3rd sun A - 1

Uso na subong bisan sa ano nga trabajo and psychological testing nga ginahatag sa mga apllicante.  Ini agud madetermine kon bala ang ining mga tawo qwalificado sa sining sahi sang trabaho, agud makabenifisyo ang compania ukon ang organisasyon.  Gani isa ka adlaw ginpadala ni Jesus ang iya mga gintuton-an sa pagkuha sang psycological test didto sa Galilee Psychological Testing Center agud mahibalu-an niya kon bala angay sila nga iya mga sumulunod.  Pagkatapos sang duha ka semana ginpadala kay Jesus ang resulta sang test.  Yari ang mga resulta sang psychological test nga ginpadala nila balik kay Jesus. Ang sulat nagasiling:

Dear Sir,

Nangayo ikaw nga i-examinon namon kon bala ang imo pinili nga mga apostoles mga maayo nga mga tawo nga maka-amot sa pagpatin-ad sang imo organisasyon.  Yari ang resulta:  Si Simon nga ginatawag nimo nga Pedro tam-an ka bugalon, tikalon, waay sing emotional stability kag pirme lang nga nagapadasodaso.  Indi siya bagay nga imo sumulunod.  Si Felipe, si Tomas kag si Bartolome daw mga tanga kag mabudlay pa-intiendihon.  Mabudlayan ka sa pagpahangop sa ila.  Si Santiago kag si Juan masyado ka palapangakig, indi nila macontrol ang ila temperament.  Ginapaandaman ka namon basi ikaw man pila ka adlaw ang ila paagyan sang ila kaakig.  Si Simon reactionary, miembro sang underground movement.  Bulubantayan mo siya kay basi suhoton niya ikaw kag traidoran.  Si Mateo nga manugsukot sang buhis may malain nga reputasyon, daya-on makawat.  Guba na ang iya credibilidad sa mga tawo.  Si Tadeo kag si Santiago waay ini sila mga bati-a.  Isli lang ini sila.  Sa amon nga examinasyon isa gid lang ang nakapasar, si Judas Iscariote.  May talento siya sa pagdumala sang kwarta, kag maayo siya nga kaupod sa imo trabaho kay kahibalo siya magprokorar sang imo kinahanglanon.  Madamo siya sing pangilala, pati ang pinakamataas nga pari sa templo kilala niya.  Gani Mr. Jesus, sa liwat, pilipili-on mo man ang imo mga sumulunod.  Indi ka lang magpamulotmulot sa higad sang dagat sa mga mangingisda.

Madamo gid nga salamat sa imo salig sa psychological test nga ginahatag namon.

Sincerely yours

Galilee Psychological Testing Center.

Mga utod, sa nahibaloan naton ini nga test ginpamatud-an nga sala.  Si Judas nagtraidor kay Jesus, kag ang nangin himpit gid lang amo ang mga waay nakapasar sa Psychological test.  Kag diri ginpamatud-an man sang Ginuo nga ang iya pagpili sa mga mangingisda was a good choice. 

Subong mamangkot kita, ngaa maksiling kita nga good choice ang mangingisda, ngaa ginpili sang Ginuo ang mangingisda?  Ngaa si Simon gid, si Andres, si Santiago kag si Juan?  Ngaa mangingisda gid ang ginpili niya nga mangin iya sumulunod kay damo man dira ang mas qualificado nga mga tawo.

Husisaon naton kon ngaa?

Una ang ginpili ni Jesus mga mangingisda tungod kay kahibalo sila mag-work as a team, maayo sila sa team work.  Indi ka maayo nga mangingisda kon luyag mo nga mag-isahanon lamang kag magpalainlain sa iban.  Sa paghumlad mo pa lang sang imo sahid, kinahanglan mo ang bulig sang iban nga mga baroto.  Sa imo pagpanahid kinahanglan mo ang mga assistant nga maga-coordinate sang ila mga ginabuhat sa imo, indi nga magmasigmasig.  Amo man ina sa pagsunod naton kay Kristo, we have to work as a team.  Ang values sang kalibutan tam-an ka kusog para sa puwersa sang isa lamang katawo kag naintiendihan ini ni Kristo - kinahanglan naton ang pagbuligay, coordinated action.  Lantawa bala ang panimalay nga ginapabay-an lamang sang tatay ang iya role bilang ginikanan kag ginahatag lang ini tanan sa iloy.  Ano ang matabo?  Lantawa bala kon magmasigmasig lang kita sa aton mga hublag, katulad abi sa apgrelocate sang mga squatters, kaluluoy lang ini sila kon magmasigmasig sila kag waay sila sing coordinated action.  Lantawa bala kon magmasigmasig lang kita sa aton spiritual life nga waay kita sing community nga magasuporta sa aton, magapamati sa aton kag maga-advise sa aton.  Lantawa bala ang nagasuicide.  Nagasuicide ina sila indi tungod kay may problema sila, tanan kita may problema man.  Nagasucicide sila tungod kay nagisaisa lang sila kag waay sila pautwasan.  Jesus knew the value of team work in his kind of life, it is too big just for one man, it needs team work.  Amo ina ang rason kon ngaa ginpili niya ang mangingisda.

Ikaduha, ginpili ni Kristo ang mangingisda tungod kay naanad sila sa mabudlay nga trabaho. Naka-intiendi sila nga ang kabuhi mabudlay, life is difficult, kay ang ila nga daan nga trabajo mabudlay kaayo.  Waay siya nagpili sang mga langloy nga gamay lang nga balod, gamay lang nga disturbo kag sakit, naga-back-out na sa gilayon.  Kung nahadlok ka man lang sang balod ukon gamay nga bagyo indi ka na lang magmangin mangingisda, sa parlor ka na lang.  Amo man ina ang pagsunod kay Kristo, mabudlay.  Magapangatubang kita sing madamo nga mga kasablagan.  Kon kaisa we will be forced to face a weather which we do not like at all.  We will be forced to face the storms of life.  Lantawa bala subong, gamay lang nga kabudlayan sa spiritual life, indi lang masabat ang aton pangamuyo sunggod na kita.  Gamay nga sunggod sa pari indi na kita magsimba, gamay lang nga mga demands sang aton relihiyon, backout na kita.  We are a generation of softies, mga softies, malambot, gamay gamay lang nga seminar, gamay gamay lang nga karikot, natak-an na, gamay gamay lang nga sakripisyo masiling dayon “ay kabudlay, ay kakapoy, kag bayaan.  Life is difficult, following Jesus is difficult.  Nobody promised us a rose garden when we follow Jesus. Nobody promised you that Christianity is going to be easy, so don’t expect a free willing life, don’t expect a carefree, free for all life - we have to understand and accept that it is hard and be brave enough to stand our ground katulad sang mangingisda.

Ikatatlo, ginpili sang Dios ang mangingisda kay sila mapinangamuyuon.  Ginapangatubang nila ang di mapaktan nga dagat, delikado ang ila kabuhi, kung kaisa ang ila pagdakop sang isda laban-laban sa palagpat kay indi nila mapaktan kon diin sila.  Mga utod, ang kabuhi kasubong man sini, ugaling kon kaisa indi kita aware sini.  Delikado kita, serioso ang aton kabuhi, sala lang ang imo desisyon kon kaisa lagbong kita, lunod kita kag indi na makabutwa.  Ang langit kag impierno nagapakita sa aton nga serioso ang aton kabuhi, indi naton ini mahampangan kag mabaliwala.  Indi naton mapaktan ang aton paalabuton, kon bala makadungka pa kita pagkatunod sang adlaw ukon sa pagbuklat sini.  Gani katulad sang mangingisda kinahanglan nga magmangin mapinangamuyuon kita.   Prayer is very important if we just consider the danger that surrounds our life, the danger that we meet everyday, the seriousness of the decisions we have to make and to face.  Ang pagsunod kay Kristo indi basta basta.  That is why we have to pray to ask for guidance and for strength.