14th sunday C

In our own way, sa mga butang nga kon kaisa waay naton natulupangdan ginabuligan naton ang aton isigkatawo nga makapalangit. 

May tatlo anay ka pari nga napatay dungan, kag ginadala sila kay San Pedro agud sila husgahan. Ang tatlo ka pari naghulat sang judgment ni San Pedro. Siempre, ginakulbaan sila. Apang mas ginkulbaan pa gid sila tapat kay kadugay na nga hulat nila, kag si San Pedro yara man sa gihapon nagabusikad pa sang ila mga records. Sang ulihe samtang nagahulat ang tatlo ka pari, may nagpalapit nga taxi driver kay San Pedro. Pagkakita ni San Pedro pinasulod niya sa gilayon ang taxi driver sa langit.

Ang tatlo ka pari nagtulukay nga natingala. Ba, taxi driver lang sulod dayon? Kami ya nga mga pari ginapahulat pa. Gani nagprotesta ang mga pari. Siling sang isa: “San Pedro, mga pari kami kag sa bilog namon nga kabuhi, kami nagwali sang pulong sang Dios agud mapahilayo ang mga tawo sa impierno kag mapabalik sa Dios, apang diri kami amon iya nagahulat samtang ang taxi driver yara na sa sulod sang langit.” Si San Pedro nagsabat, “Matuod ina mga Fathers. Apang ang inyo obra indi makakomparar sa ginhimo sinang taxi driver. Kay sa tatlo lang ka semana nga iya pagmaneho, mas madamo pa gid ang ginpabalik sa Dios sining driver sang sa inyo nga tatlo. Kay sa tagsa niya ka pag-overtake kag sa tagsa niya ka pagliko ang iya mga pasajero nagapanguros kag nagapangayo sang kaluoy sang Dios.”  Kamo inyo sa inyo magsermon ang mga tawo nagatululog.

Mga utod, waay ako nagasiling nga mangin katulad kita sang sining taxi driver. Ako ya, waay ako ya nagapanguros kon harasharas ang driver . . . nagapamuyayaw ako. Joke lang. Ang akon lamang luyag isiling paagi sini nga istorya, amo nga in our own way, suno sa istado sang aton kabuhi, bisan sa aton mga trabajo, sa aton pagbaligya, sa aton pag-iskwela, bisan pa sa ordinaryo naton nga hilikuton, makabulig kita sa pagpabalik sa mga tawo sa Dios, makabulig kita sa pagpalapnag sang maayong balita sang kaluwasan. Subong sa aton ebanghelyo ginahatagan kita sang mga praktical nga mga tikang, mga praktikal nga mga buluhaton agud nga kita makabulig sa pagpalapnag sang kaluwasan sa tanan, sa pagpabalik sang mga tawo sa Dios kag sa pagbalay sang iya ginhari-an diri sa duta. Paano ini?

Una, si Kristo nagasiling “Lakat kamo. Ginapadala ko kamo.” Si Kristo waay nagsiling sa aton nga magpakuribong kita sa aton balay kag maghagi reklamo nga kagamo na gid ang kalibutan. Si Kristo waay nagsiling sa aton nga magpungko lang dira sa kilid sang simbahan sa bilog nga adlaw kag mag-wish upon a star kag magpangamuyo all day nga nagasiling "Lord, tani amo sini, tani amo sina." Bisan gani ang pari nagasiling pagkatapos sang isa ka oras nga pagsimba, lakat kamo sa paghidait. Waay niya kamo ginahawiran.

In the Gospel Jesus is telling us, go, lakat kamo, do something, get involved. Ang dalan sang pagpakabalaan sang mga laiko amo ang paghangop nga ang kabubut-on sang Dios yara sa iya matag-adlaw nga hilikuton, sa mga ordinaryo nga butang nga ila ginahikot adlaw-adlaw kag sa pagbuhat sini nga may paghigugma. Lay spirituality, siling sang PCPII, consist in being able to see the will of God operating in one’s secular duties, in the ordinary things that one does, and in fulfilling them with as much love as one can muster. Ang imo Kristiano nga presencia sa PTA, sa council, sa mga nagakalainlain nga hubon, sa tiendahan, sa inyo neighborhood could make a lot of difference. Ang imo propesyon bilang maestro ukon maestra, abogado, doktor, nurse kag ang imo posisyon bilang pangulo, bilang direktor, bilang clerk sa opisina could make a lot of difference to the lives of people. Your presence could make them nearer to Jesus. So Jesus is telling us, don’t just let things happen - make things happen. Make your Christian presence felt. Bring your religion, your christian values to your places of work.

Halin sang gamay ako hasta nag seminarista ako nahuya ako sa pagpanguros sa publiko. It is a simple gesture of my Christianity which I choose to hide. Kag sin-o ang nagtudlo sa akon nga indi ko dapat ini tagu-on - ang isa ka panimalay nga nagapamahaw one time sa restaurant nga akon man ginapamahawan – nagduko sila sa pagpangadi antes sila magkaon. It is a simple gesture pero diri mo makita ang power sang aton Christian presence. It will make people braver and bolder to follow and be near our Lord. Christianity is like an infectious desease. Gamay lang ini nga butang apang sa padayon, ini nagalaton sa iban asta nga sa ulihi ang bilog maapektohan. Posible nga isa ikaw ka pulis nga may ultimo nga rangko apang pagduhol sa imo sang lagay nagasiling ikaw, opps indi ina sakto. Posible nga ikaw isa ka opisyal ukon ultimo nga empleo sang munisipyo nga nagareport sa imo trabaho indi lang kon kinsinas kundi on time kada adlaw kag nagahatag sang imo serbisyo nga mabinuligon kag malipayon kag indi nga nagasinuplado. Be honest sa imo kilohan bisan sa primero ikaw lang ang may matarong nga kilohan. Kon ikaw doktor be honest with your patients, kon indi na ikaw kinahanglan discharge them kag indi na pagpamahali ang ila bulong. Kon ikaw maestra teach your children not only science or mathematics but also christian values – the value of honesty and hard work, the value of love and patience. May kakilala ako nga maestra sa public school sa Iloilo nga sa iya kapisan kag kaukod nagapatigayon nga makakompesar ang iya kabataan kag nakasimba. Kon kaisa sia gani ang nagadala sa ila sa simbahan kag nagatudlo indi lamang sang science kundi nagatudlo man sa ila sa pagpangadi.

Gani si Jesus nagasiling sa aton, lakat, ginapadala ko kamo because your presence, your christian presence could do a lot of difference to the lives of people.

Ikaduha si Kristo nagsiling: “Indi kamo magdala sing kahita, ukon puyo,ukon sandalyas.” Indi naton ini pagkabigon literally otherwise bisan inugpliti sa Trisikad waay gid kita. Sa baylo si Jesus nagasiling sa aton nga kita dapat magmangin simple sa aton lifestyle. Ngaa? Tungod kay kon madamo kita sing mga kalibutanon nga ginakabalak-an, mabudlay man sa aton ang magpanaksi para kay Kristo. Mahapos naton ihal-id ang Ginoo kag ang iya pamatasan sa kilid-kilid kon madamo ang aton mga worldly concerns - kon indi simple ang aton kabuhi. Lantawa bala kon nagapanginbabaw sa imo paminsaron ang gahum, ang bugal kag ang manggad. Makahimo kita mangawat, mangdaya, manglupig, magbinutig kag magpakalain sa iban kag bisan pa gani sa pagtimalos. Gani kon luyag naton magpanaksi para kay Kristo, it helps to have a simple lifestyle, with simple wants, with simple dreams.

Ikatatlo si Kristo nagsiling: “Indi kamo magdulog sa pagpanamyaw sang iban.” Again we should not take this literally nga magsinuplado kita, mang-snub ukon indi na kita magpanapak. Si Jesus sa sini nga dinalan nagapangabay sa aton nga ang mensahe sang kaluwasan is urgent. Indi kita magpalaminday, magpanglubaybay, indi naton ini ma-postpone, indi naton ini mapabuwasan. Indi kita makasiling, mabulig lang ako sa simbahan kon retired na ako. Labay man akon kahapon may ginmisahan ako isa lang ka bulan nga nagretire, napatay. Indi na paghulata nga makaretire ka because you might miss your only chance. Indi ka magsiling nga masimba lang ako kon may tiempo na ako. Indi ka magsiling mapalapit lang ako sa simbahan kon may tiempo na ako. Ina nga tiempo waay gid ina nagaabot. In other words we have to decide, we have to prioritize our time so that we could spend some of it for God and his work.

Gani mga utod, amo ini ang ginatanyag ni Kristo sa aton tanan. Sia nagpangabay nga magpangamuyo nga ang Dios magpadala sang mangangani. Kita tanan ang mangangani. Kita ang iya ginapangamuyuan. Ang sitentay dos nagakahulugan indi lamang sang sitentay dos ka tawo kundi ini nga numero simbolo sang bug-os nga katawohan ni Kristo. Kita tanan ginapadala kag paagi sa aton maghigugmaon nga presencia mabaylohan naton ang dagway sang kalibutan kag madala naton ang kadam-an padulong sa Dios.