Luyag ko pamalandongan upod sa inyo ang
aton nahauna nga balasahon gikan sa libro sang mga binuhatan sang mga
apostoles. Ini nga balasahon nagasaysay
sang sermon ni San Pedro didto sa isa ka lugar sa templo nga ginatawag Portico
ni Salomon.
Agod mahangpan naton ang sermon ni San
Pedro, hibaluon naton anay kon ano ang konteksto sini.
Si Pedro kag si Juan nagkadto sa templo
kag didto may nagapakilimos sa ganhaan nga ginatawag matahom. Si Pedro nagsiling "Wala
gid ako sing kuwarta, pero ihatag ko sa imo ang yari sa akon: sa ngalan ni
Jesukristo nga taga-Nazaret, tindog ka kag maglakat!" Kag ang nagapakilimo nga piang halin pa sa
iya pagakatawo nakalakat kag nagtumbo-tumbo.
Ang mga tawo natingala sa sini nga hitabo. Sarang maayo ang napiang, ang nabali, ang
gina-arthritis, apang ang piang halin pa sa iya pagkatawo indi maayo. Gani ang tanan natingala gid, nagdinaguso
sila sa ginhamtangan sang mga apostoles kag nagtulok sila kay Pedro kag kay
Juan. Kag si Pedro nagsiling sa ila,
“Mga taga-Israel, ngaa bala natingala kamo sini? Ngaa nga ginatulok gid ninyo
kami? Nagahunahona bala kamo nga napalakat namon ini nga tawo paagi sa amon
gahom ukon pagkadiosnon. Ang Dios ni Abraham, ni Isaac kag ni Jacob, ang Dios sang
aton mga katigulangan naghimaya sa iya Alagad nga si Jesus.” Kag diri nagsugod ang aton nahauna nga
balasahon kon sa diin ginpakilala ni Pedro si Jesus sa mga tawo. Do not look at us, do not focus your
attention on us - look at Jesus.
Matahum man ini nga
reminder indi bala? Kon kaisa kon nagahimo
kita sing maayo ilabi na gid para sa simbahan dira sa aton pag-alagad sa mga
tawo, kon kaisa luyag naton nga ang atensyon yara sa aton. Akon ina, Iya ina sang amon pamilya, ako gid
sina ang nagbuhat. Epal. Ginlantaw ko sa internet kon ano ang kahulugan
sang epal. Halin ini gali sa tinaga “pumapel"
which means one who likes to always be in the scene or be given attention in
things. Si Pedro indi luyag nga sia ang
pumapel – don’t look at me, don’t focus on me – focus on Jesus, put your sight
on Jesus. Kag diri ginsaysay ni Pedro
kon sino si Jesus, ginpakilala niya si Jesus sa mga tawo. Amo ini ang akon first point.
Kon epal ka dali ka kulbaan, dali ka ma-stress
– kay man tikalon. Ngaa, ti kay imo,
gina-ako mo nga imo. Pero kon singganon
mo ang imo kaugalingon, “ining obra ko iya ini sang Ginoo kag gina-usar ya lang
ako nga iya instrumento,” kon amo sini ang imo disposition, indi ka magkabalaka
pananglitan magpalpak ukon indi mahuman, ukon magkabos sa ekpsektasyon sang
iban.
Nadumduman ko anay ang istorya ni St.
John XXIII, ang Santo Papa nga nagpatawag sang Vatican 2. Siling niya, “isa ka bes kadamo sang problema
sa simbahan, kadamo sang dapat ko sabton kag aksyonan, kadamo sang dapat ko
asikasohon sa bagay nga indi na ako makatulog, indi na ako makapahuway, indi na
ako maributay. Gani nangadi ako sa
Ginoo. Lord, siling ko, imo ini
simbahan, bantayan mo ini kay imo ini simbahan, subong matulog ako. Kag nagtulog ako.”
Testingi man ninyo ina nga pangadi
ilabi na gid kon tam-an ka ka-focus sa imo lang kaugalingon, siling ka – Lord
imo man ini kabataan, indi lang ini sila akon, Lord love mo man ini sila subong
nga love ko man sila, gani subong ikaw anay bantay sa ila kay matulog ako.
Too much focus on the self and what we
can do can lead to self-destruction.
Precisely we are a people of the resurrection, we believe in the power
of God, we believe in the power of goodness over evil, we believe in the power
of life over death.
The second point. Sa pagpakilala ni Pedro kay Jesus sa mga tawo
ginbasol niya ang mga Hudiyo bangud kay sila ang kabangdanan nga ginpatay si
Jesus. Bisan kontani nga hilwayon na ni
Pilato si Jesus pagkatapos nga sia mabuna, ginpili pa nila ang murderer nga si
Barrabas nga hilwayon, kag nian ginpatay si Jesus sa paglansang sa krus. Apang siling ni Pedro mga utod, nakahibalo ako nga kamo kag ang inyo mga pangulo naghimo sini
kay Jesus, tungod kay wala kamo makahibalo.
You are innocent. Wala pa ninyo
sia makilala. Ang mga hidiyo may pagpati
nga ang sala mapatawad kag gani mahinulsolan kon inosente ikaw – kon sayuron
wala ka kabalo sang imo ginabuhat. Kon
bal-an mo nga sala tapos himuon mo pa – para sa mga hudiyo budlay ina
patawaron.
Ang punto ko diri amo sini
pagkatpos nga kondenaron ni Pedro ang mga Hudiyo bangud kay ginpatay nila ang
anak sang Dios, ginulo-ulohan man niya sila bangud kay ginbuhat nila ini nga
wala sing ihibalo. Ginkondenar anay
dayon ginulo-ulohan. May judgment anay
tapos ginbasla ini sing grasya.
Ginasiling nga kon judgment lang nga wala grasya ginaguba mo ang iya
pagkatawo. Pero kon grasya lang wala
judgment, wala confrontation barat man ina nga grasya.
Indi man nami nga
pakalainon mo lang nga indi mo mabawi indi bala. Ang mabati-an lang sa bibig mo law-ay ina,
law-ay ina, law-ay ina. Wala gid bawi,
wala gid ulo-ulo. Then that can
destroy. Kon nagasaway ka indi ka
magtanom sing ka-ugot, kon maakig ka bangud sang sala indi mo ini pagpalawigon
sa bagay nga mahimo na ini nga dumot.
Pero kon may dapat sawayon dapat man nga sawayon. Indi ka magsiling ok lang kon indi ok, indi
ka magpasugot sa sala. Ti maano kita
ma-into-anay na lang. Matuod judgment
without grace destroys. But grace without judgment is cheap grace, and it is a
deadly enemy of any relationship in the family and in the church.
No comments:
Post a Comment