Siguro katulad sa akon ang kalabanan sa aton diri palalantaw man sang TV. Matuod ang kalabanan nga salida sa TV tam-an na gid man kapigado. Kag sa sini, isa gid lang ang nagahawid sa akon sa pagpadayon sa paglantaw. Bal-an ninyo kon ano - ang advertisements. Kon kaisa mas may makuha ka pa sa mga advertisements sang sa mga ginasalida nga programa. Kag kon paboto-botohan, ang pinakanami nga advertisement para sa akon amo ang advertisement sang isa ka brand sang hotdog. Sugiran ko kamo kon ano ini.
May isa ka bata nga babayi, tambok kag cute kaayo (ang bata nga tambok, cute pa ina, pero kon daku ka na kag tambok, la-in na ina). Nakakita sia sang iya crush sa school. Ang ngalan sang iya nga crush amo si Carlo. Ginsulat niya ini nga experyensiya sa iya diary. Amo ini ang iya ginsulat: Dear Diary, I met Carlo today and he is so cute. But he told me I was getting so fat. And so to win him over I have to say goodbye to a lot of things: goodbye ice cream, goodbye spaghetti, goodbye sandwiches, goodbye hotdog, opps. . . nag-untat sia sang sulat, nakita niya ang manamit nga hotdog sa lamesa, indi sia mapahamtang, hmmm ginmarkahan niya sang daku nga equis ang iya diary kag ginsulat: Goodbye, Carlo! kag ginakaon ang manamait nga hotdog.
Ang aton kabuhi napuno sang madamo nga mga goodbyes, mga pagpaalam. Halin sa nahauna naton nga pagbulag sa aton ginikanan sang nag-iskwela kita sa Kinder hasta nga kita mapatay, we say so many goodbyes. Kag manotahan naton nga masakit ini, apang nahibaluan man naton nga ining mga goodbyes kinahanglanon. Ngaa? Because this is part of the human process of growth. Waay kita nagabato sa sining kalibutan. Nagatubo kita, kag sa aton pagtubo we shed off our old skins, we leave behind relationships which are of value to us, we leave behind things that we are so attached with in order to grow or in order to forge another kind of relationship. Amo ini ang rason kon ngaa ka dramatic sang aton mga graduations, kon ngaa ang eksena sa airport ka sentimental, kon ngaa nagapahubog ang isa ka soltero kag nagapakuribong sa kwarto ang isa ka dalaga. Masakit ang magbulagay. Kay sa nasiling sang kanta, It just hurts to say goodbye.
Apang kinahanglanon ini nga atubangon. Ang kasakit dapat batunon otherwise mangin katulad kita sa bata nga babayi nga indi makasiling “goodbye hotdog” nagsiling na lang sia “goodbye Carlo”, ukon katulad kay Juliet nga indi maksiling “goodbye Romeo”, nagsiling na lang sia “goodbye life” kag nag-suicide.
Amo man ini ang natabo sa mga tawo nga masunod kontani kay Kristo apang indi sila luyag nga bayaan kag mahamulag sa ila mga attachments. Apang ano ang siling ni Kristo sa ila: “ang tawo nga nagaarado kag nagabulobalikid wala sing pulos sa Ginharian sang langit.” In other words si Kristo nagasiling “If you want to follow me all the way to the kingdom you have to be ready to say goodbye to a lot of things and to a lot of attachments. You have to learn to cut them off, utdon and you have to be ready to accept the pain.” Ini nga proceso sang kabuhi upod sa Dios naintiendihan ni Eliseo. Sa pagbutang ni Elias sang iya kunop kay Eliseo naintiendihan niya nga ginatawag sia sang Dios sa isa ka bag-o nga sahi sang kabuhi. Gani gin-ihaw ni Eliseo ang iya mga baka kag ginhimo niya ang iya arado nga gatong, kag ginpakaon niya ang inihaw nga baka kag naglakat kag nagsunod kay Elias. Si Eliseo nakatuon magsiling goodbye kag nakatuon magbaton sang kasakit nga upod sini. Nahibaluan niya nga indi sia puede “mamamangka sa dalawang ilog.” Utdon niya ang isa agud makabalay sia sing bag-o kag mas himpit nga pagpakig-angot. Kita man ginatawag sang Ginoo sa isa ka bag-o nga sahi sang kabuhi kag kinahanglan makatuon man kita sa pagsiling goodbye sa madamo nga mga butang, goodbye sa madamo nga mga relationships kag sa madamo kag wala nagakaigo nga mga pamatasan. Kag dapat man kita makatuon sa pagbaton sang kasakit nga dala sining mga goodbyes.
Panumdumon naton kon ano ini nga mga attachments, ano ini nga mga butang. Ini bala pamatasan sang pagpabaya kag katamad - then we have to say goodbye to that and accept responsibilities. Ini bala pamatasan sang bugal, then we have to say goodbye to that and learn to swallow our pride. Siguro basi ginatawag kita nga magpa-goodbye sa mga relationships nga waay nagabulig sa aton sa aton relasyon sa Dios kag sa mas importante nga relationship sa diin kita ginatawag sang Dios. Kinahanglan magtuon man kita sa pag-utod sang relationship sa aton barkada sa inuman, ukon sa majongan agud nga may panahon kita para sa aton panimalay kag para sa Dios. Hoy kon kaisa kinahanglan man nga utdon man naton ang aton relationship sa aton mga ugangan agud nga matabo ang mas mahirup nga relationship sa imo asawa ukon bana kag sa imo kabataan. Labay man akon sa mga mag-asawa, aton aton lang ini; kasabad kon kaisa ang mga ugangan, no? Then learn to say goodbye to them, kag ang mga ugangan should also learn to let go and say goodbye sa ila mga kabataan.
Sa aton simbahan agud nga mangin bag-o kita kag matuod kay Kristo, we, as a community have to learn to say goodbye to a lot of things nga nasahu-an na naton halin pa sang una apang waay na nagakabagay subong. Lantawa bala ang mga tawo nga indi makagoodbye sa mga nagliligad nga pamaagi nga waay na nagasinanto - nagaprosisyon dira sila kon Biernes kay gusto nila Latin gid ang misa kag indi magkalawat sa mga Eucharistic ministers. Kita man dapat magtuon pa gid sa pag- goodbye sa mga daan naton nga pamaagi bilang simbahan katulad abi sang concepto nga ang simbahan obra lamang sang pari kag sang mga retired. Kay ang iban sa aton nagasiling “padre hulata lang bala nga magretire ako kay mabulig na gid ako sa apostolado sang simbahan”. Mga utod ang Dios indi maghulat sa imo nga nagabulobalikid pa. Ngaa ang iban makabulig man kag makahatag man sang ila panahon? Ang aton kabuhi kaupod kay Jesus nagahangkat sa aton sa pagsambit sang madamo nga mga goodbyes. Sa kalabanan sini duha man lang ang aton masabat - goodbye hotdog ukon goodbye Carlo - goodbye wrongful attitudes or goodbye Jesus. The choice is ours. Waay sing medjo medjo.
No comments:
Post a Comment