madre, kag nag-ekpektar sia nga laygayan sia sing maayo. Pero imbes nga laygay ang iya nabaton kinuhaan sia ni Mother Teresa sang balde kag sibin, kag gin-assign sia sa isa ka ward. Indi pa sia kuntani magbuhat sini, pero nakapanumdum sia nga total ma-suicide na man lang ako, himuon ko na lang ang ginapabuhat niya sa akon. Kag didto ginsibinan niya ang mga tagumatayon. Samtang ginasibinan niya ang isa ka tigulang gulpi lang nga inuyatan ang iya kamot sing hugot kag nagyuhum ini sa iya. Kag didto siling sining babayi, nakaginhawa sia sing malawig, kag nagyuhum man sia balik sa sining tigulang. To make the long story short, kada adlaw sugod sadto nagbalik sia sa sadtong home for the dying, nga may dala nga balde kag sibin sa pagbulig sa mga masakiton. She got her life back, she forgot her depression and she became a loving, caring and happy person.
Life is an echo – you get back from life exactly what you give to life. If we forgive, we will be forgiven. If we give, we will receive. If we love, we will also be loved. If we make people happy, we will also be happy. Echo – you get back from life exactly what you give to life.
No comments:
Post a Comment