piesta sa leon: sta. catalina de alejandria

Karon nga aga sa kapiestahan ni Sta. Catalina de Alejandria luyag ko ipropose para sa aton pagpamalandong ang aton kalantahon sa pagsabat, ang responsorial psalm, salmo 84.  Sa sulod na sang sobra anum ka bulan gintinguhaan ko nga pamalandongan ang mga salmo nga ginagamit naton sa misa.  Sa mga balasahon amo ini pirme ang wala ginasapak.  Pero Psalms are prayers and they are prayers par excellence.  Ngaa?  Kay bahin sila sang inspired word, kon sayuron iya mismo sang Dios, kag gani kon aton ini ginapangamuyo we pray with the words of God, with the mind of God, with the heart of God and even with the emotions of God – prayer par excellence.  Nagsugod ining akon pagpamalandong sa mga salmo bilang kuntani maserbi nga reminder sa akon mga superior, padumdum nga medyo lapit-lapit sa protesta, bangud kay tam-an na ako kalawig sa akon assignment sa seminaryo.  Sa kalawigon sang mga tinuig sa seminaryo napamalandongan ko na ang mga ebanghelyo, natapos ko na ang nahauna kag ikaduha nga balasahon, natapos ko na ang weekday readings year 1 and 2.  Subong yara na ako sa salmo, sa kalantahon sa pagsabat.  Kon pananglitan mabati-an ninyo ako pila ka adlaw nga nagawali nahanugnod sang alleluia sang Misa, ay sobra-sobra na gid na ya.  Basi may dala na ako nga placard diri sa pulpito.

Pero makahilisa ang salmo, makahilisa ang salmo 84, makahilisa ang salmista nga nagapautwas sang iya paghangad, nga nagapautwas sang iya handum nga magpabilin kag mapahamtang sa balay sang Dios sa bilog nga mga inadlaw sang iya kabuhi.  Ang salmista mismo nahisa sa mga maya kag sa salimbabatang nga naghimo sang ila puloy-an kag nagpahamtang sang ila pugad dira sa templo malapit sa altar.  Tani may kasubong man ako nga panimuot nga magpabilin, kon indi gid man pareho sang maya kag salimbabatang bisan na gid lang sa panimuot sang kulonatnit dira sa kisame sang aton simbahan nga bisan pulopangsot lang kag kontra sila sang parish priest padayon nga nagakapyot, padayon nga nagahangad nga magpabilin sa balay kag sa presensya sang Dios.  How wonderful is it to have that desire, that longing, that pining to remain in God's presence.

Apang indi tanan kita may kasubong nga paghangad, indi bala?  Kon ginhambal ko ining akon balatyagon ina tungod kay indi man lang ako isa nga from time to time nagabatyag nga luyag na maghalin, indi bala?  And worst, indi man lang ako ang naga-isahanon nga from time to time nagasulod man sa akon pamensaron nga luyag ko na magguwa, indi bala? 

Sa SWS survey nga ginhimo sadtong tuig 2013 ang mga katoliko, mga ordinaryo nga mga katoliko ginpamangkot kon bala nagsulod man sa ila pensar kag ila man nga gin-considerar nga magguwa sila sa ila pagka-katoliko – have you ever considered seriously leaving the catholic church.  Kag ang sabat?  Siling sang SWS, nine percent ang nagconsider nga luyag magguwa sa pagkakatoliko.  In other words sa onse ka mga katoliko dira sa sina nga pulongkoan, isa sa inyo nagapanumdom nga magguwa sa  pagkakatoliko.  Sin-o ayhan sa inyo?  Pero sa tuod lang indi na pagbalikda kon sin-o ina kay sigurado ako wala na di sia.  Ngaa?  Sa isa ka gatos ka mga katoliko 37 man lang ang nagasimba.  37 out of 100.  Mas taas pa ang protestante – sa isa ka gatos nga protestante 64 ang nagasimba kada Domingo.  Mas taas pa gid ang Iglesya ni Kristo – sa isa ka gatos setenta ang nagasimba.  Kag ang pinakamataas amo ang mga Muslim - 75 in every 100.  Makita mo puno ang aton simbahan, sunod-sunod ang aton mga misa, but don't be fooled by what you see – remember sa population 81 percent kita nga katoliko – sang 1990's 85 percent pa kita.  It is getting smaller but it is still a big number, but compared to those who go to church, it is very small.  Bilang pari kon nagamisa lang ako, ang madab-ot ko gid lang, ang maatipan ko gid lang nga gintugyan sa akon pagtatap, 37 ka mga catolico out of a hundred, wala gani katunga sang panong nga gintugyan sang obispo sa akon pagtatap, wala katunga.

I am saying this tungod kay ang salmo 84 nagaremind sa aton sang desire to be with God, and it seems, it would seem that only 37 percent of catholics at ,ost are pining for God and believe that they can find him here in church.  Posible nga wala man gid ang iban sang desire pero at least nahibal-an ta na subong, nga nine percent or one in every 11 catholics have doubts if they can still find God here.  People come because they find something there that they want, and perhaps they badly need, and perhaps they are craving for, pining for.  But sadly many cannot anymore, more than half cannot.  What is wrong?

Sa aton pagpamalandong sa kabuhi ni Sta. Catalina sarang naton malantaw ang iya kabuhi kag ang iya mga halimbawa kag mga birtud nga sarang naton ma-ilog bilang mga kristiano.  Apang may isa pa gid ka panan-aw nga ginatangyag sa aton. Sarang man naton malantaw ang mga sirkumstansya, ang kontesksto, ang sahi sang simbahan nga nagpatubo kay Sta Catalina nga mangin isa ka santa.  What was there in the church then that made Catherine of Alexandria become a saint?  Duha ka butang.

Una, si Catalina isa ka babayi.  Ginasiling nga ginbais niya ang emperador bangud sang mapintas nga pagtratar sa mga Kristiano.  Indi makasabat ang emperador sa mga argument ni Catalina gani ginpatawag sang emperador ang singkwenta ka mga philosopher nga magabais sa sining babayi.  Pierdi sila tanan.  Nainit ang ulo sang emperador, pinapatay niya yadtong singkwenta ka mga philosopher kay indi sila makatupong sa alam sining babayi.  Gani ang emperador nagpilit kay Catalina nga mangin isa sa iya mga kerida.  Apang si Catalina indi magpasugot kag gani sia gintorture, ginbunal kag ginpriso.  Sang didto na sia sa prisohan ginbisitahan sia sang reyna nga nangin curious sining maalam nga babayi.  Kag nian bisan ang reyna nakonbertir kag tungod sini pinapatay sia sang iya bana nga emperador.  Kalawig pa ini nga istorya kag ginasiling nga ini tanan legend man lang.  Pero ang bottom line sini tanan amo sini – babayi ka lang.  Ngaa ginbais mo ang emperador, babayi ka lang; ngaa napierdi mo sa binaisay ang singkwenta ka mga philsopher, babayi ka lang; gani pamatyon ining wala pulos nga philosopher nga napierdi sa babayi man lang; mangin kerida ka na lang sang hari, daku ina nga privelehiyo total babayi ka man lang; bisan ang reyna nga iya nakonbertir wala makahimo sang iya panindugan bangud kay sia babayi man lang.

Sa salmo 84 may duha ka pispis nga ginmentionar.  Ang una nga pispis amo ang maya ukon sa iban nga mga translation, ang magamay nga mga pispis, sparrow sa english. Ini nga sahi sang pispis ginmentionar man ini ni Jesus sing makaduha.  Sa Mateo si Jesus nagsiling: Indi bala tagduha singko lang ang magamay nga mga pispis? Sa Lucas nagsiling si Jesus:  "Indi bala pisetas ang bili sang lima ka magamay nga mga pispis?"  Abi sang san-o pa ang ulihi mo nga bakal nga ginsingganan ka sang tindera nga ini tagduha singko ukon pisetas?  Siguro ini nga biblia gintranslate sa binisaya antes Martial law.

Pero nakita man ninyo, kon sa diin gani gina-mention ini nga pispis gina-highlight ang ila sini insignificance, ang ila daw pagkawalay pulos - kabarato, kabarat.  Pero sa sini nga salmo ining kabarato, ining kabarat, ining mga insignificant may lugar sa balay sang Dios, makabig nila ang balay sang Dios nga ila man puloy-an, kon sa diin sila luwas sa mga katalagman kag kon sa diin mabatyagan nila nga sila ginapakamahal. One may feel insignificant and useless but Psalm 84 says, in the house of God one can discover a sense of purpose and meaning and importance.  That is the church that made Catherine of Alexandria a saint.  Bisan si Celsus, isa ka manunulat sadtong ika-duha nga siglo, nagsulat sa tuyo nga insultohan ang kristianismo nga nagasiling - ang simbahan naga-attract lamang sang "mga buang-buang, sang mga imol kag sang mga gago, upod ang mga babayi kag mga kabataan."  In a sense that is true.  The insignificant of society finds meaning and purpose in the house of God.

Is this also your experience of church?  Amo bala ini ang eksperyensia naton sa aton parokya?  Ang parokya bala naton isa ka welcoming nga simbahan nga nagahakus sang tanan, nagaabi-abi sang tanan, naga-reach out sa tanan ilabi na gid sa mga ginapakanubo.  Dumdumon naton nga ang ginpamulong ni Jesus nahanugnod sining baratohon nga magamay nga mga pispis dira kay San Lucas - wala sing bisan isa sa ila nga ginkalimtan sang Dios.  Is this also our experience of church?  Do we find in God's house, welcome, do we find meaning, do we find purpose, do we find importance?

Ikaduha, ang konbersiyon ni Sta Catalina natigayon bangud sang pagpangita niya sang iya mangin nobyo, sang iya palamanahon.  Sa tion nga ang kasal ginaareglar sang mga ginikanan kag suno sa luyag sang ginikanan, si Catalina nag-insistir sang iya mga kondisyones – una luyag niya pamanahon  - kinahanglan malabawan niya ang iya pagkadungganon bilang isa ka prinsesa, ikaduha dapat malabawan niya ang iya manggad kag palanublion, ikatlo kinahanglan malabawan niya ang iya katahom, kag ikap-at kinahanglan malabawan niya ang iya kaalam.  Kon ang bata mo mag-demanda sini nga mga kondisyon, actually wala na sia tuyo mamana, mala-on na sia.  Pero ang nanami-an ko lang sa sini nga istorya amo ang pari.  Wala niya gin-ignore ang concerns kag handum ni Catalina.  Gin-atubang niya ang mga hangad ni Catalina, ang iya mga handum, ang iya mga insecurities.  He engaged the deepest yearnings of St. Catherine.  Siling sang pari, gusto mo bana nga mas dungganon pa sang sa imo; gusto mo bana nga mas manggaranon pa sang sa imo; gusto mo bana nga mas matahom pa sang sa imo; gusto mo bana nga mas maalam pa sang sa imo?  Dali, may kilala ako, ipakilala ta ka."  Kag nian ginpakilala niya si Catalina kay Jesus nga makita naton sa matahum nga painting kag stained glass sang mga simbahan – the mystical marriage of St. Catherine Alexandria to Jesus.

Sa salmo 48 may ikaduha nga pispis nga ginmitlang, ang salimbabatang.  Isa ini sa mga madasig maglupad nga mga pispis kag makita mo ini sila nga hala lupad lang nga lupad daw kilat nga daw nagadali, daw wala nagapahimunong, daw wala untat nga pakadto pakari.  Pero siling sang salmo sa balay sang Dios nagala-in sila.  Sa balay sang Dios makakita sila sang lugar nga mahapunan nila kag mapahuwayan nila.  Sa balay sang Dios makakita sila sang lugar kon sa diin sila makahipos kag makapangitlog.  Sa balay sang Dios ini nga pispis nga wala pahuway, makapahimunong kag makasagod sang ila buto nga indi madisturbo kag wala sing kahadlok.

Amo man bala ini ang eskperyensia naton sa simbahan.  Ang simbahan makasabat pa bala, kag nagasabat pa bala sang aton mga handum dira sa kaibuturan sang aton tagipusuon.  Can the church and is the church answering my deepest yearnings.  Mahatag ya bala si Jesus nga sabat sang aton mga pamangkot, nga sabat sang akon mga handum.  "Kari kamo sa akon, tanan kamo nga ginabudlayan kag ginabug-atan, kag papahuwayon ko kamo."  Is this our experience of the church?  Is my going to church a rest because it fulfills my deepest desires?  Is my going here to church an encounter with Jesus?  AM I being led to Jesus?

Ginahidlaw ako sa pagsulod sa Templo sang Ginuo.

Bisan ang mga maya nagahimo sang ila pugad,

Kag ang mga salimbabatang may kaugalingon nga puloy-an;
ginabutang nila ang ila mga boto malapit sa Imo nga altar.

Ginuo nga Makagagahom, akon hari kag akon Dios.

Ipangamuyo naton nga kabay pa nga katulad ni Sta Catalina makakita kita, makadihon kita sang simbahan nga makatuytoy kag makapakilala sa aton kay Ginoong Jesus.